திருப்புகலி

அருளியவர்: திருஞானசம்பந்தர்
பண்: காந்தாரபஞ்சமம்
தலம்: சீர்காழி - 03-புகலி
நாடு: சோழநாடு காவிரி வடகரை

1

கண்ணுத லானும்வெண் ணீற்றினா னுங்கழ லார்க்கவேபண்ணிசை பாடநின் றாடினா னும்பரஞ் சோதியும்புண்ணிய நான்மறை யோர்களேத் தும்புக லிந்நகர்ப்பெண்ணின்நல் லாளொடும் வீற்றிருந் தபெரு மானன்றே.

சொற்பிரிப்பு

கண் நுதலானும், வெண் நீற்றினானும், கழல் ஆர்க்கவேபண் இசை பாட நின்று ஆடினானும், பரஞ்சோதியும்புண்ணிய நால்மறையோர்கள் ஏத்தும் புகலி(ந்) நகர்,பெண்ணின் நல்லாளொடும் வீற்றிருந்த பெருமான் அன்றே!

உரை

மூலத்தில் தமிழ் உரை இல்லை.

2

சாம்பலோ டுந்தழ லாடினா னுஞ்சடை யின்மிசைப்பாம்பினோ டும்மதி சூடினா னும்பசு வேறியும்பூம்படு கல்லிள வாளைபா யும்புக லிந்நகர்காம்பன தோளியோ டும்மிருந் தகட வுளன்றே.

சொற்பிரிப்பு

சாம்பலோடும் தழல் ஆடினானும், சடையின் மிசைப்பாம்பினோடும் மதி சூடினானும், பசு ஏறியும்பூம் படுகல்(ல்) இள வாளை பாயும் புகலி(ந்) நகர்,காம்பு அன தோளியோடும்(ம்) இருந்த கடவுள் அன்றே!

உரை

மூலத்தில் தமிழ் உரை இல்லை.

3

கருப்புநல் வார்சிலைக் காமன்வே வக்கடைக் கண்டானும்மருப்புநல் லானையின் ஈருரி போர்த்த மணாளனும்பொருப்பன மாமணி மாடமோங் கும்புக லிந்நகர்விருப்பின்நல் லாளொடும் வீற்றிருந் தவிம லனன்றே.

சொற்பிரிப்பு

கருப்பு நல் வார் சிலைக் காமன் வேவக் கடைக்கண்டானும்,மருப்பு நல் ஆனையின் ஈர் உரி போர்த்த மணாளனும்பொருப்பு அன மா மணி மாடம் ஓங்கும் புகலி(ந்) நகர்,விருப்பின் நல்லாளொடும் வீற்றிருந்த விமலன் அன்றே!

உரை

மூலத்தில் தமிழ் உரை இல்லை.

4

அங்கையில் அங்கழல் ஏந்தினா னும்மழ காகவேகங்கையைச் செஞ்சடை சூடினா னுங்கட லின்னிடைப்பொங்கிய நஞ்சமு துண்டவ னும்புக லிந்நகர்மங்கைநல் லாளொடும் வீற்றிருந் தமண வாளனே.

சொற்பிரிப்பு

அங்கை இலங்கு அழல் ஏந்தினானும், அழகு ஆகவேகங்கையைச் செஞ்சடை சூடினானும், கடலின்(ன்) இடைப்பொங்கிய நஞ்சு அமுது உண்டவனும் புகலி(ந்) நகர்மங்கை நல்லாளொடும் வீற்றிருந்த மணவாளனே.

உரை

மூலத்தில் தமிழ் உரை இல்லை.

5

சாமநல் வேதனுந் தக்கன்றன் வேள்வித கர்த்தானும்நாமநூ றாயிரஞ் சொல்லிவா னோர்தொழும் நாதனும்பூமல்கு தண்பொழில் மன்னுமந் தண்புக லிந்நகர்க்கோமள மாதொடும் வீற்றிருந் தகுழ கனன்றே.

சொற்பிரிப்பு

சாம நல்வேதனும், தக்கன் தன் வேள்வி தகர்த்தானும்,நாமம் நூறு—ஆயிரம் சொல்லி வானோர் தொழும் நாதனும்பூ மல்கு தண்பொழில் மன்னும் அம் தண் புகலி(ந்)நகர்,கோமளமாதொடும் வீற்றிருந்த குழகன் அன்றே!

உரை

மூலத்தில் தமிழ் உரை இல்லை.

6

இரவிடை யொள்ளெரி யாடினா னும்மிமை யோர்தொழச்செருவிடை முப்புரந் தீயெரித் தசிவ லோகனும்பொருவிடை யொன்றுகந் தேறினா னும்புக லிந்நகர்அரவிடை மாதொடும் வீற்றிருந் தஅழ கனன்றே.

சொற்பிரிப்பு

இரவு இடை ஒள் எரி ஆடினானும், இமையோர் தொழச்செரு இடை முப்புரம் தீ எரித்த சிவலோகனும்,பொரு விடை ஒன்று உகந்து ஏறினானும் புகலி(ந்)நகர்,அரவு இடை மாதொடும் வீற்றிருந்த அழகன் அன்றே!

உரை

மூலத்தில் தமிழ் உரை இல்லை.

7

சேர்ப்பது திண்சிலை மேவினா னுந்திகழ் பாலன்மேல்வேர்ப்பது செய்தவெங் கூற்றுதைத் தானும்வேள் விப்புகைபோர்ப்பது செய்தணி மாடமோங் கும்புக லிந்நகர்பார்ப்பதி யோடுடன் வீற்றிருந் தபர மனன்றே.

சொற்பிரிப்பு

சேர்ப்பது திண் சிலை மேவினானும், திகழ் பாலன்மேல்வேர்ப்பது செய்த வெங்கூற்று உதைத்தானும் வேள்விப்புகைபோர்ப்பது செய்து அணி மாடம் ஓங்கும் புகலி(ந்) நகர்,பார்ப்பதியோடு உடன் வீற்றிருந்த பரமன் அன்றே!

உரை

மூலத்தில் தமிழ் உரை இல்லை.

8

கன்னெடு மால்வரைக் கீழரக் கன்னிடர் கண்டானும்வின்னெடும் போர்விறல் வேடனா கிவிச யற்கொருபொன்னெடுங் கோல்கொடுத் தானுமந் தண்புக லிந்நகர்அன்னமன் னநடை மங்கையொ டுமமர்ந் தானன்றே.

சொற்பிரிப்பு

கல்—நெடுமால் வரைக்கீழ் அரக்கன்(ன்) இடர் கண்டானும்,வில் நெடும் போர் விறல் வேடன் ஆகி விசயற்கு ஒருபொன் நெடுங்கோல் கொடுத்தானும் தண் புகலி(ந்)நகர்,அன்னம் அன்ன(ந்) நடை மங்கையொடும் அமர்ந்தான்அன்றே!

உரை

மூலத்தில் தமிழ் உரை இல்லை.

9

பொன்னிற நான்முகன் பச்சையான் என்றிவர் புக்குழித்தன்னையின் னானெனக் காண்பரி யதழற் சோதியும்புன்னைபொன் தாதுதிர் மல்குமந் தண்புக லிந்நகர்மின்னிடை மாதொடும் வீற்றிருந் தவிம லனன்றே.

சொற்பிரிப்பு

பொன்நிற நான்முகன், பச்சையான், என்று இவர் புக்குழித்தன்னை இன்னான் எனக் காண்பு அரிய தழல்சோதியும்புன்னை பொன்தாது உதிர் மல்கும் அம் தண் புகலி(ந்) நகர்,மின் இடை மாதொடும் வீற்றிருந்த விமலன் அன்றே!

உரை

மூலத்தில் தமிழ் உரை இல்லை.

10

பிண்டியும் போதியும் பேணுவார் பேச்சினைப் பேணாததோர்தொண்டருங் காதல்செய் சோதியா யசுடர்ச் சோதியான்புண்டரீ கம்மலர்ப் பொய்கைசூழ்ந் தபுக லிந்நகர்வண்டமர் கோதையொ டும்மிருந் தமண வாளனே.

சொற்பிரிப்பு

பிண்டியும் போதியும் பேணுவார் பேணைப் பேணாதது ஓர்,தொண்டரும் காதல்செய், சோதி ஆய சுடர்ச்சோதியான்-புண்டரீகம் மலர்ப் பொய்கை சூழ்ந்த புகலி(ந்) நகர்,வண்டு அமர் கோதையொடும்(ம்) இருந்த மணவாளனே.

உரை

மூலத்தில் தமிழ் உரை இல்லை.

11

பூங்கமழ் கோதையொ டும்மிருந் தான்புக லிந்நகர்ப்பாங்கனை ஞானசம் பந்தன்சொன் னதமிழ் பத்திவைஆங்கமர் வெய்திய ஆதியா கஇசை வல்லவர்ஓங்கம ராவதி யோர்தொழச் செல்வதும் உண்மையே.

சொற்பிரிப்பு

பூங் கமழ் கோதையொடும்(ம்) இருந்தான், புகலி(ந்) நகர்ப்பாங்கனை, ஞானசம்பந்தன் சொன்ன தமிழ் பத்து இவை,ஆங்கு அமர்வு எய்திய ஆதி ஆக, இசை வல்லவர்,ஓங்கு அமராவதியோர் தொழச் செல்வதும் உண்மையே.

உரை

மூலத்தில் தமிழ் உரை இல்லை.