திருமுறை 3 · 3.005 · 11

திருப்பூந்தராய்

அருளியவர்
திருஞானசம்பந்தர்
பண்
காந்தாரபஞ்சமம்
தலம்
சீர்காழி - 06-பூந்தராய்
நாடு
சோழநாடு காவிரி வடகரை

மூன்றாம் திருமுறை ›

1

தக்கன் வேள்வி தகர்த்தவன் பூந்தராய்மிக்க செம்மை விமலன் வியன்கழல்சென்று சிந்தையில் வைக்க மெய்க்கதி நன்ற தாகிய நம்பன் தானே.
சொற்பிரிப்பு
தக்கன் வேள்வி தகர்த்தவன், பூந்தராயமிக்க செம்மை விமலன், வியன் கழல்சென்று சிந்தையில் வைக்க, மெய்க்கதி நன்று அது ஆகிய நம்பன்தானே.
உரை

மூலத்தில் தமிழ் உரை இல்லை.

2

புள்ளி னம்புகழ் போற்றிய பூந்தராய்வெள்ளந் தாங்கு விகிர்தன் அடிதொழ ஞாலத் தில்லுயர் வாருள்கு நன்னெறி மூல மாய முதல்வன் தானே.
சொற்பிரிப்பு
புள் இனம் புகழ் போற்றிய பூந்தராய்வெள்ளம் தாங்கு விகிர்தன் அடி தொழ,ஞாலத்தில் உயர்வார், உள்கும் நன்நெறி மூலம் ஆய முதலவன் தானே.
உரை

மூலத்தில் தமிழ் உரை இல்லை.

3

வேந்த ராயுல காள விருப்புறிற்பூந்த ராய்நகர் மேயவன் பொற்கழல்நீதி யால்நினைந் தேத்தி யுள்கிடச் சாதி யாவினை யான தானே.
சொற்பிரிப்பு
வேந்தராய் உலகு ஆள விருப்பு உறின்,பூந்தராய் நகர் மேயவன் பொன் கழல்நீதியால் நினைந்து ஏத்தி உள்கிட, சாதியா, வினை ஆனதானே.
உரை

மூலத்தில் தமிழ் உரை இல்லை.

4

பூசு ரர்தொழு தேத்திய பூந்தராய்ஈசன் சேவடி யேத்தி யிறைஞ்சிடச்சிந்தை நோயவை தீர நல்கிடும் இந்து வார்சடை யெம்மி றையே.
சொற்பிரிப்பு
பூசுரர் தொழுது ஏத்திய பூந்தராய்ஈசன் சேவடி ஏத்தி இறைஞ்சிட,சிந்தை நோய் அவை தீர நல்கிடும் இந்து வார்சடை எம் இறையே.
உரை

மூலத்தில் தமிழ் உரை இல்லை.

5

பொலிந்த என்பணி மேனியன் பூந்தராய்மலிந்த புந்திய ராகி வணங்கிடநுந்தம் மேல்வினை யோட வீடுசெய் எந்தை யாயஎம் ஈசன் தானே.
சொற்பிரிப்பு
பொலிந்த என்பு அணி மேனியன் பூந்தராய்மலிந்த புந்தியர் ஆகி வணங்கிட,நும் தம் மேல் வினை ஓட, வீடு செய் எந்தை ஆய எம் ஈசன்தானே.
உரை

மூலத்தில் தமிழ் உரை இல்லை.

6

பூதஞ் சூழப் பொலிந்தவன் பூந்தராய்நாதன் சேவடி நாளும் நவின்றிடநல்கு நாடொறும் இன்ப நளிர்புனல் பில்கு வார்ச டைப்பிஞ் ஞகனே.
சொற்பிரிப்பு
பூதம் சூழப் பொலிந்தவன், பூந்தராய்நாதன், சேவடி நாளும் நவின்றிட,நல்கும், நாள்தொறும் இன்பம் நளிர்புனல் பில்கு வார்சடைப் பிஞ்ஞகனே.
உரை

மூலத்தில் தமிழ் உரை இல்லை.

7

புற்றில் நாகம் அணிந்தவன் பூந்தராய்பற்றி வாழும் பரமனைப் பாடிடப்பாவ மாயின தீரப் பணித்திடுஞ் சேவ தேறிய செல்வன் தானே.
சொற்பிரிப்பு
புற்றின் நாகம் அணிந்தவன், பூந்தராய்பற்றி வாழும் பரமனைப் பாடிட,பாவம் ஆயின தீரப் பணித்திடும் சே அது ஏறிய செல்வன் தானே.
உரை

மூலத்தில் தமிழ் உரை இல்லை.

8

போத கத்துரி போர்த்தவன் பூந்தராய்காத லித்தான் கழல்விரல் ஒன்றினால்அரக்கன் ஆற்றல் அழித்தவ னுக்கருள் பெருக்கி நின்ற எம்பிஞ் ஞகனே.
சொற்பிரிப்பு
போதகத்து உரி போர்த்தவன், பூந்தராய்காதலித்தான் கழல் விரல் ஒன்றினால்,அரக்கன் ஆற்றல் அழித்து, அவனுக்கு அருள் பெருக்கி நின்ற எம் பிஞ்ஞகனே.
உரை

மூலத்தில் தமிழ் உரை இல்லை.

9

மத்த மான இருவர் மருவொணாஅத்த னானவன் மேவிய பூந்தராய்ஆள தாக அடைந்துய்ம்மின் நும்வினை மாளு மாறருள் செய்யுந் தானே.
சொற்பிரிப்பு
மத்தம் ஆன இருவர் மருவு ஒணாஅத்தன் ஆனவன் மேவிய பூந்தராய்,ஆள் அது ஆக, அடைந்து உய்ம்மின்! நும் வினை மாளும் ஆறு அருள்செய்யும், தானே.
உரை

மூலத்தில் தமிழ் உரை இல்லை.

10

பொருத்த மில்சமண் சாக்கியர் பொய்கடிந்திருத்தல் செய்தபி ரான்இமை யோர்தொழப்பூந்த ராய்நகர் கோயில் கொண்டுகை ஏந்து மான்மறி யெம்மி றையே.
சொற்பிரிப்பு
பொருத்தம் இல் சமண் சாக்கியர் பொய் கடிந்து,இருத்தல் செய்த பிரான் இமையோர் தொழ,பூந்தராய் நகர் கோயில் கொண்டு, கை ஏந்தும் மான்மறி எம் இறையே.
உரை

மூலத்தில் தமிழ் உரை இல்லை.

11

புந்தி யால்மிக நல்லவர் பூந்தராய்அந்த மில்லெம் மடிகளை ஞானசம்பந்தன் மாலைகொண் டேத்தி வாழுநும் பந்த மார்வினை பாறி டுமே.
சொற்பிரிப்பு
புந்தியால் மிக நல்லவர் பூந்தராய்அந்தம் இல் எம் அடிகளை, ஞானசம்பந்தன் மாலை கொண்டு ஏத்தி வாழும்! நும் பந்தம் ஆர் வினை பாறிடுமே.
உரை

மூலத்தில் தமிழ் உரை இல்லை.