முனையடுவார் நாயனார் புராணம்

அருளியவர்: சேக்கிழார்

1

மாறு கடிந்து மண்காத்த வளவர் பொன்னித் திரு நாட்டுநாறு விரைப்பூஞ் சோலைகளின் நனைவாய் திறந்து பொழி செழுந்தேன்ஆறு பெருகி வெள்ளம் இடும் அள்ளல் வயலின் மள்ளர் உழும்சேறு நறுவாசம் கமழும் செல்வ நீடூர் திருநீடூர்.

சொற்பிரிப்பு

மாறு கடிந்து மண் காத்த வளவர் பொன்னித் திருநாட்டுநாறு விரைப் பூஞ்சோலைகளின் நனைவாய் திறந்து பொழிசெழும் தேன்ஆறு பெருகி வெள்ளம் இடும் அள்ளல் வயலின் மள்ளர் உழும்சேறு நறு வாசம் கமழும்செல்வ நீடூர் திருநீடூர்.

உரை

மூலத்தில் தமிழ் உரை இல்லை.

2

விளங்கும் வண்மைத் திருநீடூர் வேளாண் தலைமைக்குடி முதல்வர்களம் கொள் மிடற்றுக் கண் நுதலார் கழலில் செறிந்த காதல் மிகும்உளம் கொள் திருத்தொண்டு உரிமையினில் உள்ளார் நள்ளார் முனை எறிந்தவளம் கொண்டு இறைவர் அடியார்க்கு மாறாது அளிக்கும் வாய்மையார்.

சொற்பிரிப்பு

விளங்கும் வண்மை மிக்கு உள்ள வேளாண் தலைமைக் குடி முதல்வர்களங்கொள் மிடற்றுக் கண் நுதலார் கழலில் செறிந்த காதல் மிகும்உளங்கொள் திருத்தொண்டு உரிமையினில் உள்ளார்; நள்ளார் முனை எறிந்தவளங்கொடு இறைவர் அடியார்க்கு மாறாது அளிக்கும் வாய்மையார்.

உரை

மூலத்தில் தமிழ் உரை இல்லை.

3

மாற்றார்க்கு அமரில் அழிந்துள்ளோர் வந்து தம்பால் மாநிதியம்ஆற்றும் பரிசு பேசினால் அதன் நடுவு நிலை வைத்துக்கூற்றும் ஒதுங்கும் ஆள்வினையால் கூலி ஏற்றுச் சென்று எறிந்துபோற்றும் வென்றி கொண்டு இசைந்த பொன்னும் கொண்டு மன்னுவார்.

சொற்பிரிப்பு

மாற்றார்க்கு அமரில் அழிந்துள்ளோர் வந்து தம்பால் மாநிதியம்ஆற்றும் பரிசு பேசினால், அதனை நடுவு நிலை வைத்துக்கூற்றும் ஒதுங்கும் ஆள் வினையால் கூலி ஏற்றுச் சென்று எறிந்துபோற்றும் வென்றி கொண்டு இசைந்த பொன்னும் கொண்டு மன்னுவார்.

உரை

மூலத்தில் தமிழ் உரை இல்லை.

4

இன்ன வகையால் பெற்ற நிதி எல்லாம் ஈசன் அடியார்கள்சொன்ன சொன்ன படி நிரம்பக் கொடுத்துத் தூய போனகமும்கன்னல் நறு நெய் கறி தயிர் பால் கனியுள்ளுறுத்த கலந்து அளித்துமன்னும் அன்பின் நெறி பிறழா வழித் தொண்டு ஆற்றி வைகினார்.

சொற்பிரிப்பு

இன்ன வகையால் பெற்ற நிதி எல்லாம் ஈசன் அடியார்கள்சொன்ன சொன்னபடி நிரம்பக்கொடுத்துத் தூய போனகமும்,கன்னல், நறு நெய், கறி, தயிர், பால், கனி உள் உறுத்த கலந்தளித்துமன்னும் அன்பின் நெறி பிறழா வழித் தொண்டு ஆற்றி வைகினார்.

உரை

மூலத்தில் தமிழ் உரை இல்லை.

5

மற்றிந் நிலை பன்னெடுநாள் வையம் நிகழச் செய்து வழிஉற்ற அன்பின் செந்நெறியால் உமையாள் கணவன் திருவருளால்பெற்ற சிவலோகத்து அமர்ந்து பிரியா உரிமை மருவினார்முற்ற உழந்த முனையடுவார் என்னும் நாமம் முன்னுடையார்.

சொற்பிரிப்பு

மற்று இந்நிலைமை பன் நெடுநாள் வையம் நிகழச் செய்து,வழிஉற்ற அன்பின் செந்நெறியால், உமையாள் கணவன் திருஅருளால்,பெற்ற சிவலோகத்து அமர்ந்து பிரியா உரிமை மருவினார்முற்ற உழந்த முனையடுவார்என்னும் நாமம் முன் உடையார்.

உரை

மூலத்தில் தமிழ் உரை இல்லை.

6

யாவர் எனினும் இகல் எறிந்தே ஈசன் அடியார் தமக்கு இன்பம்மேவ அளிக்கும் முனையடுவார் விரைப் பூங் கமலக் கழல் வணங்கித்தேவர் பெருமான் சைவநெறி விளங்கச் செங்கோல் முறை புரியும்காவல் பூண்ட கழற் சிங்கர் தொண்டின் நிலைமை கட்டுரைப்பாம்.

சொற்பிரிப்பு

யாவர் எனினும் இகல் எறிந்தே ஈசன் அடியார் தமக்கு இன்பம்மேவ அளிக்கும் முனையடுவார் விரைப் பூங்கமலக் கழல் வணங்கித்தேவர் பெருமான் சைவநெறி விளங்கச் செங்கோல் முறை புரியும்காவல் பூண்ட கழற்சிங்கர் தொண்டின் நிலைமை கட்டுரைப்பாம்.

உரை

மூலத்தில் தமிழ் உரை இல்லை.

7

செறிவுண்டு என்று திருத்தொண்டில் சிந்தை செல்லும் பயனுக்கும்குறியுண்டு ஒன்றாகிலும் குறை ஒன்று இல்லோம் நிறை கருணையினால்வெறியுண் சோலைத் திருமுருகன் பூண்டி வேடர் வழிபறிக்கபறியுண்டவர் எம்பழவினை வேர் பறிப்பார் என்னும் பற்றாலே.

சொற்பிரிப்பு

செறிவு உண்டு என்று திருத்தொண்டில் சிந்தை செல்லும் பயனுக்கும்குறி உண்டு; ஒன்றாகிலும் குறை ஒன்று இல்லோம் நிறையும் கருணையினால்வெறி உண் சோலைத் திருமுருகன் பூண்டி வேடர் வழி பறிக்கப்பறி உண்டவர் எம் பழவினை வேர் பறிப்பார் என்னும் பற்றாலே.

உரை

மூலத்தில் தமிழ் உரை இல்லை.