திருத்தெங்கூர்

அருளியவர்: திருஞானசம்பந்தர்
பண்: பியந்தைக்காந்தாரம்
தலம்: தெங்கூர்
நாடு: சோழநாடு காவிரித் தென்கரை

1

புரைசெய் வல்வினை தீர்க்கும் புண்ணியர் விண்ணவர் போற்றக்கரைசெய் மால்கடல் நஞ்சை உண்டவர் கருதலர் புரங்கள்இரைசெய் தாரழ லூட்டி யுழல்பவர் இடுபலிக் கெழில்சேர்விரைசெய் பூம்பொழில் தெங்கூர் வெள்ளியங் குன்ற மர்ந்தாரே.

சொற்பிரிப்பு

புரை செய் வல்வினை தீர்க்கும் புண்ணியர் விண்ணவர் போற்றக்கரை செய் மால்கடல் நஞ்சை உண்டவர் கருதலர் புரங்கள்இரை செய்து ஆரழலூட்டி உழல்பவர் இடுபலிக்கு எழில்சேர்விரைசெய் பூம்பொழில் தெங்கூர் வெள்ளியம் குன்று அமர்ந்தாரே.

உரை

ஆரழலுக்கு இரையாச் செய்து ஊட்டி, இடுபலிக்கு உழல்பவர் அமர்ந்தார் என்றார். தென்கு (தெங்கு) + ஊர் = தெங்கூர்.

2

சித்தந் தன்னடி நினைவார் செடிபடு கொடுவினை தீர்க்கும்கொத்தின்1 தாழ்சடை முடிமேற் கோளெயிற் றரவொடு பிறையன்பத்தர் தாம்பணிந் தேத்தும் பரம்பரன் பைம்புனல் பதித்தவித்தன் தாழ்பொழில் தெங்கூர் வெள்ளியங் குன்றமர்ந் தாரே.பாடம் : 1கொத்தன்

சொற்பிரிப்பு

சித்தம் தன் அடி நினைவார் செடி படு கொடுவினை தீர்க்கும்கொத்தின் தாழ் சடை முடிமேல் கோள் எயிற்று அரவொடு பிறையன்பத்தர் தாம் பணிந்து ஏத்தும் பரம்பரன் பைம்புனல் பதித்தவித்தன் தாழ்பொழில் தெங்கூர் வெள்ளியம் குன்று அமர்ந்தாரே.

உரை

தன் அடி சித்தம் நினைவார் வினை என்றியைக்க. சித்தத்தில் நினைவார். செடிபடு- பாவத்தாலுண்டான. பிறையன் என்பது சிவனென்னும் பெயரளவாய் நின்று. தீர்க்கும் எனுமெச்சத்தைக் கொண்டது. கோள்- வலிமை, கொலை. புனல் பதித்த வித்தன் - நீரில் பதியச் செய்த விதையானவன் (தி.6 ப. 15 பா. 2) (திருவாசகம் 253).

3

அடையும் வல்வினை யகல அருள்பவர் அனலுடை மழுவாட்படையர் பாய்புலித் தோலர் பைம்புனற் கொன்றையர் படர்புன்சடையில் வெண்பிறை சூடித் தார்மணி யணிதரு தறுகண்விடையர் வீங்கெழில் தெங்கூர் வெள்ளியங் குன்றமர்ந் தாரே.

சொற்பிரிப்பு

அடையும் வல்வினை அகல அருள்பவர் அனலுடை மழுவாட்படையர் பாய்புலித் தோலர் பைம்புனல் கொன்றையர் படர்புன்சடையில் வெண்பிறை சூடித் தார் மணிஅணிதரு தறுகண்விடையர் வீங்கெழில் தெங்கூர் வெள்ளியம் குன்று அமர்ந்தாரே.

உரை

வினை அகல அருள்பவர். விடை எருதுக்கு அதன் கழுத்தில் மணி கட்டுதல் உண்மையான், மணி அணிதிரு விடை எனப்பட்டது. தறுகண் - கொடுமை; அஞ்சத் தக்கவற்றிற்கு அஞ்சாமை. ‘தறுகணன் (நன்னூல்) கண் என்பதன் முன் சில முதனிலைகள் சேர்ந்து வெவ்வேறு பொருள் பயத்தலை - அலக்கண், புண்கண், இடுக்கண் (இடுங்குகண்) வண்கண் முதலியவற்றிற் காண்க.

4

பண்டு நான்செய்த2 வினைகள் பறையவோர் நெறியருள் பயப்பார்கொண்டல் வான்மதி சூடிக் குரைகடல் விடமணி கண்டர்வண்டு மாமல ரூதி மதுவுண இதழ்மறி வெய்திவிண்ட வார்பொழில் தெங்கூர் வெள்ளியங் குன்றமர்ந் தாரே.பாடம் : 2நாம்செய்த

சொற்பிரிப்பு

பண்டு நான் செய்த வினைகள் பறையவோர் நெறி அருள் பயப்பார்கொண்டல் வான்மதி சூடிக் குரை கடல் விட மணிகண்டர்வண்டு மாமலர் ஊதி மதுவுண இதழ் மறிவு எய்திவிண்டவார் பொழில் தெங்கூர் வெள்ளியம் குன்று அமர்ந்தாரே.

உரை

பறைய - அழிய, பயப்பார். கொண்டல் - மேகம். வானிற்கு அடை. குரைகடல் - முழங்கும் கடல். வண்டு... விண்ட பொழில் - இயற்கை உணர்த்திற்று.

5

சுழித்த வார்புனற் கங்கை சூடியொர் காலனைக் காலால்தெழித்து வானவர் நடுங்கச் செற்றவர் சிறையணி பறவைகழித்த வெண்டலையேந்திக் காமன துடல்பொடி யாகவிழித்த வர்திருத் தெங்கூர் வெள்ளியங் குன்றமர்ந் தாரே.

சொற்பிரிப்பு

சுழித்தவார் புனல் கங்கைசூடியோர் காலனைக் காலால்தெழித்து வானவர் நடுங்கச் செற்றவர் சிறை அணி பறவைகழித்த வெண்தலை ஏந்திக் காமனது உடல் பொடியாகவிழித்தவர் திருத்தெங்கூர் வெள்ளியம் குன்று அமர்ந்தாரே.

உரை

சுழித்த- சுழற்சியைச் செய்த. தெழித்து- கோபித்து. சிறையணிபறவை கழித்த வெண்டலை - பிரமகபாலம். அன்னப்பறவையான காரணம் பற்றியது.

6

தொல்லை வல்வினை தீர்ப்பார் சுடலைவெண் பொடியணி சுவண்டர்எல்லி3 சூடிநின் றாடும் இறையவர் இமையவ ரேத்தச்சில்லை மால்விடை யேறித் திரிபுரந் தீயெழச் செற்றவில்லி னார்திருத் தெங்கூர் வெள்ளியங் குன்றமர்ந் தாரே.பாடம் : 3அல்லி

சொற்பிரிப்பு

தொல்லை வல்வினை தீர்ப்பார் சுடலை வெண்பொடி அணி சுவண்டர்எல்லி சூடி நின்றாடு மிறையவர் இமையவர் ஏத்தச்சில்லை மால் விடை ஏறித் திரிபுரந் தீஎழச் செற்றவில்லினார் திருத்தெங்கூர் வெள்ளியம் குன்று அமர்ந்தாரே.

உரை

தொல்லைவினை - பூர்வகர்மம், பிராரப்தம், சஞ்சிதம் இரண்டும். சுவண்டர் - சு- அண்டர் நல்லதேவர் எனவும் இடனில்லை. 'சுந்தரராய்த் தூமதியம் சூடுவது சுவண்டே' (தி. 7 பா. 470) என்பது கொண்டு முன் பொருத்தம் என்றும். அது இங்குப் பொருந்தாது. எல்லி - தண்ணொளியுடைய திங்கள். எல் - ஒளி. சில்லை - இழிவு. பாசக்கடற்குளே வீழ்கின்றதே இழிவு. வில்லினார் - மேருமலையாகிய வில்லை உடையார்.

7

நெறிகொள் சிந்தைய ராகி நினைபவர்4 வினைகெட நின்றார்முறிகொள் மேனிமுக் கண்ணர் முளைமதி நடுநடுத் திலங்கப்பொறிகொள் வாளர வணிந்த புண்ணியர் வெண்பொடிப் பூசிவெறிகொள் பூம்பொழில் தெங்கூர் வெள்ளியங் குன்றமர்ந் தாரே.பாடம் : 4நினைப்பவர்

சொற்பிரிப்பு

நெறிகொள் சிந்தையராகி நினைபவர் வினைகெட நின்றார்முறிகொள் மேனி முக்கண்ணர் முளைமதி நடுநடுத்து இலங்கப்பொறிகொள் வாளரவு அணிந்த புண்ணியர் வெண்பொடிப் பூசிவெறிகொள் பூம்பொழில் தெங்கூர் வெள்ளியம் குன்று அமர்ந்தாரே.

உரை

நெறி - திருநெறி. முறி - தளிர். முளைமதி - பிறை. வெறி - மணம்.

8

எண்ணி லாவிறல் அரக்கன் எழில்திகழ் மால்வரை யெடுக்கக்கண்ணெ லாம்பொடிந் தலறக் கால்விர லூன்றிய கருத்தர்தண்ணு லாம்புனற் கண்ணி தயங்கிய சடைமுடிச் சதுரர்விண்ணு லாம்பொழில் தெங்கூர் வெள்ளியங் குன்றமர்ந் தாரே.

சொற்பிரிப்பு

எண்ணிலா விறலரக்கன் எழில்திகழ் மால்வரை எடுக்கக்கண்ணெலாம் பொடிந்து அலறக் கால் விரல் ஊன்றிய கருத்தர்தண்ணுலாம் புனல் கண்ணி தயங்கிய சடை முடிச்சதுரர்விண்ணுலாம் பொழில் தெங்கூர் வெள்ளியம் குன்று அமர்ந்தாரே.

உரை

எண்- கணக்கு. விறல் - வலிமை. கருத்தர்- தலைவர் வினை முதல்வர். கண்ணி - கங்கை. பிறைக்கண்ணியுமாம். விண் உலாம் பொழில் - சோலையுயர்வு குறித்தது.

9

தேடித் தானயன் மாலுந் திருமுடி யடியிணை காணார்பாடத் தான்பல பூதப் படையினர் சுடலையிற் பலகால்ஆடத் தான்மிக வல்லர் அருச்சுனற் கருள்செயக் கருதும்வேடத் தார்திருத் தெங்கூர் வெள்ளியங் குன்றமர்ந் தாரே.

சொற்பிரிப்பு

தேடித்தான் அயன்மாலும் திருமுடி அடியிணை காணார்பாடத்தான் பலபூதப் படையினர் சுடலையிற் பலகால்ஆடத்தான் மிகவல்லார் அருச் சுனற்கருள் செயக்கருதும்வேடத்தார் திருத்தெங்கூர் வெள்ளியம் குன்று அமர்ந்தாரே.

உரை

அயனும் மாலும் முறையே திருமுடியையும் திருவடியையும் தேடித் தான்காணார். இணை- ஒத்தன (இரண்டும்). பாட ... படையினார் - பாட என்னும் வினையெச்சம் படையை உடையவர் என்பதில் உள்ள உடையவர் எனும் வினைக் குறிப்பைக் கொண்டது, ஆடவல்லர். வேடத்தார் - வேட்டுவக் கோலத்தார்.

10

சடங்கொள் சீவரப் போர்வைச் சாக்கியர் சமணர்சொல் தவிரஇடங்கொள் வல்வினை தீர்க்கும் ஏத்துமின் இருமருப் பொருகைக்கடங்கொள் மால்களிற் றுரியர் கடல்கடைந் திடக்கனன் றெழுந்தவிடங்கொள் கண்டத்தர் தெங்கூர் வெள்ளியங் குன்றமர்ந் தாரே.

சொற்பிரிப்பு

சடங்கொள் சீவரப் போர்வைச் சாக்கியர் சமணர் சொல்தவிரஇடங்கொள் வல்வினை தீர்க்கும் ஏத்தும் இனிருமருப் பொருகைக்கடங்கொள் மால்களிற்று உரியர் கடல் கடைந்திடக் கனன்று எழுந்தவிடங்கொள் கண்டத்தர் தெங்கூர் வெள்ளியம் குன்று அமர்ந்தாரே.

உரை

சடம் - உடம்பு, பொய். இடம் கொள் - மாயையைப் பற்றுக் கோடாகக் கொண்ட. இருமருப்பு- இரண்டு (பெருங்) கொம்பு. கடம் - மதநீர். களிற்றுரியர் - யானைத்தோலர். கனன்று - வெம்மை வீசி.

11

வெந்த நீற்றினர் தெங்கூர் வெள்ளியங் குன்றமர்ந் தாரைக்கந்த மார்பொழில் சூழ்ந்த காழியுள் ஞானசம் பந்தன்சந்த மாயின பாடல் தண்டமிழ் பத்தும்வல் லார்மேல்பந்த மாயின பாவம் பாறுதல் தேறுதல் பயனே.

சொற்பிரிப்பு

வெந்த நீற்றினர் தெங்கூர் வெள்ளியம் குன்று அமர்ந்தாரைக்கந்தமார் பொழில் சூழ்ந்த காழியுள் ஞானசம்பந்தன்சந்தமாயின பாடல் தண்டமிழ் பத்தும் வல்லார்மேல்பந்தமாயின பாவம் பாறுதல் தேறுதல் பயனே.

உரை

சந்தம் ஆயின பாடல்- சந்தப்பாடல். பந்தம் ஆயின பாவம் - வினைப்பற்று உண்டாவதற்கு ஏதுவான பாவங்கள். பாறுதல் - ஓடுதல். தேறுதல் - தெளிதல்.