1
பொங்குநூல் மார்பினீர் பூதப்படையீர் பூங்கங்கைதங்குசெஞ் சடையினீர் சாமவேதம் ஓதினீர்எங்குமெழிலார் மறையோர்கள் முறையாலேத்த இடைமருதில்மங்குல்தோய் கோயிலே கோயிலாக மகிழ்ந்தீரே.
சொற்பிரிப்பு
பொங்கு நூல் மார்பினீர்! பூதப்படையீர்! பூங் கங்கைதங்கு செஞ்சடையினீர்! சாமவேதம் ஓதினீர்!எங்கும் எழில் ஆர் மறையோர்கள் முறையால் ஏத்த, இடைமருதில்,மங்குல் தோய் கோயிலே கோயில்ஆக மகிழ்ந்தீரே.
உரை
தவழும் பூணூல் அணிந்த மார்பினை உடையீர்! கணங்களாகிய படையினை உடையீர்! அழகிய கங்கை தங்கும் செந்நிறமான சடையினை உடையீர்! சாம வேதத்தை ஓதியருளினீர்! எங்கும் அழகாக மறையோர்கள் வேதாகம முறைப்படி வழிபடத் திருவிடைமருதூரில் மேகக்கூட்டம் வந்து தோயும் திருக்கோயிலையே உம்முடைய கோயிலாக மகிழ்ந்தீரே.