1
சிந்தை யிடையார் தலையின் மிசையார் செஞ்சொல்லார்வந்து மாலை வைகும் போழ்தென் மனத்துள்ளார்மைந்தர் மணாள ரென்ன மகிழ்வா ரூர்போலும்பைந்தண் மாதவி சோலை சூழ்ந்த பாசூரே.
சொற்பிரிப்பு
"சிந்தைஇடையார், தலையின்மிசையார், செஞ்சொல்லார்,வந்து மாலை வைகும்போழ்து என்மனத்து உள்ளார்,மைந்தர், மணாளர்” என்ன, மகிழ்வார் ஊர் போலும்பைந் தண் மாதவி சோலை சூழ்ந்த பாசூரே.
உரை
என் மனத்தில் உள்ளார்; தலையின் மேல் இருக்கிறார்; செம்மையான சொல்லில் நிறைந்துள்ளார்; மாலைக்காலம் வந்து தங்கும்போது 'என் மனத்துள் நிறைந்துள்ளமைந்தனே, மணாளா' என்று துதிக்க மகிழ்வாரின் ஊர் (எதுவெனில்), பசிய குளிர்ந்த மாதவிக் கொடிகளைக் கொண்ட சோலைகள் சூழ்ந்த பாசூரே.