முழுநீறு பூசிய முனிவர் புராணம்

அருளியவர்: சேக்கிழார்

1

ஆதாரமாய் அனைத்தும் ஆகிநின்ற அங்கணன் எம்பெருமான் நீரணிந்த வேணிக்காதார் வெண் திருக் குழையான் அருளிச் செய்த கற்பம் அநுகற்பம் உபகற்பம் தானாம்ஆகாது என்று அங்கு உரைத்த அகற்பம் நீக்கி ஆமென்று முன் மொழிந்த மூன்று பேதம்மோகாதி குற்றங்கள் அறுக்கும் நீற்றை மொழிவது நம் இரு வினைகள் கழிவதாக.

சொற்பிரிப்பு

ஆதாரமாய் அனைத்தும் ஆகி நின்ற அங்கணன் எம்பெருமான் நீர் அணிந்த வேணிக்காதார் வெண் திருக்குழையான் அருளிச் செய்த கற்பம் அநுகற்பம் உபகற்பம் தானும்ஆகாது என்று அங்கு உரைத்த அகற்பம் நீக்கி ஆம் என்று முன் மொழிந்த மூன்று பேதம்மோகாதி குற்றங்கள் அறுக்கும் நீற்றை மொழிவது நம் இருவினைகள் கழிவது ஆக.

உரை

மூலத்தில் தமிழ் உரை இல்லை.

2

அம்பலத்தே உலகுய்ய ஆடும் அண்ணல் உவந்து ஆடும் அஞ்சினையும் அளித்த ஆக்கள்இம்பர் மிசை அநாமயமாய் இருந்தபோதில் ஈன்று அணிய கோமய மந்திரத்தினால் ஏற்றுஉம்பர் தொழ எழும் சிவ மந்திர ஓமத்தால் உற்பவித்த சிவாங்கிதனில் உணர்வுக்கு எட்டாஎம்பெருமான் கழல்நினைந்து அங்கிட்ட தூநீறு இது கற்பம் என்றெடுத்து இங்கு ஏத்தல் ஆகும்.

சொற்பிரிப்பு

அம்பலத்தே உலகு உய்ய ஆடும் அண்ணல் உவந்து ஆடும் அஞ்சினையும் அளித்த ஆக்கள்இம்பர் மிசை அநாமயமாய் இருந்த போதில் ஈன்று அணிய கோமய மந்திரத்தினால் ஏற்றுஉம்பர் தொழ எழும் சிவமந்திர ஓமத்தால் உற்பவித்த சிவாங்கி தனில் உணர்வுக்கு எட்டாஎம்பெருமான் கழல் நினைத்து அங்கு இட்ட தூநீறு இது கற்பம் என்று எடுத்து இங்கு ஏத்தல் ஆகும்.

உரை

மூலத்தில் தமிழ் உரை இல்லை.

3

ஆரணியத்து உலர்ந்த கோமயத்தை கைக்கொண்டு அழகுற நுண் பொடியாக்கி ஆவின் சுத்தநீரணிவித்து தந்திர மந்திரத்தினாலே நிசயமுறப் பிடித்து ஓம நெருப்பில் இட்டுச்சீரணியும்படி வெந்து கொண்ட செல்வத் திருநீறாம் அநு கற்பம் தில்லை மன்றுள்வாரணியும் முலை உமையாள் காண ஆடும்மாணிக்கக் கூத்தர் மொழி வாய்மை யாலே.

சொற்பிரிப்பு

ஆரணியத்து உலர்ந்த கோமயத்தைக் கைக்கொண்டு அழகுற நுண்பொடி ஆக்கி ஆவின் சுத்தநீர் அணிவித்து அத்திர மந்திரத்தினாலே நிசயம் உறப் பிடித்து ஓம நெருப்பில் இட்டுச்சீர் அணியும் படி வெந்து கொண்ட செல்வத் திருநீறாம் அநுகற்பம் தில்லை மன்றுள்வார் அணியும் முலை உமையாள் காண ஆடும் மாணிக்கக் கூத்தர் மொழி வாய்மையாலே.

உரை

மூலத்தில் தமிழ் உரை இல்லை.

4

அடவி படும் அங்கியினில் வெந்த நீறும் ஆனிலைகள் அனல் தொடக்க வெந்த நீறும்இட வகைகள் எரி கொளுவ வெந்த நீறும் இட்டி கைகள் சுட்ட எரி பட்ட நீறும்உடன் அன்றி வெவ்வேறே ஆவின் நீரால் உரை திகழும் மந்திரம் கொண்டு உண்டையாக்கிமடம் அதனில் பொலிந்து இருந்த சிவ அங்கி தன்னால் வெந்தது மற்று உபகற்பம் மரபின் ஆகும்.

சொற்பிரிப்பு

அடவி படும் அங்கியினால் வெந்த நீறும்ஆனிலைகள் அனல் தொடக்க வெந்த நீறும்இடவகைகள் எரிகொளுவ வெந்த நீறும் இட்டிகைகள் சுட்ட எரி பட்ட நீறும்உடன் அன்றி வெவ்வேறே ஆவின் நீரால் உரை திகழும் மந்திரம் கொண்டு உண்டை ஆக்கிமடம் அதனில் பொலிந்து இருந்த சிவாங்கி தன்னால்வெந்தது மற்று உபகற்பம் மரபின் ஆகும்.

உரை

மூலத்தில் தமிழ் உரை இல்லை.

5

இந்த வகையால் அமைத்த நீறு கொண்டே இரு திறமும் சுத்தி வரத் தெறித்த பின்னர்அந்தம் இலா அரன் அங்கி ஆறு மெய்ம்மை அறிவித்த குரு நன்மை அல்லாப் பூமிமுந்த எதிர் அணியாதே அணியும் போது முழுவதும் மெய்ப் புண்டரம் சந்திரனில் பாதிநந்தி எரி தீபம் நிகழ் வட்டம் ஆக நாதர் அடியார் அணிவர் நன்மையாலே.

சொற்பிரிப்பு

இந்த வகையால் அமைத்த நீறு கொண்டே இரு திறமும் சுத்தி வரத் தெறித்த பின்னர்அந்தம் இலா அரன், அங்கி, ஆறு, மெய்ம்மை அறிவித்த குரு, நன்மை அல்லாப் பூமிமுந்த எதிர் அணியாதே அணியும் போது முழுவதும் மெய்ப் புண்டரம் சந்திரனில் பாதிநந்தி எரி தீப நிகழ் வட்டம் ஆக நாதர் அடியார் அணிவர் நன்மையாலே.

உரை

மூலத்தில் தமிழ் உரை இல்லை.

6

சாதியினில் தலை ஆன தரும சீலர் தத்துவத்தின் நெறி உணர்ந்தோர் தங்கள் கொள்கைநீதியினில் பிழையாது நெறியில் நிற்போர் நித்த நியமத்து நிகழ் அங்கி தன்னில்பூதியினைப் புதிய ஆசனத்துக் கொண்டு புலி அதளின் உடையானைப் போற்றி நீற்றைஆதிவரும் மும்மலமும் அறுத்த வாய்மை அருமுனிவர் முழுவதும் மெய் அணிவரன்றே.

சொற்பிரிப்பு

சாதியினில் தலை ஆன தரும சீலர் தத்துவத்தின் நெறி உணர்ந்தோர், தங்கள் கொள்கைநீதியினில் பிழையாது நெறியில் நிற்போர், நித்தி நியமத்து நிகழ் அங்கி தன்னில்பூதியினைப் புதிய பாசனத்துக் கொண்டு புலி அதளின் உடையானைப் போற்றி நீற்றைஆதி வரு மும்மலமும் அறுத்த வாய்மை அருமுனிவர் முழுவதும் மெய் அணிவர் அன்றே.

உரை

மூலத்தில் தமிழ் உரை இல்லை.