சிறப்புலி நாயனார் புராணம்

அருளியவர்: சேக்கிழார்

1

பொன்னி நீர் நாட்டின் நீடும் பொற்பதி புவனத்து உள்ளோர்இன்மையால் இரந்து சென்றோர்க்கு இல்லை என்னாதே ஈயும்தன்மையார் என்று நன்மை சார்ந்த வேதியரைச் சண்பைமன்னனார் அருளிச்செய்த மறைத் திருவாக்கூர் ஆக்கூர்.

சொற்பிரிப்பு

பொன்னி நீர் நாட்டின் நீடும் பொற்பதி “புவனத்து உள்ளோர்இன்மையால் இரந்து சென்றோர்க்கு இல்லை என்னாதே ஈயும்தன்மையார்” என்று நன்மை சார்ந்த வேதியரைச் சண்பைமன்னனார் அருளிச் செய்த மறைத் திருவாக்கூர் ஆக்கூர்.

உரை

மூலத்தில் தமிழ் உரை இல்லை.

2

தூ மலர்ச் சோலை தோறும் சுடர் தொடுமாடம் தோறும்மாமழை முழக்கம் தாழ மறை ஒலி முழக்கம் ஓங்கும்பூ மலி மறுகில் இட்ட புகை அகில் தூபம் தாழஓம நல் வேள்விச் சாலை ஆகுதித் தூபம் ஓங்கும்.

சொற்பிரிப்பு

தூமலர்ச் சோலை தோறும் சுடர்தொடு மாடம் தோறும்மாமழை முழக்கம் தாழ மறைஒலி முழக்கம் ஓங்கும்பூமலி மறுகில் இட்ட புகை அகில் தூபம் தாழஓம நல் வேள்விச் சாலை ஆகுதித் தூபம் ஓங்கும்.

உரை

மூலத்தில் தமிழ் உரை இல்லை.

3

ஆலை சூழ் பூக வேலி அத்திரு ஆக்கூர் தன்னில்ஞாலமார் புகழின் மிக்கார் நான் மறைக் குலத்தின் உள்ளார்நீலமார் கண்டத்து எண் தோள் நிருத்தர்தம் திருத்தொண்டு ஏற்றசீலராய்ச் சாலும் ஈகைத் திறத்தினில் சிறந்த நீரார்.

சொற்பிரிப்பு

ஆலை சூழ் பூக வேலி அத்திரு ஆக்கூர் தன்னில்ஞாலம் ஆர் புகழின் மிக்கார் நான்மறைக் குலத்தின் உள்ளார்நீலம் ஆர் கண்டத்து எண்தோள் நிருத்தர் தம் திருத்தொண்டு ஏற்றசீலராய்ச் சாலும் ஈகைத் திறத்தினில் சிறந்த சீரார்.

உரை

மூலத்தில் தமிழ் உரை இல்லை.

4

ஆளும் அங்கணருக்கு அன்பர் அணைந்த போது அடியில் தாழ்ந்துமூளும் ஆதரவு பொங்க முன்பு நின்று இனிய கூறிநாளும் நல் அமுதம் ஊட்டி நயந்தன எல்லாம் நல்கிநீளும் இன்பத்துள் தங்கி நிதிமழை மாரி போன்றார்.

சொற்பிரிப்பு

ஆளும் அங்கணருக்கு அன்பர் அணைந்தபோது அடியில் தாழ்ந்துமூளும் ஆதரவு பொங்க, முன்பு நின்று இனிய கூறி,நாளும் நல் அமுதம் ஊட்டி, நயந்தன எல்லாம் நல்கி,நீளும் இன்பத்துள் தங்கி நிதிமழை மாரி போன்றார்.

உரை

மூலத்தில் தமிழ் உரை இல்லை.

5

அஞ்சு எழுத்து ஓதி அங்கி வேட்டு நல் வேள்வி எல்லாம்நஞ்சணி கண்டர் பாதம் நண்ணிடச் செய்து ஞாலத்துஎஞ்சலில் அடியார்க்கு என்றும் இடையறா அன்பால் வள்ளல்தஞ்செயல் வாய்ப்ப ஈசர் தாள் நிழல் தங்கினாரே.

சொற்பிரிப்பு

அஞ்செழுத்து ஓதி அங்கி வேட்டு நல் வேள்வி எல்லாம்நஞ்சு அணி கண்டர் பாதம் நண்ணிச் செய்து, ஞாலத்துஎஞ்சல் இல் அடியார்க்கு என்றும் இடைஅறா அன்பால் வள்ளல்தஞ்செயல் வாய்ப்ப ஈசர் தாள் நிழல் தங்கி னாரே.

உரை

மூலத்தில் தமிழ் உரை இல்லை.

6

அறத்தினில் மிக்க மேன்மை அந்தணர் ஆக்கூர் தன்னில்மறைப் பெரு வள்ளலார் வண் சிறப்புலி யார் தாள் வாழ்த்திச்சிறப்புடைத் திருச் செங்காட்டங் குடியினில் செம்மை வாய்த்தவிறற் சிறுத் தொண்டர் செய்த திருத்தொழில் விளம்பல் உற்றேன்.

சொற்பிரிப்பு

அறத்தினில் மிக்க மேன்மை அந்தணர் ஆக்கூர் தன்னில்மறைப் பெரு வள்ளலார் வண் சிறப்புலியார் தாள் வாழ்த்திச்சிறப்புடைத் திருச்செங்காட்டங் குடியினில் செம்மை வாய்த்தவிறல் சிறுத்தொண்டர் செய்த திருத்தொழில் விளம்பல் உற்றேன்.

உரை

மூலத்தில் தமிழ் உரை இல்லை.