திருப்பூந்தராய்

அருளியவர்: திருஞானசம்பந்தர்
பண்: காந்தாரபஞ்சமம்
தலம்: சீர்காழி - 06-பூந்தராய்
நாடு: சோழநாடு காவிரி வடகரை

1

பந்துசேர்விர லாள்பவ ளத்துவர் வாயினாள்பனி மாமதி போல்முகத்தந்தமில்புக ழாள்மலை மாதொடும் ஆதிப்பிரான்வந்துசேர்விடம் வானவ ரெத்திசை யுந்நிறைந்து வலஞ்செய்து மாமலர்புந்திசெய்திறைஞ் சிப்பொழி பூந்தராய் போற்றுதுமே.

சொற்பிரிப்பு

பந்து சேர் விரலாள், பவளத்துவர் வாயினாள், பனி மா மதி போல் முகத்துஅந்தம் இல் புகழாள், மலைமாதொடும் ஆதிப்பிரான்வந்து சேர்வு இடம் வானவர் எத்திசையும் நிறைந்து, வலம்செய்து, மாமலர்புந்தி செய்து இறைஞ்சிப் பொழி பூந்தராய் போற்றுதுமே.

உரை

மூலத்தில் தமிழ் உரை இல்லை.

2

காவியங்கருங் கண்ணி னாள்கனித் தொண்டை வாய்கதிர் முத்தநல் வெண்ணகைத்தூவியம்பெடை யன்ன நடைச்சுரி மென்குழலாள்தேவியுந்திரு மேனியோர் பாகமாய் ஒன்றிரண்டொரு மூன்றொடு சேர்பதிபூவிலந்தணன் ஒப்பவர் பூந்தராய் போற்றுதுமே.

சொற்பிரிப்பு

காவி அம் கருங்கண்ணினாள், கனித்தொண்டைவாய்,கதிர் முத்த நல்வெண் நகை,தூவி அம் பெடை அன்னம் நடை, சுரி மென்குழலாள்,தேவியும் திருமேனி ஓர்பாகம் ஆய்,ஒன்று இரண்டு ஒருமூன்றொடு சேர் பதி,பூவில் அந்தணன் ஒப்பவர், பூந்தராய் போற்றுதுமே.

உரை

மூலத்தில் தமிழ் உரை இல்லை.

3

பையராவரும் அல்குல் மெல்லியல் பஞ்சின்நேரடி வஞ்சிகொள் நுண்ணிடைத்தையலாளொரு பாலுடையெம்மிறை சாருமிடஞ்செய்யெலாங்கழு நீர்கம லம்மலர்த் தேறலூறலின் சேறுல ராதநற்பொய்யிலாமறை யோர்பயில் பூந்தராய் போற்றுதுமே.

சொற்பிரிப்பு

பை அரா வரும் அல்குல், மெல் இயல், பஞ்சின் நேர் அடி, வஞ்சி கொள் நுண் இடை,தையலாள் ஒருபால் உடை எம் இறை சாரும் இடம்செய் எலாம் கழுநீர் கமலம்மலர்த் தேறல் ஊறலின், சேறுஉலராத, நல்பொய் இலா மறையோர் பயில் பூந்தராய் போற்றுதுமே.

உரை

மூலத்தில் தமிழ் உரை இல்லை.

4

முள்ளிநாண்முகை மொட்டியல் கோங்கின் அரும்புதேன்கொள் குரும்பைமூ வாமருந்துள்ளியன்றபைம் பொற்கலசத்திய லொத்தமுலைவெள்ளிமால்வரை யன்னதோர் மேனியின் மேவினார்பதி வீமரு தண்பொழிற்புள்ளினந்துயில் மல்கிய பூந்தராய் போற்றுதுமே.

சொற்பிரிப்பு

முள்ளி நாள்முகை, மொட்டு இயல் கோங்கின் அரும்பு, தென்கொள் குரும்பை, மூவாமருந்துஉள் இயன்ற பைம்பொன் கலசத்து இயல் ஒத்த முலைவெள்ளிமால்வரை அன்னது ஓர் மேனியில் மேவினார் பதி வீ மரு தண்பொழில்புள் இனம் துயில் மல்கிய பூந்தராய் போற்றுதுமே.

உரை

மூலத்தில் தமிழ் உரை இல்லை.

5

பண்ணியன்றெழு மென்மொழி யாள்பகர் கோதையேர்திகழ் பைந்தளிர் மேனியோர்பெண்ணியன்றமொய்ம் பிற்பெரு மாற்கிடம் பெய்வளையார்கண்ணியன்றெழு காவிச் செழுங்கரு நீலமல்கிய காமரு வாவிநற்புண்ணியருறை யும்பதி பூந்தராய் போற்றுதுமே.

சொற்பிரிப்பு

பண் இயன்று எழு மென்மொழியாள், பகர் கோதை, ஏர் திகழ் பைந்தளிர்மேனி, ஓர்பெண் இயன்ற மொய்ம்பின் பெருமாற்கு இடம் பெய்வளையார்கண் இயன்று எழு காவி, செழுங் கருநீலம், மல்கிய காமரு வாவி, நல்புண்ணியர் உறையும் பதி பூந்தராய் போற்றுதுமே.

உரை

மூலத்தில் தமிழ் உரை இல்லை.

6

வாள்நிலாமதி போல்நு தலாள்மட மாழை யொண்கணாள் வண்தர ளந்நகைபாண்நிலாவிய இன்னிசை யார்மொழிப் பாவையொடுஞ்சேண்நிலாத்திகழ் செஞ்சடை யெம்மண்ணல் சேர்வதுசிக ரப்பெருங் கோயிற்சூழ்போணிலாநுழை யும்பொழிற் பூந்தராய் போற்றுதுமே.

சொற்பிரிப்பு

வாள் நிலாமதி போல் நுதலாள், மடமாழை ஒண்கணாள், வண் தரள(ந்) நகை,பாண் நிலாவிய இன் இசை ஆர் மொழிப் பாவையொடும்,சேண் நிலாத் திகழ் செஞ்சடை எம் அண்ணல் சேர்வது சிகரப் பெருங்கோயில் சூழ்போழ் நிலா நுழையும் பொழில் பூந்தராய் போற்றுதுமே.

உரை

மூலத்தில் தமிழ் உரை இல்லை.

7

காருலாவிய வார்குழ லாள்கயற் கண்ணினாள்புயற் காலொளி மின்னிடைவாருலாவிய மென்முலை யாள்மலை மாதுடனாய்நீருலாவிய சென்னி யன்மன்னி நிகருநாமம்முந் நான்கு நிகழ்பதிபோருலாவெயில் சூழ்பொழிற் பூந்தராய் போற்றுதுமே.

சொற்பிரிப்பு

கார் உலாவிய வார்குழலாள், கயல்கண்ணினாள், புயல் கால் ஒளிமின் இடை,வார் உலாவிய மென்முலையாள், மலைமாது உடன் ஆய்,நீர் உலாவிய சென்னியன் மன்னி, நிகரும் நாமம் முந்நான்கும் நிகழ் பதிபோர் உலாவு எயில் சூழ் பொழில் பூந்தராய் போற்றுதுமே.

உரை

மூலத்தில் தமிழ் உரை இல்லை.

8

காசைசேர்குழ லாள்கய லேர்தடங் கண்ணிகாம்பன தோட்கதிர் மென்முலைத்தேசுசேர்மலை மாதம ருந்திரு மார்பகலத்தீசன்மேவும் இருங்கயி லையெடுத் தானைஅன்றடர்த் தான்இணைச் சேவடிபூசைசெய்பவர் சேர்பொழிற் பூந்தராய் போற்றுதுமே.

சொற்பிரிப்பு

காசை சேர் குழலாள், கயல் ஏர் தடங்கண்ணி, காம்பு அன தோள், கதிர் மென்முலை,தேசு சேர் மலைமாது அமரும் திருமார்பு அகலத்துஈசன் மேவும் இருங்கயிலை எடுத்தானை அன்று அடர்த்தான் இணைச்சேவடிபூசை செய்பவர் சேர் பொழில் பூந்தராய் போற்றுதுமே.

உரை

மூலத்தில் தமிழ் உரை இல்லை.

9

கொங்குசேர்குழ லாள்நிழல் வெண்ணகைக் கொவ்வைவாய்க்கொடி யேரிடையாளுமைபங்குசேர்திரு மார்புடை யார்படர் தீயுருவாய்மங்குல்வண்ணனும் மாமல ரோனும் மயங்கநீண்டவர் வான்மிசைவந்தெழுபொங்குநீரின்மி தந்தநற் பூந்தராய் போற்றுதுமே.

சொற்பிரிப்பு

கொங்கு சேர் குழலாள், நிழல் வெண் நகை, கொவ்வை வாய், கொடி ஏர் இடையாள் உமைபங்கு சேர் திருமார்பு உடையார்; படர் தீ உரு ஆய்,மங்குல் வண்ணனும் மா மலரோனும் மயங்க நீண்டவர்; வான்மிசை வந்து எழுபொங்கு நீரில் மிதந்த நன் பூந்தராய் போற்றுதுமே.

உரை

மூலத்தில் தமிழ் உரை இல்லை.

10

கலவமாமயி லார்இயலாள்கரும் பன்னமென்மொழி யாள்கதிர் வாணுதற்குலவுபூங்குழ லாளுமை கூறனை வேறுரையால்அலவைசொல்லுவார் தேரமண் ஆதர்கள் ஆக்கினான்றனை நண்ணலு நல்குநற்புலவர்தாம்புகழ் பொற்பதி பூந்தராய் போற்றுதுமே.

சொற்பிரிப்பு

கலவமாமயில் ஆர் இயலாள்,கரும்பு அன்ன மென்மொழியாள், கதிர் வாள்நுதல்குலவு பூங்குழலாள் உமை கூறனை, வேறு உரையால்அலவை சொல்லுவார் தேர் அமண் ஆதர்கள் ஆக்கினான் தனை, நண்ணலும் நல்கும் நன்புலவர் தாம் புகழ் பொன் பதி பூந்தராய் போற்றுதுமே.

உரை

மூலத்தில் தமிழ் உரை இல்லை.

11

தேம்பல் நுண்ணிடை யாள்செழுஞ்சேலன கண்ணியோ டண்ணல் சேர்விடந் தேன்அமர்பூம்பொழில்திகழ் பொற்பதி பூந்தராய் போற்றுதுமென்றோம்புதன்மையன் முத்தமிழ்நான்மறை ஞானசம்பந்தன் ஒண்தமிழ் மாலைகொண்டாம்படியிவை யேத்தவல் லார்க்கடை யாவினையே.

சொற்பிரிப்பு

“தேம்பல் நுண் இடையாள் செழுஞ் சேல் அன கண்ணியோடுஅண்ணல் சேர்வு இடம், தேன் அமர்பூம்பொழில் திகழ், பொன் பதி பூந்தராய் போற்றுதும்!” என்றுஓம்பு தன்மையன் முத்தமிழ் நால்மறை ஞானசம்பந்தன் ஒண் தமிழ்மாலை கொண்டுஆம் படி இவை ஏத்த வல்லார்க்கு அடையா, வினையே.

உரை

மூலத்தில் தமிழ் உரை இல்லை.