திருத்தென்குடித்திட்டை

அருளியவர்: திருஞானசம்பந்தர்
பண்: கொல்லி
தலம்: தென்குடித்திட்டை
நாடு: சோழநாடு காவிரித் தென்கரை

1

முன்னைநான் மறையவை முறைமுறை குறையொடுந்தன்னதாள் தொழுதெழ நின்றவன் தன்னிடம்மன்னுமா காவிரி வந்தடி வருடநற்செந்நெலார் வளவயல் தென்குடித் திட்டையே.

சொற்பிரிப்பு

முன்னை நால் மறை அவை முறை முறை, குறையொடும்,தன்ன தாள் தொழுது எழ நின்றவன் தன் இடம்மன்னு மா காவிரி வந்து அடி வருட, நல்செந்நெல் ஆர் வளவயல்— தென்குடித்திட்டையே.

உரை

மூலத்தில் தமிழ் உரை இல்லை.

2

மகரமா டுங்கொடி மன்மத வேள்தனைநிகரலா காநெருப் பெழவிழித் தானிடம்பகரபா ணித்தலம் பன்மக ரத்தோடுஞ்சிகரமா ளிகைதொகுந் தென்குடித் திட்டையே.

சொற்பிரிப்பு

மகரம் ஆடும் கொடி மன் மத வேள் தனை,நிகரல் ஆகா நெருப்பு எழ, விழித்தான் இடம்பகர வாள் நித்திலம், பல்மகரத்தோடும்,சிகர மாளிகை தொகும் தென்குடித்திட்டையே.

உரை

மூலத்தில் தமிழ் உரை இல்லை.

3

கருவினா லன்றியே கருவெலா மாயவன்உருவினா லன்றியே உருவுசெய் தானிடம்பருவநாள் விழவொடும் பாடலோ டாடலுந்திருவினான் மிகுபுகழ்த் தென்குடித் திட்டையே.

சொற்பிரிப்பு

கருவினால் அன்றியே கரு எலாம் ஆயவன்,உருவினால் அன்றியே உருவு செய்தான், இடம்பருவ நாள், விழவொடும் பாடலோடு ஆடலும்திருவினால் மிகு புகழ்த் தென்குடித்திட்டையே.

உரை

மூலத்தில் தமிழ் உரை இல்லை.

4

உண்ணிலா வாவியா யோங்குதன் தன்மையைவிண்ணிலார் அறிகிலா வேதவே தாந்தனூர்எண்ணிலார் எழில்மணிக் கனகமா ளிகையிளந்தெண்ணிலா விரிதருந் தென்குடித் திட்டையே.

சொற்பிரிப்பு

உள்—நிலாவு ஆவி ஆய் ஓங்கு தன் தன்மையைவிண்ணிலார் அறிகிலா வேதவேதாந்தன் ஊர்எண் இல் ஆர் எழில் மணிக் கனக மாளிகை இளந்தெண் நிலா விரிதரும் தென்குடித்திட்டையே.

உரை

மூலத்தில் தமிழ் உரை இல்லை.

5

வருந்திவா னோர்கள்வந் தடையமா நஞ்சுதான்அருந்திஆர் அமுதவர்க் கருள்செய்தான் அமருமூர்செருந்திபூ மாதவிப் பந்தர்வண் செண்பகந்திருந்துநீள் வளர்பொழில் தென்குடித் திட்டையே.

சொற்பிரிப்பு

வருந்தி வானோர்கள் வந்து அடைய, மா நஞ்சு தான்அருந்தி, ஆர் அமுது அவர்க்கு அருள் செய்தான் அமரும் ஊர்செருந்தி, பூமாதவிப் பந்தர், வண் செண்பகம்,திருந்து நீள் வளர் பொழில்— தென்குடித்திட்டையே.

உரை

மூலத்தில் தமிழ் உரை இல்லை.

6

ஊறினார் ஓசையுள் ஒன்றினார் ஒன்றிமால்கூறினார் அமர்தருங் குமரவேள் தாதையூர்ஆறினார் பொய்யகத் தையுணர் வெய்திமெய்தேறினார் வழிபடுந் தென்குடித் திட்டையே.

சொற்பிரிப்பு

ஊறினார், ஓசையுள் ஒன்றினார், ஒன்றி மால்கூறினார், அமர்தரும் குமரவேள்தாதை ஊர்ஆறினார் பொய் அகத்து, ஐஉணர்வு எய்தி மெய்தேறினார், வழிபடும் தென்குடித்திட்டையே.

உரை

மூலத்தில் தமிழ் உரை இல்லை.

7

கானலைக் கும்மவன் கண்ணிடந் தப்பநீள்வானலைக் குந்தவத் தேவுவைத் தானிடந்தானலைத் தெள்ளமூர் தாமரைத் தண்டுறைதேனலைக் கும்வயல் தென்குடித் திட்டையே.

சொற்பிரிப்பு

கான் அலைக்கும்(ம்) அவன் கண் இடந்து அப்ப, நீளவான் அலைக்கும் தவத் தேவு வைத்தான் இடம்தான் அலைத் தெள் அம் ஊர், தாமரைத் தண்துறைதேன் அலைக்கும் வயல், தென்குடித்திட்டையே.

உரை

மூலத்தில் தமிழ் உரை இல்லை.

8

மாலொடும் பொருதிறல் வாளரக் கன்நெரிந்தோலிடும் படிவிர லொன்றுவைத் தானிடங்காலொடுங் கனகமூக் குடன்வரக் கயல்வரால்சேலொடும் பாய்வயல் தென்குடித் திட்டையே.

சொற்பிரிப்பு

மாலொடும் பொரு திறல் வாள் அரக்கன் நெரிந்துஓல் இடும்படி விரல் ஒன்று வைத்தான் இடம்காலொடும் கனகமூக்கு உடன்வர, கயல் வரால்சேலொடும் பாய் வயல்— தென்குடித்திட்டையே.

உரை

மூலத்தில் தமிழ் உரை இல்லை.

9

நாரணன் தன்னொடு நான்முகன் தானுமாய்க்காரணன் அடிமுடி காணவொண் ணானிடம்ஆரணங் கொண்டுபூ சுரர்கள்வந் தடிதொழச்சீரணங் கும்புகழ்த் தென்குடித் திட்டையே.

சொற்பிரிப்பு

நாரணன் தன்னொடு நான்முகன்தானும் ஆய்,காரணன்(ன்) அடி முடி காண ஒண்ணான் இடம்ஆரணம் கொண்டு பூசுரர்கள் வந்து அடி தொழ,சீர் அணங்கும் புகழ்த் தென்குடித்திட்டையே.

உரை

மூலத்தில் தமிழ் உரை இல்லை.

10

குண்டிகைக் கையுடைக் குண்டரும் புத்தரும்பண்டுரைத் தேயிடும் பற்றுவிட் டீர்தொழும்வண்டிரைக் கும்பொழில் தண்டலைக் கொண்டலார்தெண்டிரைத் தண்புனல் தென்குடித் திட்டையே.

சொற்பிரிப்பு

குண்டிகைக் கை உடைக் குண்டரும், புத்தரும்,பண்டு உரைத்து ஏயிடும் பற்று விட்டீர், தொழும்வண்டுஇரைக்கும் பொழில்- தண்டலைக் கொண்டல் ஆர்தெண்திரைத் தண்புனல்,— தென்குடித்திட்டையே!

உரை

மூலத்தில் தமிழ் உரை இல்லை.

11

தேனலார் சோலைசூழ் தென்குடித் திட்டையைக்கானலார் கடிபொழில் சூழ்தருங் காழியுள்ஞானமார் ஞானசம் பந்தன செந்தமிழ்பானலார் மொழிவலார்க் கில்லையாம் பாவமே.

சொற்பிரிப்பு

தேன் நல் ஆர் சோலை சூழ் தென்குடித்திட்டையை,கானல் ஆர் கடிபொழில் சூழ்தரும் காழியுளஞானம் ஆர் ஞான சம்பந்தன செந்தமிழ்பால் நல் ஆர் மொழி வலார்க்கு, இல்லைஆம்,பாவமே.

உரை

மூலத்தில் தமிழ் உரை இல்லை.