கோச்செங்கட் சோழ நாயனார் புராணம்

அருளியவர்: சேக்கிழார்

1

துலையில் புறவின் நிறை அளித்த சோழர் உரிமைச் சோணாட்டில்அலையில் தரளம் அகிலொடு சந்து அணி நீர்ப் பொன்னி மணி கொழிக்கும்குலையில் பெருகும் சந்திரத் தீர்த்தத்தின் மருங்கு குளிர் சோலைநிலையில் பெருகும் தருமிடைந்த நெடுந் தண் கானம் ஒன்று உளதால்.

சொற்பிரிப்பு

துலையில் புறவின் நிறை அளித்த சோழர் உரிமைச் சோணாட்டில்அலையில் தரளம் அகிலொடு சந்து அணிநீர் பொன்னி மணி கொழிக்கும்குலையில் பெருகும் சந்திர தீர்த்தத்தின் மருங்கு குளிர்சோலைநிலையில் பெருகும் தரு மிடைந்த நெடுந்தண் கானம் ஒன்றுளதால்.

உரை

மூலத்தில் தமிழ் உரை இல்லை.

2

அப் பூங்கானில் வெண்ணாவல் அதன் கீழ் முன்னாள் அரிதேடும்மெய்ப் பூங்கழலார் வெளிப்படலும் மிக்க தவத்தோர் வெள்ளானைகைப்பூம் புனலும் முகந்து ஆட்டிக் கமழ் பூங்கொத்தும் அணிந்து இறைஞ்சிமைப்பூங் குவளைக் களத்தாரை நாளும் வழிபட்டு ஒழுகுமால்.

சொற்பிரிப்பு

அப்பூங்கானில் வெண்நாவல் அதன் கீழ் முந்நாள் அரி தேடும்மெய்ப் பூங்கழலார் வெளிப்படலும் மிக்க தவத்து ஓர் வெள்ளானைகைப் பூம்புனலும் முகந்து ஆட்டிக் கமழ் பூங்கொத்தும் அணிந்து இறைஞ்சிமைப் பூங்குவளைக் களத்தாரை நாளும் வழிபட்டு ஒழுகுமால்.

உரை

மூலத்தில் தமிழ் உரை இல்லை.

3

ஆன செயலால் திருவானைக்கா என்று அதற்குப் பெயராகஞானம் உடைய ஒரு சிலந்தி நம்பர் செம் பொன் திருமுடிமேல்கானல் விரவும் சருகு உதிரா வண்ணம் கலந்த வாய் நூலால்மேல் நல்திரு மேற்கட்டி என விரிந்து செறியப் புரிந்து உளதால்.

சொற்பிரிப்பு

ஆன செயலால் திருஆனைக்கா என்று அதற்குப் பெயர் ஆகஞானம் உடைய ஒரு சிலந்தி நம்பர் செம்பொன் திருமுடி மேல்கானல் விரவும் சருகு உதிரா வண்ணம் கலந்த வாய் நூலால்மேல் நல் திருமேல் கட்டி என விரிந்து செறியப் புரிந்து உளதால்.

உரை

மூலத்தில் தமிழ் உரை இல்லை.

4

நன்றும் இழைத்த சிலம்பி வலைப் பரப்பை நாதன் அடி வணங்கச்சென்ற யானை அநுசிதம் என்று அதனைச் சிதைக்கச் சிலம்பிதான்இன்று களிற்றின் கரம் சுலவிற்று என்று மீள இழைத்ததனைஅன்று கழித்த பிற்றைநாள் அடல் வெள்ளானை அழித்ததால்.

சொற்பிரிப்பு

நன்றும் இழைத்த சிலம்பி வலைப் பரப்பை நாதன் அடி வணங்கச்சென்ற யானை “அநுசிதம்” என்று அதனைச் சிதைக்கச், சிலம்பி தான்“இன்று களிற்றின் கரம் சுலவிற்று” என்று, மீள இழைத்த அதனைஅன்று கழித்த பிற்றை நாள் அடல் வெள்ளானை அழித்ததால்.

உரை

மூலத்தில் தமிழ் உரை இல்லை.

5

எம்பிரான் தன் மேனியின் மேல் சருகு விழாமையான் வருந்திஉம்பர் இழைத்த நூல் வலயம் அழிப்பதே என்று உறுத்து எழுந்துவெம்பிச் சிலம்பி துதிக்கையினில் புக்குக் கடிப்ப வேகத்தால்கும்ப யானை கை நிலத்தில் மோதிக் குலைந்து வீழ்ந்ததால்.

சொற்பிரிப்பு

“எம்பிரான் தன் மேனியின் மேல் சருகு விழாமை யான் வருந்திஉம்பர் இழைத்த நூல் வலயம் அழிப்பதே” என்று உருத்து எழுந்துவெம்பிச் சிலம்பி துதிக்கையினில் புக்குக் கடிப்ப, வேகத்தால்கும்ப யானை கை நிலத்தில் மோதிக் குலைந்து வீழ்ந்ததால்.

உரை

மூலத்தில் தமிழ் உரை இல்லை.

6

தறையில் புடைப்பக் கைப்புக்க சிலம்பி தானும் உயிர் நீங்கமறையில் பொருளும் தரும் ஆற்றான் மத யானைக்கும் வரம் கொடுத்துமுறையில் சிலம்பி தனைச் சோழர் குலத்து வந்து முன் உதித்துநிறையில் புவனம் காத்து அளிக்க அருள் செய்தருள நிலத்தின் கண்.

சொற்பிரிப்பு

தறையில் புடைப்பக் கைப்புக்க சிலம்பி தானும் உயிர் நீங்கமறையில் பொருளும் தரும் ஆற்றால் மதயானைக்கும் வரம் கொடுத்துமுறையில் சிலம்பி தனைச் சோழர் குலத்து வந்து முன் உதித்துநிறையில் புவனம் காத்து அளிக்க அருள் செய்து அருள நிலத்தின்கண்.

உரை

மூலத்தில் தமிழ் உரை இல்லை.

7

தொன்மை தரு சோழர் குலத்து அரசனாம் சுபதேவன்தன்னுடைய பெருந்தேவி கமலவதி யுடன் சார்ந்துமன்னு புகழ்த் திருத்தில்லை மன்றாடு மலர்ப் பாதம்சென்னியுறப் பணிந்து ஏத்தித் திருப்படிக் கீழ் வழிபடு நாள்.

சொற்பிரிப்பு

தொன்மை தரு சோழர் குலத்து அரசனாம் சுபதேவன்தன்னுடைய பெருந்தேவி கமலவதி உடன் சார்ந்துமன்னு புகழ்த் திருத்தில்லை மன்று ஆடும் மலர்ப்பாதம்சென்னி உறப் பணிந்து ஏத்தித் திருப்படிக் கீழ் வழிபடு நாள்.

உரை

மூலத்தில் தமிழ் உரை இல்லை.

8

மக்கள் பேறு இன்மையினால் மாதேவி வரம் வேண்டச்செக்கர் நெடுஞ் சடைக் கூத்தர் திரு உள்ளம் செய்தலினால்மிக்க திருப்பணி செய்த சிலம்பிகுல வேந்து மகிழ்அக் கமலவதி வயிற்றில் அணி மகவாய் வந்து அடைய.

சொற்பிரிப்பு

மக்கள் பேறு இன்மையினால் மாதேவி வரம் வேண்டச்செக்கர் நெடும் சடைக் கூத்தர் திருஉள்ளம் செய்தலினால்மிக்க திருப்பணி செய்த சிலம்பி, குலவேந்து மகிழ்அக்கமலவதி வயிற்றில் அணி மகவாய் வந்து அடைய.

உரை

மூலத்தில் தமிழ் உரை இல்லை.

9

கழையார் தோளி கமலவதி தன்பால் கருப்ப நாள் நிரம்பிவிழைவார் மகவு பெற அடுத்த வேலை அதனில் காலம் உணர்பழையார் ஒரு நாழிகை கழித்துப் பிறக்கு மேல் இப் பசுங்குழவிஉழையார் புவனம் ஒரு மூன்றும் அளிக்கும் என்ன ஒள்ளிழையார்.

சொற்பிரிப்பு

கழையார் தோளி கமலவதி தன் பால் கருப்ப நாள் நிரம்பிவிழைவார் மகவு பெற அடுத்த வேலை அதனில், காலம் உணர்பழையார் ஒரு நாழிகை கழித்துப் பிறக்குமேல் இப்பசும் குழவிஉழையார் புவனம் ஒரு மூன்றும் அளிக்கும்” என்ன ஒள் இழையார்.

உரை

மூலத்தில் தமிழ் உரை இல்லை.

10

பிறவா ஒரு நாழிகை கழித்து என் பிள்ளை பிறக்கும் பரிசு என் கால்உற ஆர்த்து எடுத்துத் தூக்கும் என உற்ற செயல் மற்று அது முற்றிஅறவாணர்கள் சொல்லிய காலம் அணையப் பிணிவிட்டு அருமணியைஇறவாது ஒழிவாள் பெற்று எடுத்து என் கோச்செங்கண்ணானோ என்றாள்.

சொற்பிரிப்பு

“பிறவாது ஒரு நாழிகை கழித்து என் பிள்ளை பிறக்கும் பரிசு என் கால்உற ஆர்த்து எடுத்துத் தூக்கும்” என, உற்ற செயல் மற்று அது முற்றிஅறவாணர்கள் சொல்லிய காலம் அணையப், பிணிவிட்டு, அருமணியைஇறவாது ஒழிவாள் பெற்று எடுத்து ”என் கோச்செங் கண்ணானோ!” என்றாள்.

உரை

மூலத்தில் தமிழ் உரை இல்லை.

11

தேவி புதல்வர் பெற்று இறக்கச் செங்கோல் சோழன் சுபதேவன்ஆவி அனைய அரும் புதல்வன் தன்னை வளர்த்து அங்கணி மகுடம்மேவும் உரிமை முடி கவித்துத் தானும் விரும்பு பெருந் தவத்தின்தாவில் நெறியைச் சென்று அடைந்து தலைவர் சிவலோகம் சார்ந்தான்.

சொற்பிரிப்பு

தேவி புதல்வர்ப் பெற்று இறக்கச் செங்கோல் சோழன் சுபதேவன்ஆவி அனைய அரும்புதல்வன் தன்னை வளர்த்து அங்கு அணிமகுடம்மேவும் உரிமை முடி கவித்துத் தானும் விரும்பு பெரும்தவத்தின்தாவில் நெறியைச் சென்று அடைந்து தலைவர் சிவலோகம் சார்ந்தான்.

உரை

மூலத்தில் தமிழ் உரை இல்லை.

12

கோதை வேலர் கோச்செங்கட் சோழர் தாம் இக் குவலயத்தில்ஆதிமூர்த்தி அருளால் முன் அறிந்து பிறந்து மண் ஆள்வார்பூதநாதன் தான் மகிழ்ந்து பொருந்தும் பெருந் தண் சிவாலயங்கள்காதலோடும் பல எடுக்கும் தொண்டு புரியும் கடன் பூண்டார்.

சொற்பிரிப்பு

கோதை வேலார் கோச்செங்கட் சோழர் தாம் இக் குவலயத்தில்ஆதி மூர்த்தி அருளால் முன் அறிந்து, பிறந்து, மண் ஆள்வார்பூத நாதன் தான் மகிழ்ந்து பொருந்தும் பெரும் தண் சிவாலயங்கள்காதலோடும் பல எடுக்கும் தொண்டு புரியும் கடன் பூண்டார்.

உரை

மூலத்தில் தமிழ் உரை இல்லை.

13

ஆனைக் காவில் தாம் முன்னம் அருள் பெற்று அதனை அறிந்து அங்குமானைத் தரித்த திருக்கரத்தார் மகிழும் கோயில் செய்கின்றார்ஞானச் சார்வாம் வெண்நாவல் உடனே கூட நலம் சிறக்கபால் நல் களத்துத் தம்பெருமான் அமரும் கோயில் பணி சமைத்தார்.

சொற்பிரிப்பு

ஆனைக்காவில் தாம் முன்னம் அருள் பெற்ற அதனை அறிந்து அங்குமானைத் தரித்த திருக்கரத்தார் மகிழும் கோயில் செய்கின்றார்ஞானச் சார்வாம் வெண்நாவல் உடனே கூட நலம் சிறக்கப்பானல் களத்துத் தம் பெருமான் அமரும் கோயில் பணி சமைத்தார்.

உரை

மூலத்தில் தமிழ் உரை இல்லை.

14

மந்திரிகள் தமை ஏவி வள்ளல் கொடை அனபாயன்முந்தை வரும் குல முதலோராய முதற் செங்கணார்அந்தமில் சீர்ச் சோணாட்டில் அகனாடு தொறும் அணியார்சந்திர சேகரன் அமரும் தானங்கள் பல சமைத்தார்.

சொற்பிரிப்பு

மந்திரிகள் தமை ஏவி வள்ளல் கொடை அநபாயன்முந்தை வரும் குல முதலோர் ஆய முதல் செங்கணார்அந்தம் இல் சீர்ச் சோணாட்டில் அகல்நாடு தொறும் அணியார்சந்திர சேகரன் அமரும் தானங்கள் பல சமைத்தார்.

உரை

மூலத்தில் தமிழ் உரை இல்லை.

15

அக் கோயில் தொறும் சிவனுக்கு அமுதுபடி முதலானமிக்க பெரும் செல்வங்கள் விருப்பினால் மிக அமைத்துத்திக்கு அனைத்தும் தனிச் செங்கோல் முறை நிறுத்தித் தேர் வேந்தர்முக்கண் முதல் நடம் ஆடும் முதல் தில்லை முன்னினார்.

சொற்பிரிப்பு

அக்கோயில் தொறும் சிவனுக்கு அமுதுபடி முதல் ஆனமிக்க பெரும் செல்வங்கள் விருப்பினால் மிக அமைத்துத்திக்கு அனைத்தும் தனிச் செங்கோல் முறை நிறுத்தித் தேர் வேந்தர்முக்கண் முதல் நடம் ஆடும் முதல் தில்லை முன்னினார்.

உரை

மூலத்தில் தமிழ் உரை இல்லை.

16

திருவார்ந்த செம்பொன்னின் அம்பலத்தே நடம் செய்யும்பெருமானை அடிவணங்கிப் பேரன்பு தலை சிறப்பஉருகா நின்று உளம் களிப்பத் தொழுது ஏத்தி உறையும் நாள்வருவாய்மை மறையவர்க்கு மாளிகைகள் பல சமைத்தார்.

சொற்பிரிப்பு

திருஆர்ந்த செம்பொன்னின் அம்பலத்தே நடம் செய்யும்பெருமானை அடி வணங்கிப் பேரன்பு தலை சிறப்பஉருகாநின்று, உளம் களிப்பத் தொழுது ஏத்தி உறையும் நாள்வரு வாய்மை மறையவர்க்கு மாளிகைகள் பல சமைத்தார்.

உரை

மூலத்தில் தமிழ் உரை இல்லை.

17

தேவர் பிரான் திருத்தொண்டில் கோச் செங்கட் செம்பியர் கோன்பூவலயம் பொது நீக்கி ஆண்டருளிப் புவனியின் மேல்ஏவிய நல்தொண்டு புரிந்து இமையவர்கள் அடி போற்றமேவினார் திருத்தில்லை வேந்தர் திருவடி நிழல் கீழ்.

சொற்பிரிப்பு

தேவர்பிரான் திருத்தொண்டில் கோச்செங்கட் செம்பியர் கோன்பூவலயம் பொது நீக்கி ஆண்டு அருளிப், புவனியின் மேல்ஏவிய நல் தொண்டு புரிந்து இமையவர்கள் அடி போற்றமேவினார் திருத்தில்லை வேந்தர் திருவடி நிழல் கீழ்.

உரை

மூலத்தில் தமிழ் உரை இல்லை.

18

கருநீல மிடற்றார் செய்ய கழலடி நீழல் சேரவருநீர்மை உடைய செங்கட் சோழர் தம் மலர்த்தாள் வாழ்த்தித்தருநீர்மை இசை கொள் யாழின் தலைவராய் உலகம் ஏத்தும்திருநீல கண்டப் பாணர் திறம் இனிச் செப்பல் உற்றேன்.

சொற்பிரிப்பு

கருநீல மிடற்றார் செய்ய கழல் அடி நீழல் சேரவரு நீர்மை உடைய செங்கண் சோழர் தம் மலர்த்தாள் வாழ்த்தித்தரு நீர்மை இசை கொள் யாழின் தலைவராய் உலகம் ஏத்தும்திருநீல கண்டப் பாணர் திறம் இனிச் செப்பல் உற்றேன்.

உரை

மூலத்தில் தமிழ் உரை இல்லை.