திருநீலகண்ட யாழ்ப்பாண நாயனார் புராணம்

அருளியவர்: சேக்கிழார்

1

எருக்கத்தம் புலியூர் மன்னி வாழ்பவர் இறைவன் தன் சீர்திருத்தகும் யாழில் இட்டுப் பரவுவார் செழுஞ்சோணாட்டில்விருப்புறு தானம் எல்லாம் பணிந்து போய் விளங்கும் கூடல்பருப்பதச் சிலையார் மன்னும் ஆலவாய் பணியச் சென்றார்.

சொற்பிரிப்பு

எருக்கத்தம் புலியூர் மன்னி வாழ்பவர் இறைவன் தன் சீர்திருத்தகும் யாழில் இட்டுப் பரவுவார் செழும் சோணாட்டில்விருப்புறு தானம் எல்லாம் பணிந்து போய் விளங்கு கூடல்பருப்பதச் சிலையார் மன்னும் ஆலவாய் பணியச் சென்றார்.

உரை

மூலத்தில் தமிழ் உரை இல்லை.

2

ஆலவாய் அமர்ந்தார் கோயில் வாயிலை அடைந்து நின்றுபாலை ஈர் ஏழு கோத்த பண்ணினில் கருவி வீக்கிக்காலம் ஆதரித்த பண்ணில் கை பல முறையும் ஆராய்ந்துஏலவார் குழலாள் பாகர் பாணிகள் யாழில் இட்டார்.

சொற்பிரிப்பு

ஆலவாய் அமர்ந்தார் கோயில் வாயிலை அடைந்து நின்றுபாலை ஈர் ஏழு கோத்த பண்ணினில் கருவி வீக்கிக்காலம் ஆதரித்த பண்ணில் கைபல முறையும் ஆராய்ந்துஏலவார் குழலாள் பாகர் பாணிகள் யாழில் இட்டார்.

உரை

மூலத்தில் தமிழ் உரை இல்லை.

3

மற்றவர் கருவிப் பாடல் மதுரை நீடு ஆலவாயில்கொற்றவன் திருவுள்ளத்துக் கொண்டு தன் தொண்டர்க்கு எல்லாம்அற்றைநாள் கனவில் ஏவ அருள் பெரும் பாணனாரைத்தெற்றினார் புரங்கள் செற்றார் திரு முன்பு கொண்டு புக்கார்.

சொற்பிரிப்பு

மற்றவர் கருவிப் பாடல் மதுரை நீடு ஆல வாயில்கொற்றவன் திருஉள்ளத்துக் கொண்டு தன் தொண்டர்க்கு எல்லாம்அற்றை நாள் கனவில் ஏவ, அருள்பெரும் பாணனாரைத்தெற்றினார் புரங்கள் செற்றார் திருமுன்பு கொண்டு புக்கார்.

உரை

மூலத்தில் தமிழ் உரை இல்லை.

4

அன்பர்கள் கொண்டு புக்க பொழுதினில் அரிவை பாகன்தன் பெரும் பணியாம் என்று தமக்கு மெய் உணர்த்தலாலேமன் பெரும் பாணனாரும் மா மறை பாட வல்லார்முன்பு இருந்து யாழில் கூடல் முதல்வரைப் பாடுகின்றார்.

சொற்பிரிப்பு

அன்பர்கள் கொண்டு புக்க பொழுதினில் அரிவை பாகன்தன் பெரும் பணியாம் என்று தமக்கு மெய் உணர்தலாலேமன் பெரும் பாணனாரும் மாமறை பாட வல்லார்முன்பு இருந்து யாழில் கூடல் முதல்வரைப் பாடுகின்றார்.

உரை

மூலத்தில் தமிழ் உரை இல்லை.

5

திரிபுரம் எரித்த வாறும் தேர்மிசை நின்ற வாறும்கரியினை உரித்த வாறும் காமனைக் காய்ந்தவாறும்அரி அயற்கு அரிய வாரும் அடியவர்க்கு எளிய வாறும்பரிவினால் பாடக் கேட்டுப் பரமனார் அருளினாலே.

சொற்பிரிப்பு

திரிபுரம் எரித்தவாறும் தேர்மிசை நின்றவாறும்கரியினை உரித்தவாறும் காமனைக் காய்ந்தவாறும்அரி அயற்கு அரியவாறும் அடியவர்க்கு எளியவாறும்பரிவினால் பாடக் கேட்டுப் பரமனார் அருளினாலே.

உரை

மூலத்தில் தமிழ் உரை இல்லை.

6

அந்தரத்து எழுந்த ஓசை அன்பினில் பாணர் பாடும்சந்த யாழ் தரையில் சீதம் தாக்கில் வீக்கி அழியும் என்றுசுந்தரப் பலகை முன்நீர் இடும் எனத் தொண்டர் இட்டார்செந்தமிழ்ப் பாணனாரும் திருவருள் பெற்றுச் சேர்ந்தார்.

சொற்பிரிப்பு

அந்தரத்து எழுந்த ஓசை ” அன்பினால் பாணர் பாடும்சந்த யாழ் தரையின் சீதம் தாக்கில் வீக்கு அழியும் என்றுசுந்தரப் பலகை முன் நீர் இடும்” எனத் தொண்டர் இட்டார்;செந்தமிழ்ப் பாணனாரும் திருஅருள் பெற்றுச் சேர்ந்தார்.

உரை

மூலத்தில் தமிழ் உரை இல்லை.

7

தமனியப் பலகை ஏறித் தந்திரிக் கருவி வாசித்துஉமையொரு பாகர் வண்மை உலகு எலாம் அறிய ஏத்திஇமையவர் போற்ற ஏகி எண்ணில் தானங்கள் கும்பிட்டுஅமரர் நாடாளாது ஆரூர் ஆண்டவர் ஆரூர் சேர்ந்தார்.

சொற்பிரிப்பு

தமனியப் பலகை ஏறித் தந்திரிக் கருவி வாசித்துஉமை ஒரு பாகர் வண்மை உலகெலாம் அறிய ஏத்திஇமையவர் போற்ற ஏகி, எண்ணில் தானங்கள் கும்பிட்டுஅமரர் நாடு ஆளாது ஆரூர் ஆண்டவர் ஆரூர் சேர்ந்தார்.

உரை

மூலத்தில் தமிழ் உரை இல்லை.

8

கோயில் வாயில் முன் அடைந்து கூற்றம் செற்ற பெருந் திறலும்தாயின் நல்ல பெருங் கருணை அடியார்க்கு அளிக்கும் தண்ணளியும்ஏயும் கருவியில் தொடுத்து அங்கு இட்டுப் பாடக் கேட்டு அங்கண்வாயில் வேறு வடதிசையில் வகுப்பப் புகுந்து வணங்கினார்.

சொற்பிரிப்பு

கோயில் வாயில் முன் அடைந்து கூற்றம் செற்ற பெரும் திறலும்தாயின் நல்ல பெருங்கருணை அடியார்க்கு அளிக்கும் தண் அளியும்ஏயும் கருவியில் தொடுத்து அங்கு இட்டுப் பாடக் கேட்டு அங்கண்வாயில் வேறு வட திசையில் வகுப்பப் புகுந்து வணங்கினார்.

உரை

மூலத்தில் தமிழ் உரை இல்லை.

9

மூலத் தானத்து எழுந்து அருளி இருந்த முதல்வன் தனை வணங்கிச்சாலக் காலம் அங்கு இருந்து தம்பிரான் தன் திருவருளால்சீலத்தார்கள் பிரியாத திருவாரூரினின்றும் போய்ஆலத்தார்ந்த கண்டத்தார் அமரும் தானம் பல வணங்கி.

சொற்பிரிப்பு

மூலத்தானத்து எழுந்தருளி இருந்த முதல்வன்தனை வணங்கிச்சாலக் காலம் அங்கு இருந்து தம்பிரான் தன் திருஅருளால்சீலத்தார்கள் பிரியாத திருஆரூரின் நின்றும் போய்ஆலத்து ஆர்ந்த கண்டத்தார் அமரும் தானம் பல வணங்கி.

உரை

மூலத்தில் தமிழ் உரை இல்லை.

10

ஆழி சூழும் திருத் தோணி அமர்ந்த அம்மான் அருளாலேயாழின் மொழியாள் உமை ஞானம் ஊட்ட உண்ட எம்பெருமான்காழி நாடன் கவுணியர் கோன் கமல பாதம் வணங்குதற்குவாழி மறையோர் புகலியினில் வந்தார் சந்த இசைப்பாணர்.

சொற்பிரிப்பு

ஆழி சூழும் திருத்தோணி அமர்ந்த அம்மான் அருளாலேயாழின் மொழியாள் உமை ஞானம் ஊட்ட உண்ட எம்பெருமான்காழி நாடன், கவுணியர் கோன் கமல பாதம் வணங்குதற்குவாழி மறையோர் புகலியினில் வந்தார் சந்த இசைப்பாணர்.

உரை

மூலத்தில் தமிழ் உரை இல்லை.

11

ஞானம் உண்டார் கேட்டருளி நல்ல இசை யாழ்ப் பெரும் பாணர்க்குஆன படியால் சிறப்பருளி அமரும் நாளில் அவர் பாடும்மேன்மை பதிகத்து இசை யாழில் இடப் பெற்று உடனே மேவியபின்பானற் களத்தார் பெருமணத்தில் உடனே பரமர் தாள் அடைந்தார்.

சொற்பிரிப்பு

ஞானம் உண்டார் கேட்டு அருளி நல்ல இசை யாழ்ப் பெரும்பாணர்க்குஆன படியால் சிறப்பு அருளி அமரும் நாளில், அவர் பாடும்மேன்மைப் பதிகத்து இசை யாழில் இடப் பெற்று, உடனே மேவிய பின்பானல் களத்தார் பெருமணத்தில் உடனே பரமர் தாள் அடைந்தார்.

உரை

மூலத்தில் தமிழ் உரை இல்லை.

12

வரும் பான்மையினில் பெரும் பாணர் மலர்த்தாள் வணங்கி வயல் சாலிக்கரும்பார் கழனித் திருநாவலூரில் சைவக் கலை மறையோர்அரும்பா நின்ற அணி நிலவும் பணியும் அணிந்தார் அருள் பெற்றசுரும்பார் தொங்கல் சடையனார் பெருமை சொல்லல் உறுகின்றாம்.

சொற்பிரிப்பு

வரும் பான்மையினில் பெரும்பாணர் மலர்த்தாள் வணங்கி வயல் சாலிக்கரும்பார் கழனித் திருநாவலூரில் சைவக் கலை மறையோர்அரும்பா நின்ற அணி நிலவும் பணியும் அணிந்தார் அருள்பெற்றசுரும்பார் தொங்கல் சடையனார் பெருமை சொல்லல் உறுகின்றாம்.

உரை

மூலத்தில் தமிழ் உரை இல்லை.