திருஇராமேச்சுரம்

அருளியவர்: திருஞானசம்பந்தர்
பண்: காந்தாரபஞ்சமம்
தலம்: இராமேச்சுரம்
நாடு: பாண்டியநாடு

1

அலைவளர் தண்மதி யோடய லேயடக் கியுமைமுலைவளர் பாகமு யங்கவல் லமுதல் வன்முனிஇலைவளர் தாழைகள் விம்முகா னல்இரா மேச்சுரம்தலைவளர் கோலநன் மாலையன் தானிருந் தாட்சியே.

சொற்பிரிப்பு

அலை, வளர் தண்மதியோடு அயலே அடக்கி, உமைமுலை வளர் பாகம் முயங்க வல்ல முதல்வன்; முனி;இலை வளர் தாழைகள் விம்மு கானல் இராமேச்சுரம்,தலை வளர் கோல நல் மாலையன்தான் இருந்துஆட்சியே.

உரை

மூலத்தில் தமிழ் உரை இல்லை.

2

தேவியை வவ்விய தென்னிலங் கைத்தச மாமுகன்பூவிய லும்முடி பொன்றுவித் தபழி போயறஏவிய லுஞ்சிலை யண்ணல்செய் தஇரா மேச்சுரம்மேவிய சிந்தையி னார்கள்தம் மேல்வினை வீடுமே.

சொற்பிரிப்பு

தேவியை வவ்விய தென் இலங்கைத் தசமாமுகன்பூ இயலும் முடி பொன்றுவித்த பழி போய் அற,ஏ இயலும் சிலை அண்ணல் செய்த இராமேச்சுரம்மேவிய சிந்தையினார்கள் தம்மேல் வினை வீடுமே.

உரை

மூலத்தில் தமிழ் உரை இல்லை.

3

மானன நோக்கிவை தேகிதன் னையொரு மாயையால்கானதில் வவ்விய காரரக் கன்னுயிர் செற்றவன்ஈனமி லாப்புக ழண்ணல்செய் தஇரா மேச்சுரம்ஞானமும் நன்பொரு ளாகிநின் றதொரு நன்மையே.

சொற்பிரிப்பு

மான் அன நோக்கி வைதேகி தன்னை ஒரு மாயையால்கான் அதில் வவ்விய கார் அரக்கன் உயிர் செற்றவன்,ஈனம் இலாப் புகழ் அண்ணல், செய்த இராமேச்சுரம்ஞானமும் நன் பொருள் ஆகி நின்றது ஒரு நன்மையே.

உரை

மூலத்தில் தமிழ் உரை இல்லை.

4

உரையுண ராதவன் காமமென் னும்முறு வேட்கையான்வரைபொரு தோளிறச் செற்றவில் லிமகிழ்ந் தேத்தியவிரைமரு வுங்கட லோதமல் கும்இரா மேச்சுரத்தரையர வாடநின் றாடல்பே ணும்அம்மான் அல்லனே.

சொற்பிரிப்பு

உரை உணராதவன், காமம் என்னும்(ம்) உறு வேட்கையான்,வரை பொரு தோள் இறச் செற்ற வில்லி மகிழ்ந்து ஏத்தியவிரை மருவும் கடல் ஓதம் மல்கும் இராமேச்சுரத்துஅரை அரவு ஆட நின்று, ஆடல் பேணும் அம்மான்அல்லனே!

உரை

மூலத்தில் தமிழ் உரை இல்லை.

5

ஊறுடை வெண்டலை கையிலேந் திப்பல வூர்தொறும்வீறுடை மங்கையர் ஐயம்பெய் யவிற லார்ந்ததோர்ஏறுடை வெல்கொடி யெந்தைமே யஇரா மேச்சுரம்பேறுடை யான்பெய ரேத்தும்மாந் தர்பிணி பேருமே.

சொற்பிரிப்பு

ஊறு உடை வெண் தலை கையில் ஏந்தி, பல ஊர்தொறும்,வீறு உடை மங்கையர் ஐயம் பெய்ய, விறல் ஆர்ந்தது ஓர்ஏறு உடை வெல் கொடி எந்தை மேய இராமேச்சுரம்பேறு உடையான் பெயர் ஏத்தும் மாந்தர் பிணிபேருமே.

உரை

மூலத்தில் தமிழ் உரை இல்லை.

6

அணையலை சூழ்கடல் அன்றடைத் துவழி செய்தவன்பணையிலங் கும்முடி பத்திறுத் தபழி போக்கியஇணையிலி என்றுமி ருந்தகோ யில்இரா மேச்சுரந்துணையிலி தூமலர்ப் பாதமேத் தத்துயர் நீங்குமே.

சொற்பிரிப்பு

அணை அலை சூழ் கடல் அன்று அடைத்து வழி செய்தவன்,பணை இலங்கும் முடிபத்து இறுத்த, பழி போக்கியஇணை இலி என்றும் இருந்த கோயில் இராமேச்சுரம்,துணை இலி தூ மலர்ப்பாதம் ஏத்த, துயர் நீங்குமே.

உரை

மூலத்தில் தமிழ் உரை இல்லை.

7

சனிபுதன் ஞாயிறு வெள்ளிதிங் கட்பல தீயனமுனிவது செய்துகந் தானைவென் றவ்வினை மூடிடஇனியருள் நல்கிடென் றண்ணல்செய் தஇரா மேச்சுரம்பனிமதி சூடிநின் றாடவல் லபர மேட்டியே.

சொற்பிரிப்பு

சனி, புதன், ஞாயிறு, வெள்ளி, திங்கள், பலதீயன,முனிவது செய்து உகந்தானை வென்று, அவ் வினை மூடிட,“இனி அருள் நல்கிடு!” என்று அண்ணல் செய்த இராமேச்சுரம்,பனி மதி சூடி நின்று ஆட வல்ல பரமேட்டியே!

உரை

மூலத்தில் தமிழ் உரை இல்லை.

8

பெருவரை யன்றெடுத் தேந்தினான் தன்பெயர் சாய்கெடஅருவரை யாலடர்த் தன்றுநல் கியயன் மாலெனும்இருவரும் நாடிநின் றேத்துகோ யில்இரா மேச்சுரத்தொருவனு மேபல வாகிநின் றதொரு வண்ணமே.

சொற்பிரிப்பு

பெரு வரை அன்று எடுத்து ஏந்தினான் தன் பெயர் சாய் கெட,அரு வரையால் அடர்த்து, அன்று நல்கி, அயன் மால் எனும்இருவரும் நாடி நின்று ஏத்து கோயில் இராமேச்சுரத்துஒருவனுமே பல ஆகி நின்றது ஒரு வண்ணமே!

உரை

மூலத்தில் தமிழ் உரை இல்லை.

9 Unavailable

இந்தப் பாடல் மூலத்தில் கிடைக்கப்பெறவில்லை. பாடல் வரிகள் இங்கே சேர்க்கப்படவில்லை.

இப்பதிகத்தில் 9-ம் பாடல் கிடைக்கப்பெறவில்லை.

சொற்பிரிப்பு

பாடல் கிடைக்கப்பெறவில்லை

10

சாக்கியர் வன்சமண் கையர்மெய் யில்தடு மாற்றத்தார்வாக்கிய லும்முரை பற்றுவிட் டுமதி யொண்மையால்ஏக்கிய லுஞ்சிலை யண்ணல்செய் தஇரா மேச்சுரம்ஆக்கிய செல்வனை யேத்திவாழ் மின்னரு ளாகவே.

சொற்பிரிப்பு

சாக்கியர், வன் சமண்கையர், மெய்யில்—தடுமாற்றத்தார்வாக்கு இயலும்(ம்) உரை பற்று விட்டு, மதி ஒண்மையால்,ஏக்கு இயலும் சிலை அண்ணல் செய்த இராமேச்சுரம்ஆக்கிய செல்வனை ஏத்தி வாழ்மின்(ன்), அருள் ஆகவே!

உரை

மூலத்தில் தமிழ் உரை இல்லை.

11

பகலவன் மீதியங் காமைக்காத் தபதி யோன்தனைஇகலழி வித்தவன் ஏத்துகோ யில்இரா மேச்சுரம்புகலியுள் ஞானசம் பந்தன்சொன் னதமிழ் புந்தியால்அகலிட மெங்கும்நின் றேத்தவல் லார்க்கில்லை அல்லலே.

சொற்பிரிப்பு

பகலவன் மீது இயங்காமைக் காத்த பதியோன்தனைஇகல் அழிவித்தவன் ஏத்து கோயில் இராமேச்சுரம்,புகலியுள் ஞானசம்பந்தன் சொன்ன தமிழ், புந்தியால்,அகலிடம் எங்கும் நின்று, ஏத்த வல்லார்க்கு இல்லை,அல்லலே.

உரை

மூலத்தில் தமிழ் உரை இல்லை.