திருக்கடவூர்வீரட்டம்

அருளியவர்: திருஞானசம்பந்தர்
பண்: காந்தாரபஞ்சமம்
தலம்: கடவூர் வீரட்டம்
நாடு: சோழநாடு காவிரித் தென்கரை

1

சடையுடை யானும்நெய் யாடலா னுஞ்சரி கோவணஉடையுடை யானுமை ஆர்ந்தவொண் கண்ணுமை கேள்வனுங்கடையுடை நன்னெடு மாடமோங் குங்கட வூர்தனுள்விடையுடை யண்ணலும் வீரட்டா னத்தர னல்லனே.

சொற்பிரிப்பு

சடை உடையானும், நெய் ஆடலானும், சரி கோவண-உடை உடையானும், மை ஆர்ந்த ஒண்கண் உமை கேள்வனும்,கடை உடை நன்நெடு மாடம் ஓங்கும் கடவூர்தனுள்விடை உடை அண்ணலும் வீரட்டானத்து அரன்அல்லனே?

உரை

மூலத்தில் தமிழ் உரை இல்லை.

2

எரிதரு வார்சடை யானும்வெள் ளையெரு தேறியும்புரிதரு மாமலர்க் கொன்றைமா லைபுனைந் தேத்தவேகரிதரு காலனைச் சாடினா னுங்கட வூர்தனுள்விரிதரு தொல்புகழ் வீரட்டா னத்தர னல்லனே.

சொற்பிரிப்பு

எரிதரு வார்சடையானும்; வெள்ளை எருது ஏறியும்;புரிதரு மா மலர்க்கொன்றை மாலை புனைந்து, ஏத்தவே,கரிதரு காலனைச் சாடினானும் கடவூர்தனுள்விரிதரு தொல்புகழ் வீரட்டானத்து அரன் அல்லனே?

உரை

மூலத்தில் தமிழ் உரை இல்லை.

3

நாதனுந் நள்ளிரு ளாடினா னுந்நளிர் போதின்கண்பாதனும் பாய்புலித் தோலினா னும்பசு வேறியுங்காதலர் தண்கட வூரினா னுங்கலந் தேத்தவேவேதம தோதியும் வீரட்டா னத்தர னல்லனே.

சொற்பிரிப்பு

நாதனும், நள் இருள் ஆடினானும், நளிர்போதின்கண்பாதனும், பாய் புலித்தோலினானும், பசு ஏறியும்,காதலர் தண் கடவூரினானும், கலந்து ஏத்தவேவேதம் அது ஓதியும் வீரட்டானத்து அரன் அல்லனே?

உரை

மூலத்தில் தமிழ் உரை இல்லை.

4

மழுவமர் செல்வனும் மாசிலா தபல பூதமுன்முழவொலி யாழ்குழல் மொந்தைகொட் டமுது காட்டிடைக்கழல்வளர் கால்குஞ்சித் தாடினா னுங்கட வூர்தனுள்விழவொலி மல்கிய வீரட்டா னத்தர னல்லனே.

சொற்பிரிப்பு

மழு அமர் செல்வனும்; மாசு இலாத பலபூதம் முன்முழவு, ஒலி யாழ், குழல், மொந்தை கொட்ட, முதுகாட்டு இடைக்கழல் வளர் கால் குஞ்சித்து ஆடினானும் கடவூர் தனுள்விழவு ஒலி மல்கிய வீரட்டானத்து அரன் அல்லனே?

உரை

மூலத்தில் தமிழ் உரை இல்லை.

5

சுடர்மணிச் சுண்ணவெண் ணீற்றினா னுஞ்சுழல் வாயதோர்படமணி நாகம் அரைக்கசைத் தபர மேட்டியுங்கடமணி மாவுரித் தோலினா னுங்கட வூர்தனுள்விடமணி கண்டனும் வீரட்டா னத்தர னல்லனே.

சொற்பிரிப்பு

சுடர் மணிச் சுண்ணவெண் நீற்றினானும், சுழல்வு ஆயது ஓர்படம் மணி நாகம் அரைக்கு அசைத்த பரமேட்டியும்,கடம் அணி மா உரித் தோலினானும், கடவூர்தனுள்விடம் அணி கண்டனும் வீரட்டானத்து அரன் அல்லனே?

உரை

மூலத்தில் தமிழ் உரை இல்லை.

6

பண்பொலி நான்மறை பாடியா டிப்பல வூர்கள்போய்உண்பலி கொண்டுழல் வானும்வா னின்னொளி மல்கியகண்பொலி நெற்றிவெண் டிங்களா னுங்கட வூர்தனுள்வெண்பொடிப் பூசியும் வீரட்டா னத்தர னல்லனே.

சொற்பிரிப்பு

பண் பொலி நால்மறை பாடி ஆடி, பல ஊர்கள் போய்,உண் பலி கொண்டு உழல்வானும்; வானின் ஒளி மல்கிய,கண் பொலி நெற்றி, வெண்திங்களானும்; கடவூர் தனுள்வெண்பொடி பூசியும் வீரட்டானத்து அரன் அல்லனே?

உரை

மூலத்தில் தமிழ் உரை இல்லை.

7

செவ்வழ லாய்நில னாகிநின் றசிவ மூர்த்தியும்முவ்வழல் நான்மறை யைந்துமா யமுனி கேள்வனுங்கவ்வழல் வாய்க்கத நாகமார்த் தான்கட வூர்தனுள்வெவ்வழ லேந்துகை வீரட்டா னத்தர னல்லனே.

சொற்பிரிப்பு

செவ் அழல் ஆய், நிலன் ஆகி, நின்ற சிவமூர்த்தியும்;முவ் அழல், நால்மறை, ஐந்தும், ஆய முனிகேள்வனும்;கவ்வு அழல் வாய்க் கதநாகம் ஆர்த்தான்—கடவூர்தனுள்வெவ் அழல் ஏந்து கை வீரட்டானத்து அரன்அல்லனே?

உரை

மூலத்தில் தமிழ் உரை இல்லை.

8

அடியிரண் டோ ருடம் பைஞ்ஞான் கிருபது தோள்தசமுடியுடை வேந்தனை மூர்க்கழித் தமுதல் மூர்த்தியுங்கடிகம ழும்பொழில் சூழுமந் தண்கட வூர்தனுள்வெடிதலை யேந்தியும் வீரட்டா னத்தர னல்லனே.

சொற்பிரிப்பு

அடி இரண்டு, ஓர் உடம்பு, ஐஞ்ஞான்கு—இருபதுதோள், தச-முடி உடை வேந்தனை மூர்க்கு அழித்த முதல் மூர்த்தியும்;கடி கமழும் பொழில் சூழும் அம் தண் கடவூர்தனுள்வெடி தலை ஏந்தியும் வீரட்டானத்து அரன் அல்லனே?

உரை

மூலத்தில் தமிழ் உரை இல்லை.

9

வரைகுடை யாமழை தாங்கினா னும்வளர் போதின்கண்புரைகடிந் தோங்கிய நான்முகத் தான்புரிந் தேத்தவேகரைகடல் சூழ்வையங் காக்கின்றா னுங்கட வூர்தனுள்விரைகமழ் பூம்பொழில் வீரட்டா னத்தர னல்லனே.

சொற்பிரிப்பு

வரை குடையா மழை தாங்கினானும், வளர் போதின்கண்புரை கடிந்து ஓங்கிய நான்முகத்தான், புரிந்து ஏத்தவே,கரை கடல் சூழ் வையம் காக்கின்றானும் கடவூர்தனுள்விரை கமழ் பூம்பொழில் வீரட்டானத்து அரன்அல்லனே?

உரை

மூலத்தில் தமிழ் உரை இல்லை.

10

தேரரும் மாசுகொள் மேனியா ருந்தெளி யாததோர்ஆரருஞ் சொற்பொரு ளாகிநின் றஎம தாதியான்காரிளங் கொன்றைவெண் டிங்களா னுங்கட வூர்தனுள்வீரமுஞ் சேர்கழல் வீரட்டானத்து அரன் அல்லனே

சொற்பிரிப்பு

தேரரும், மாசு கொள் மேனியாரும், தெளியாதது ஓர்ஆர் அருஞ்சொல் பொருள் ஆகி நின்ற எமது ஆதியான்;கார் இளங் கொன்றை வெண்திங்களானும் கடவூர்தனுள்வீரமும் சேர் கழல் வீரட்டானத்து அரன் அல்லனே?

உரை

மூலத்தில் தமிழ் உரை இல்லை.

11

வெந்த வெண் நீறணி வீரட்டானத்து உறை வேந்தனைஅந்தணர் தம் கடவூர் உள்ளாய் அணி காழியான்சந்தம் எல்லாம் அடிச் சாத்தவல்ல மறை ஞானசம்பந்தன செந்தமிழ் பாடி ஆடக் கெடும் பாவமே.

சொற்பிரிப்பு

வெந்த வெண்நீறு அணி வீரட்டானத்து உறை வேந்தனை,அந்தணர் தம் கடவூர் உளானை, அணி காழியான்சந்தம் எல்லாம் அடிச் சாத்த வல்ல மறை ஞானசம்-பந்தன செந்தமிழ் பாடி ஆட, கெடும், பாவமே.

உரை

மூலத்தில் தமிழ் உரை இல்லை.