திருப்பிரமபுரம்

அருளியவர்: திருஞானசம்பந்தர்
பண்: கொல்லி
தலம்: சீர்காழி - 01-பிரமபுரம்
நாடு: சோழநாடு காவிரி வடகரை

1

கரமுனம்மல ராற்புனல்மலர் தூவியேகலந் தேத்துமின்பரமனூர்பல பேரினாற்பொலி பத்தர்சித்தர்கள் தாம்பயில்வரமுன்னவ்வருள் செய்யவல்லஎம் ஐயன்நாடொறும் மேயசீர்ப்பிரமனூர்பிர மாபுரத்துறை பிஞ்ஞகனருள் பேணியே.

சொற்பிரிப்பு

கரம் முனம் மலரால், புனல் மலர் தூவியே கலந்து ஏத்துமின்-பரமன் ஊர் பலபேரினால் பொலி, பத்தர் சித்தர்கள் தாம் பயில்,வரம் முன்ன(வ்) அருள் செய்ய வல்ல எம் ஐயன் நாள்தொறும் மேய சீர்ப்பிரமன் ஊர், பிரமாபுரத்து உறை பிஞ்ஞகன்(ன்) அருள் பேணியே!

உரை

மூலத்தில் தமிழ் உரை இல்லை.

2

விண்ணிலார்மதி சூடினான்விரும் பும்மறையவன் தன்றலைஉண்ணநன்பலி பேணினான்உல கத்துளூனுயி ரான்மலைப்பெண்ணினார்திரு மேனியான்பிர மாபுரத்துறை கோயிலுள்அண்ணலாரரு ளாளனாயமர் கின்றஎம்முடை யாதியே.

சொற்பிரிப்பு

விண்ணில் ஆர் மதி சூடினான், விரும்பும் மறையவன் தன் தலைஉண்ண நன் பலி பேணினான், உலகத்துள் ஊன் உயிரான்,மலைப்-பெண்ணின் ஆர் திருமேனியான்— பிரமாபுரத்து உறை கோயிலுஅண்ணல் ஆர் அருளாளனாய் அமர்கின்ற எம் உடை ஆதியே.

உரை

மூலத்தில் தமிழ் உரை இல்லை.

3

எல்லையில்புக ழாளனும்இமை யோர்கணத்துடன் கூடியும்பல்லையார்தலை யிற்பலியது கொண்டுகந்த படிறனுந்தொல்லைவையகத் தேறுதொண்டர்கள் தூமலர்சொரிந் தேத்தவேமல்லையம்பொழில் தேன்பில்கும்பிர மாபுரத்துறை மைந்தனே.

சொற்பிரிப்பு

எல்லை இல் புகழாளனும்(ம்), இமையோர் கணத்து உடன்கூடியும்,பல்லை ஆர் தலையில் பலி அது கொண்டு உகந்த படிறனும்தொல்லை வையகத்து ஏறு தொண்டர்கள் தூ மலர் சொரிந்து ஏத்தவே,மல்லை அம் பொழில் தேன் பில்கும் பிரமாபுரத்து உறை மைந்தனே.

உரை

மூலத்தில் தமிழ் உரை இல்லை.

4

அடையலார்புரஞ் சீறியந்தணர்ஏத்தமாமட மாதொடும்பெடையெலாங்கடற் கானல்புல்கும்பிரமாபுரத்துறை கோயிலான்தொடையலார்நறுங் கொன்றையான்தொழிலேபரவிநின் றேத்தினால்இடையிலார்சிவ லோகமெய்துதற்கீதுகாரணங் காண்மினே.

சொற்பிரிப்பு

அடையலார் புரம் சீறி அந்தணர் ஏத்த, மா மடமாதொடும்,பெடை எலாம் கடல் கானல் புல்கும் பிரமாபுரத்து உறை கோயிலான்;தொடையல் ஆர் நறுங்கொன்றையான் தொழிலே பரவி நின்று ஏத்தினால்,இடை இலார், சிவலோகம் எய்துதற்கு; ஈது காரணம் காண்மினே!

உரை

மூலத்தில் தமிழ் உரை இல்லை.

5

வாயிடைம்மறை யோதிமங்கையர் வந்திடப்பலி கொண்டுபோய்ப்போயிடம்எரி கானிடைப்புரி நாடகம்இனி தாடினான்பேயொடுங்குடி வாழ்வினான்பிர மாபுரத்துறை பிஞ்ஞகன்தாயிடைப்பொருள் தந்தையாகுமென் றோதுவார்க்கருள் தன்மையே.

சொற்பிரிப்பு

வாய் இடை(ம்) மறை ஓதி, மங்கையர் வந்து இடப் பலி கொண்டு, போய்ப்போய் இடம்(ம்) எரிகான் இடைப் புரி நாடகம்(ம்) இனிது ஆடினான்;பேயொடும் குடிவாழ்வினான்— பிரமாபுரத்து உறை பிஞ்ஞகன்;“தாய், இடைப் பொருள், தந்தை, ஆகும்” என்று ஓதுவார்க்குஅருள்தன்மையே!

உரை

மூலத்தில் தமிழ் உரை இல்லை.

6

ஊடினாலினி யாவதென்னுயர் நெஞ்சமேயுறு வல்வினைக்கோடிநீயுழல் கின்றதென்னழ லன்றுதன்கையி லேந்தினான்பீடுநேர்ந்தது கொள்கையான்பிர மாபுரத்துறை வேதியன்ஏடுநேர்மதி யோடராவணி எந்தையென்றுநின் றேத்திடே.

சொற்பிரிப்பு

ஊடினால் இனி யாவது? என் உயர் நெஞ்சமே!—உறு வல்வினைக்குஓடி நீ உழல்கின்றது என்? “அழல் அன்று தன் கையில் ஏந்தினான்,பீடு நேர்ந்தது கொள்கையான்— பிரமாபுரத்து உறை வேதியன்,ஏடு நேர் மதியோடு அரா அணி எந்தை” என்று நின்று ஏத்திடே!

உரை

மூலத்தில் தமிழ் உரை இல்லை.

7

செய்யன்வெள்ளியன் ஒள்ளியார்சில ரென்றும்ஏத்தி நினைந்திடஐயன்ஆண்டகை அந்தணன்அரு மாமறைப்பொரு ளாயினான்பெய்யும்மாமழை யானவன்பிர மாபுரம்இடம் பேணியவெய்யவெண்மழு வேந்தியைந்நினைந் தேத்துமின்வினை வீடவே.

சொற்பிரிப்பு

செய்யன், வெள்ளியன், ஒள்ளியார்சிலர் என்றும் ஏத்தி நினைந்திட,ஐயன், ஆண்டகை, அந்தணன், அருமா மறைப்பொருள் ஆயினான்;பெய்யும் மா மழை ஆனவன்; பிரமாபுரம் இடம் பேணியவெய்ய வெண்மழு ஏந்தியை(ந்) நினைந்து, ஏத்துமின், வினை வீடவே!

உரை

மூலத்தில் தமிழ் உரை இல்லை.

8

கன்றொருக்கையில் ஏந்திநல்விள வின்கனிபட நூறியுஞ்சென்றொருக்கிய மாமறைப்பொருள் தேர்ந்தசெம்மல ரோனுமாய்அன்றரக்கனைச் செற்றவன்அடி யும்முடியவை காண்கிலார்பின்றருக்கிய தண்பொழிற்பிர மாபுரத்தரன் பெற்றியே.

சொற்பிரிப்பு

கன்று ஒரு(க்) கையில் ஏந்தி நல்விளவின் கனி பட நூறியும்,சென்று ஒருக்கிய மாமறைப்பொருள் தேர்ந்த செம்மலரோனும் ஆய்,அன்று அரக்கனைச் செற்றவன்(ன்) அடியும் முடி அவை காண்கிலார்பின் தருக்கிய தண்பொழில் பிரமாபுரத்து அரன் பெற்றியே!

உரை

மூலத்தில் தமிழ் உரை இல்லை.

9

உண்டுடுக்கைவிட் டார்களும்உயர் கஞ்சிமண்டைகொள் தேரரும்பண்டடக்குசொற் பேசுமப்பரி வொன்றிலார்கள்சொல் கொள்ளன்மின்தண்டொடக்குவன் சூலமுந்தழல் மாமழுப்படை தன்கையிற்கொண்டொடுக்கிய மைந்தன்எம்பிர மாபுரத்துறை கூத்தனே.

சொற்பிரிப்பு

உண்டு உடுக்கை விட்டார்களும்(ம்), உயர் கஞ்சி மண்டை கொள் தேரரும்,பண்டு அடக்கு சொல் பேசும் அப் பரிவு ஒன்று இலார்கள் சொல் கொள்ளன்மின்!தண்டொடு, அக்கு, வன் சூலமும், தழல், மா மழுப்படை, தன் கையில்கொண்டு ஒடுக்கிய மைந்தன்—எம் பிரமாபுரத்து உறை கூத்தனே.

உரை

மூலத்தில் தமிழ் உரை இல்லை.

10

பித்தனைப்பிர மாபுரத்துறை பிஞ்ஞகன்கழல் பேணியேமெய்த்தவத்துநின் றோர்களுக்குரை செய்துநன்பொருள் மேவிடவைத்தசிந்தையுள் ஞானசம்பந்தன் வாய்நவின்றெழு மாலைகள்பொய்த்தவம்பொறி நீங்கஇன்னிசை போற்றிசெய்யும்மெய்ம் மாந்தரே.

சொற்பிரிப்பு

பித்தனை, பிரமாபுரத்து உறை பிஞ்ஞகன், கழல் பேணியே,மெய்த்தவத்து நின்றோர்களுக்கு உரைசெய்து, நன்பொருள் மேவிடவைத்த சிந்தையுள் ஞானசம்பந்தன் வாய் நவின்று எழு மாலைகள்,பொய்த் தவம் பொறி நீங்க, இன் இசை போற்றி செய்யும், மெய்ம் மாந்தரே!

உரை

மூலத்தில் தமிழ் உரை இல்லை.