கணம்புல்ல நாயனார் புராணம்

அருளியவர்: சேக்கிழார்

1

திருக்கிளர் சீர் மாடங்கள் திருந்து பெருங்குடி நெருங்கிப்பெருக்கு வட வெள்ளாற்றுத் தென் கரைப்பால் பிறங்கு பொழில்வருக்கை நெடுஞ்சுளை பொழிதேன் மடு நிறைத்து வயல் விளைக்கும்இருக்கு வேளூர் என்பது இவ்வுலகில் விளங்கு பதி.

சொற்பிரிப்பு

திருக்கிளர் சீர் மாடங்கள் திருந்து பெரும் குடி நெருங்கிப்பெருக்கு வட வெள்ஆற்றுத் தென்கரைப்பால் பிறங்கு பொழில்வருக்கை நெடும் சுளை பொழி தேன் மடு நிறைத்து வயல் விளைக்கும்இருக்கு வேளூர் என்பது இவ்உலகில் விளங்கு பதி.

உரை

மூலத்தில் தமிழ் உரை இல்லை.

2

அப்பதியில் குடி முதல்வர்க்கு அதிபராய் அளவிறந்தஎப்பொருளும் முடிவு அறியா எய்து பெருஞ் செல்வத்தார்ஒப்பில் பெருங்குணத்தினால் உலகில் மேற்பட எழுந்தார்மெய் பொருளாவன ஈசர் கழல் என்னும் விருப்பு உடையார்.

சொற்பிரிப்பு

அப்பதியில் குடி முதல்வர்க்கு அதிபராய் அளவு இறந்தஎப்பொருளும் முடிவு அறியா எய்து பெரும் செல்வத்தார்ஒப்பில் பெரும் குணத்தினால் உலகின் மேம்பட நிகழ்ந்தார்‘மெய்ப்பொருள் ஆவன ஈசர் கழல்’ என்னும் விருப்புடையார்.

உரை

மூலத்தில் தமிழ் உரை இல்லை.

3

தாவாத பெருஞ் செல்வம் தலை நின்ற பயன் இது என்றுஓவாத ஒளிவிளக்குச் சிவன் கோயிலுள் எரித்துநாவாரப் பரவுவார் நல்குரவு வந்து எய்தத்தேவாதி தேவர்பிரான் திருத்தில்லை சென்று அடைந்தார்.

சொற்பிரிப்பு

“தாவாத பெரும் செல்வம் தலை நின்ற பயன் இது” என்றுஓவாத ஒளி விளக்குச் சிவன் கோயில் உள் எரித்துநாவாரப் பரவுவார் நல்குரவு வந்து எய்தத்தேவாதி தேவர் பிரான் திருத்தில்லை சென்று அடைந்தார்.

உரை

மூலத்தில் தமிழ் உரை இல்லை.

4

தில்லை நகர் மணி மன்றுள் ஆடுகின்ற சேவடிகள்அல்கிய அன்புடன் இறைஞ்சி அமர்கின்றார் புரம் எரித்தவில்லியார் திருப் புலீச் சரத்தின் கண் விளக்கு எரிக்கஇல்லிடை உள்ளன மாறி எரித்துவரும் அந்நாளில்.

சொற்பிரிப்பு

தில்லை நகர் மணி மன்றுள் ஆடுகின்ற சேவடிகள்அல்கிய அன்புடன் இறைஞ்சி அமர்கின்றார் புரம் எரித்தவில்லியார் திருப்புலீச்சரத்தின் கண் விளக்கு எரிக்கஇல்லிடை உள்ளன மாறி எரித்து வரும் அந்நாளில்.

உரை

மூலத்தில் தமிழ் உரை இல்லை.

5

ஆய செயல் மாண்டதற்பின் அயல் அவர் பால் இரப்பஞ்சிகாய முயற்சியில் அரிந்த கணம் புல்லுக் கொடு வந்துமேய விலைக்குக் கொடுத்து விலைப் பொருளால் நெய்மாறித்தூயதிரு விளக்கு எரித்தார் துளக்கறு மெய்த் தொண்டனார்.

சொற்பிரிப்பு

ஆய செயல் மாண்டதன் பின் அயலவர் பால் இரப்பு அஞ்சிக்காய முயற்சியில் அரிந்த கணம் புல்லுக் கொடுவந்துமேய விலைக்குக் கொடுத்து விலைப்பொருளால் நெய் மாறித்தூய திருவிளக்கு எரித்தார் துளக்கு அறு மெய்த் தொண்டனார்.

உரை

மூலத்தில் தமிழ் உரை இல்லை.

6

இவ்வகையால் திருந்து விளக்கு எரித்து வர அங்கு ஒரு நாள்மெய் வருந்தி அரிந்து எடுத்துக் கொடுவந்து விற்கும்புல்எவ்விடத்தும் விலை போகாது ஒழியவும் இப்பணி ஒழியார்அவ்வரிபுல் லினைமாட்டி அணி விளக்காயிட எரிப்பார்.

சொற்பிரிப்பு

இவ்வகையால் திருந்து விளக்கு எரித்து வர அங்கு ஒருநாள்மெய் வருந்தி அரிந்து எடுத்துக் கொடுவந்து விற்கும் புல்எவ்இடத்தும் விலைபோகாது ஒழியவும் இப்பணி ஒழியார்அவ்அரி புல்லினை மாட்டி அணிவிளக்கு ஆயிட எரிப்பார்.

உரை

மூலத்தில் தமிழ் உரை இல்லை.

7

முன்பு திருவிளக்கு எரிக்கும் முறையாமம் குறையாமல்மென் புல்லும் விளக்கு எரிக்கப் போதாமை மெய்யானஅன்பு புரிவார் அடுத்த விளக்குத் தம் திருமுடியைஎன்புருக மடுத்து எரித்தார் இருவினையின் தொடக்கு எரித்தார்.

சொற்பிரிப்பு

முன்பு திருவிளக்கு எரிக்கும் முறை யாமம் குறையாமல்மென்புல்லும் விளக்கு எரிக்கப் போதாமை மெய் ஆனஅன்பு புரிவார் அடுத்த விளக்குத் தம் திருமுடியைஎன்புருக மடுத்து எரித்தார் இருவினை தொடக்கு எரித்தார்.

உரை

மூலத்தில் தமிழ் உரை இல்லை.

8

தங்கள் பிரான் திரு உள்ளம் செய்து தலைத் திருவிளக்குப்பொங்கிய அன்புடன் எரித்த பொருவில் திருத்தொண்டருக்குமங்கலமாம் பெரும் கருணை வைத்து அருளச் சிவலோகத்துஎங்கள் பிரான் கணம் புல்லர் இனிது இறைஞ்சி அமர்ந்திருந்தார்.

சொற்பிரிப்பு

தங்கள் பிரான் திருஉள்ளம் செய்து தலைத் திருவிளக்குப்பொங்கிய அன்புடன் எரித்த பொருஇல் திருத்தொண்டருக்குமங்கலமாம் பெரும் கருணை வைத்து அருளச் சிவலோகத்துஎங்கள் பிரான் கணம்புல்லர் இனிது இறைஞ்சி அமர்ந்திருந்தார்.

உரை

மூலத்தில் தமிழ் உரை இல்லை.

9

மூரியார் கலி உலகின் முடி இட்ட திருவிளக்குப்பேரியாறு அணிந்தாருக்கு எரித்தார் தம் கழல் பேணிவேரியார் மலர்ச் சோலை விளங்கு திருக்கடவூரில்காரியார் தாம் செய்த திருத்தொண்டு கட்டுரைப்பாம்.

சொற்பிரிப்பு

மூரியார் கலி உலகின் முடி இட்ட திருவிளக்குப்பேரி ஆறு அணிந்தாருக்கு எரித்தார் தம் கழல் பேணிவேரி ஆர் மலர்ச்சோலை விளங்கு திருக்கடவூரில்காரியார் தாம் செய்த திருத்தொண்டு கட்டுரைப்பாம்.

உரை

மூலத்தில் தமிழ் உரை இல்லை.