திருக்கண்டியூர்வீரட்டம்

அருளியவர்: திருஞானசம்பந்தர்
பண்: கொல்லி
தலம்: கண்டியூர்வீரட்டம்
நாடு: சோழநாடு காவிரித் தென்கரை

1

வினவினேன்அறி யாமையில்லுரை செய்ம்மினீரருள் வேண்டுவீர்கனைவிலார்புனற் காவிரிக்கரை மேயகண்டியூர் வீரட்டன்தனமுனேதனக் கின்மையோதம ராயினாரண்ட மாளத்தான்வனனில்வாழ்க்கைகொண் டாடிப்பாடியிவ் வையமாப்பலி தேர்ந்ததே.

சொற்பிரிப்பு

வினவினேன், அறியாமையில்(ல்); உரை செய்ம்மின், நீர்! அருள் வேண்டுவீர்கனைவில் ஆர் புனல் காவிரிக் கரை மேய கண்டியூர் வீரட்டன்,தனம் முனே தனக்கு இன்மையோ தமர் ஆயினார் அண்டம் ஆள, தான்வனனில் வாழ்க்கை கொண்டு ஆடிப் பாடி, இவ் வையம்மாப் பலி தேர்ந்ததே?

உரை

மூலத்தில் தமிழ் உரை இல்லை.

2

உள்ளவாறெனக் குரைசெய்ம்மின்னுயர் வாயமாதவம் பேணுவீர்கள்ளவிழ்பொழில் சூழுங்கண்டியூர் வீரட்டத்துறை காதலான்பிள்ளைவான்பிறை செஞ்சடைம்மிசை வைத்ததும்பெரு நீரொலிவெள்ளந்தாங்கிய தென்கொலோமிகு மங்கையாளுட னாகவே.

சொற்பிரிப்பு

உள்ள ஆறு எனக்கு உரை செய்ம்மின்(ன்)! உயர்வு ஆய மா தவம் பேணுவீர்கள் அவிழ் பொழில் சூழும் கண்டியூர் வீரட்டத்து உறை காதலான்பிள்ளைவான் பிறை செஞ்சடை(ம்) மிசை வைத்ததும், பெரு நீர் ஒலி-வெள்ளம் தாங்கியது என்கொலோ, மிகு மங்கையாள் உடன் ஆகவே?

உரை

மூலத்தில் தமிழ் உரை இல்லை.

3

அடியராயினீர் சொல்லுமின்னறி கின்றிலேன்அரன் செய்கையைப்படியெலாந்தொழு தேத்துகண்டியூர் வீரட்டத்துறை பான்மையான்முடிவுமாய்முத லாயிவ்வைய முழுதுமாயழ காயதோர்பொடியதார்திரு மார்பினிற்புரி நூலும்பூண்டெழு பொற்பதே.

சொற்பிரிப்பு

அடியர் ஆயினீர்! சொல்லுமின்— அறிகின்றிலேன், அரன் செய்கையை;படி எலாம் தொழுது ஏத்து கண்டியூர் வீரட்டத்து உறைபான்மையான்,முடிவும் ஆய், முதல் ஆய், இவ் வையம் முழுதும் ஆய், அழகு ஆயது ஓர்பொடி அது ஆர் திருமார்பினில் புரி நூலும் பூண்டு, எழு பொற்பு அதே!

உரை

மூலத்தில் தமிழ் உரை இல்லை.

4

பழையதொண்டர்கள் பகருமின்பல வாயவேதியன் பான்மையைக்கழையுலாம்புனல் மல்குகாவிரி மன்னுகண்டியூர் வீரட்டன்குழையொர்காதினிற் பெய்துகந்தொரு குன்றின்மங்கை வெருவுறப்புழைநெடுங்கைநன் மாவுரித்தது போர்த்துகந்த பொலிவதே.

சொற்பிரிப்பு

பழைய தொண்டர்கள்! பகருமின்—பல ஆய வேதியன் பான்மையை!கழை உலாம் புனல் மல்கு காவிரி மன்னு கண்டியூர் வீரட்டன்குழை ஒர் காதினில் பெய்து உகந்து, ஒரு குன்றின் மங்கை வெரு உறப்புழை நெடுங்கை நன் மா உரித்து, அது போர்த்து உகந்த பொலிவு அதே!

உரை

மூலத்தில் தமிழ் உரை இல்லை.

5

விரவிலாதுமைக் கேட்கின்றேனடி விரும்பியாட்செய்வீர் விளம்புமின்கரவெலாந்திரை மண்டுகாவிரிக் கண்டியூருறை வீரட்டன்முரவமொந்தை முழாவொலிக்க முழங்குபேயொடுங் கூடிப்போய்ப்பரவுவானவர்க் காகவார்கடல் நஞ்சமுண்ட பரிசதே

சொற்பிரிப்பு

விரவு இலாது உமைக் கேட்கின்றேன்; அடி விரும்பி ஆட்செய்வீர்! விளம்புமின்-கரவு எலாம் திரை மண்டு காவிரிக் கண்டியூர் உறை வீரட்டன்முரவம், மொந்தை, முழா, ஒலிக்க, முழங்கு பேயொடும் கூடிப் போய்,பரவு வானவர்க்கு ஆக வார்கடல் நஞ்சம் உண்ட பரிசு அதே!

உரை

மூலத்தில் தமிழ் உரை இல்லை.

6

இயலுமாறெனக் கியம்புமின்னிறை வன்னுமாய்நிறை செய்கையைக்கயல்நெடுங்கண்ணி னார்கள்தாம்பொலி கண்டியூருறை வீரட்டன்புயல்பொழிந்திழி வானுளோர்களுக் காகவன்றயன் பொய்ச்சிரம்அயனகவ்வ தரிந்துமற்றதில் ஊனுகந்த அருத்தியே.

சொற்பிரிப்பு

இயலும் ஆறு எனக்கு இயம்புமின்(ன்) இறைவ(ன்)னும் ஆய் நிறை செய்கையை!கயல் நெடுங்கண்ணினார்கள் தாம் பொலி கண்டியூர் உறை வீரட்டன்புயல் பொழிந்து இழி வான் உளோர்களுக்கு ஆக அன்று, அயன் பொய்ச் சிரம்,அயல் நக(வ்), அது அரிந்து, மற்று அதில் ஊன் உகந்தஅருத்தியே!

உரை

மூலத்தில் தமிழ் உரை இல்லை.

7

திருந்துதொண்டர்கள் செப்புமின்மிகச் செல்வன்றன்னது திறமெலாங்கருந்தடங்கண்ணி னார்கள்தாந்தொழு கண்டியூருறை வீரட்டன்இருந்துநால்வரோ டால்நிழல்லறம் உரைத்ததும்மிகு வெம்மையார்வருந்தவன்சிலை யால்அம்மாமதில் மூன்றுமாட்டிய வண்ணமே.

சொற்பிரிப்பு

திருந்து தொண்டர்கள்! செப்புமின்—மிகச் செல்வன் த(ன்)னது திறம் எலாம்!கருந் தடங்கண்ணினார்கள் தாம் தொழு கண்டியூர் உறைவீரட்டன்இருந்து நால்வரொடு, ஆல்நிழல், அறம் உரைத்ததும், மிகு வெம்மையார்வருந்த வன் சிலையால் அம் மா மதில் மூன்றும் மாட்டிய வண்ணமே!

உரை

மூலத்தில் தமிழ் உரை இல்லை.

8

நாவிரித்தரன் தொல்புகழ்பல பேணுவீரிறை நல்குமின்காவிரித்தடம் புனல்செய்கண்டியூர் வீரட்டத்துறை கண்ணுதல்கோவிரிப்பயன் ஆன்அஞ்சாடிய கொள்கையுங்கொடி வரைபெறமாவரைத்தலத் தாலரக்கனை வலியைவாட்டிய மாண்பதே.

சொற்பிரிப்பு

நா விரித்து அரன் தொல் புகழ்பல பேணுவீர்! இறை நல்குமின்-காவிரித் தடம் புனல் செய் கண்டியூர் வீரட்டத்து உறை கண்ணுதல்கோ விரிப் பயன் ஆன் அஞ்சு ஆடிய கொள்கையும், கொடி வரை பெறமா வரைத்தலத்தால் அரக்கனை வலியை வாட்டிய மாண்பு அதே!

உரை

மூலத்தில் தமிழ் உரை இல்லை.

9

பெருமையேசர ணாகவாழ்வுறு மாந்தர்காளிறை பேசுமின்கருமையார்பொழில் சூழுந்தண்வயல் கண்டியூருறை வீரட்டன்ஒருமையாலுயர் மாலும்மற்றை மலரவன்னுணர்ந் தேத்தவேஅருமையாலவ ருக்குயர்ந்தெரி யாகிநின்றஅத் தன்மையே.

சொற்பிரிப்பு

பெருமையே சரண் ஆக வாழ்வு உறு மாந்தர்காள்! இறை பேசுமின்-கருமை ஆர் பொழில் சூழும் தண்வயல் கண்டியூர் உறை வீரட்டன்ஒருமையால் உயர் மாலும், மற்றை மலரவன், உணர்ந்துஏத்தவே,அருமையால் அவருக்கு உயர்ந்து எரி ஆகி நின்ற அத்தன்மையே!

உரை

மூலத்தில் தமிழ் உரை இல்லை.

10

நமரெழுபிறப் பறுக்குமாந்தர்கள் நவிலுமின்உமைக் கேட்கின்றேன்கமரழிவயல் சூழுந்தண்புனற் கண்டியூருறை வீரட்டன்தமரழிந்தெழு சாக்கியச்சமண் ஆதரோது மதுகொளாதமரரானவர் ஏத்தஅந்தகன் றன்னைச்சூலத்தி லாய்ந்ததே.

சொற்பிரிப்பு

நமர் எழுபிறப்பு அறுக்கும் மாந்தர்கள்! நவிலுமின், உமைக் கேட்கின்றேன்!கமர் அழி வயல் சூழும் தண்புனல் கண்டியூர் உறை வீரட்டன்தமர் அழிந்து எழு சாக்கியச் சமண் ஆதர் ஓதுமது கொளஅமரர் ஆனவர் ஏத்த, அந்தகன் தன்னைச் சூலத்தில் ஆய்ந்ததே!

உரை

மூலத்தில் தமிழ் உரை இல்லை.

11

கருத்தனைப்பொழில் சூழுங்கண்டியூர் வீரட்டத்துறை கள்வனைஅருத்தனைத்திறம் அடியர்பால்மிகக் கேட்டுகந்த வினாவுரைதிருத்தமாந்திகழ் காழிஞானசம் பந்தன்செப்பிய செந்தமிழ்ஒருத்தராகிலும் பலர்களாகிலும் உரைசெய்வா ருயர்ந்தார்களே.

சொற்பிரிப்பு

கருத்தனை, பொழில் சூழும் கண்டியூர் வீரட்டத்து உறை கள்வனை,அருத்தனை, திறம் அடியர்பால் மிகக் கேட்டு உகந்த வினா உரைதிருத்தம் ஆம் திகழ் காழி ஞான சம்பந்தன் செப்பிய செந்தமிழ்ஒருத்தர்ஆகிலும், பலர்கள் ஆகிலும், உரைசெய்வார் உயர்ந்தார்களே.

உரை

மூலத்தில் தமிழ் உரை இல்லை.