மெய்ப்பொருள் நாயனார் புராணம்

அருளியவர்: சேக்கிழார்

1

சேதி நன்னாட்டு நீடு திருக் கோவலூரின் மன்னிமாதொரு பாகர் அன்பின் வழி வரு மலாடர் கோமான்வேத நல் நெறியின் வாய்மை விளங்கிட மேன்மை பூண்டுகாதலால் ஈசர்க்கு அன்பர் கருத்து அறிந்து ஏவல் செய்வார்.

சொற்பிரிப்பு

சேதி நன் நாட்டில் நீடு திருக்கோவலூரின் மன்னிமாதொரு பாகர் அன்பின் வழிவரு மலாடர் கோமான்வேத நல் நெறியின் வாய்மை விளங்கிட மேன்மை பூண்டுகாதலால் ஈசர்க்கு அன்பர் கருத்தறிந்து ஏவல் செய்வார்.

உரை

மூலத்தில் தமிழ் உரை இல்லை.

2

அரசியல் நெறியின் வந்த அறநெறி வழாமல் காத்துவரை நெடுந்தோளால் வென்று மாற்றலர் முனைகள் மாற்றிஉரை திறம்பாத நீதி ஓங்கு நீர்மையினின் மிக்கார்திரை செய் நீர்ச்சடையான் அன்பர் வேடமே சிந்தை செய்வார்.

சொற்பிரிப்பு

அரசியல் நெறியின் வந்த அறநெறி வழாமல் காத்துவரை நெடும் தோளால் வென்று மாற்றலர் முனைகள் மாற்றிஉரை திறம்பாத நீதி ஓங்கும் நீர்மையினின் மிக்கார்திரைசெய் நீர்ச் சடையான் அன்பர் வேடமே சிந்தை செய்வார்.

உரை

மூலத்தில் தமிழ் உரை இல்லை.

3

மங்கையைப் பாகமாக உடையவர் மன்னும் கோயில்எங்கணும் பூசை நீடி ஏழிசைப் பாடல் ஆடல்பொங்கிய சிறப்பின் மல்கப் போற்றுதல் புரிந்து வாழ்வார்தங்கள் நாயகருக்கு அன்பர் தாளலால் சார்பு ஒன்று இல்லார்.

சொற்பிரிப்பு

மங்கையைப் பாகம் ஆக உடையவர் மன்னும் கோயில்எங்கணும் பூசை நீடி ஏழ்இசைப் பாடல் ஆடல்பொங்கிய சிறப்பின் மல்கப் போற்றுதல் புரிந்து வாழ்வார்தங்கள் நாயகருக்கு அன்பர் தாள் அலால் சார்பு ஒன்று இல்லார்.

உரை

மூலத்தில் தமிழ் உரை இல்லை.

4

தேடிய மாடு நீடு செல்வமும் தில்லை மன்றுள்ஆடிய பெருமான் அன்பர்க்கு ஆவன ஆகும் என்றுநாடிய மனத்தினோடு நாயன்மார் அணைந்த போதுகூடிய மகிழ்ச்சி பொங்கக் குறைவு அறக் கொடுத்து வந்தார்.

சொற்பிரிப்பு

தேடிய மாடு நீடு செல்வமும் தில்லை மன்றுள்ஆடிய பெருமான் அன்பர்க்கு ஆவன ஆகும் என்றுநாடிய மனத்தினோடு நாயன்மார் அணைந்த போதுகூடிய மகிழ்ச்சி பொங்கக் குறைவறக் கொடுத்து வந்தார்.

உரை

மூலத்தில் தமிழ் உரை இல்லை.

5

இன்னவாறு ஒழுகும் நாளில் இகல் திறம் புரிந்து ஓர் மன்னன்அன்னவர் தம்மை வெல்லும் ஆசையால் அமர் மேற்கொண்டுபொன் அணி ஓடை யானைப் பொரு பரி காலாள் மற்றும்பன் முறை இழந்து தோற்றுப் பரிபவப் பட்டுப் போனான்.

சொற்பிரிப்பு

இன்னவாறு ஒழுகும் நாளில் இகல் திறம் புரிந்து ஓர் மன்னன்அன்னவர் தம்மை வெல்லும் ஆசையால் அமர் மேல் கொண்டுபொன்அணி ஓடை யானை, பொரு பரி, காலாள் மற்றும்பன்முறை இழந்து தோற்றுப் பரிபவப்பட்டுப் போனான்.

உரை

மூலத்தில் தமிழ் உரை இல்லை.

6

இப்படி இழந்த மாற்றான் இகலினால் வெல்ல மாட்டான்மெய்ப் பொருள் வேந்தன் சீலம் அறிந்து வெண் நீறு சாத்தும்அப்பெரு வேடம் கொண்டே அற்றத்தில் வெல்வான் ஆகச்செப்பரு நிலைமை எண்ணித் திருக் கோவலூரில் சேர்வான்.

சொற்பிரிப்பு

இப்படி இழந்த மாற்றான் இகலினால் வெல்ல மாட்டான்மெய்ப்பொருள் வேந்தன் சீலம் அறிந்து வெண்நீறு சாத்தும்அப்பெரு வேடம் கொண்டே அற்றத்தில் வெல்வான் ஆகச்செப்பரு நிலைமை எண்ணித் திருக்கோவலூரில் சேர்வான்.

உரை

மூலத்தில் தமிழ் உரை இல்லை.

7

மெய் எல்லாம் நீறு பூசி வேணிகள் முடித்துக் கட்டிக்கையினில் படை கரந்த புத்தகக் கவளி ஏந்திமை பொதி விளக்கே என்ன மனத்தினுள் கறுப்பு வைத்துப்பொய் தவ வேடம் கொண்டு புகுந்தனன் முத்த நாதன்.

சொற்பிரிப்பு

மெய் எலாம் நீறு பூசி வேணிகள் முடித்துக் கட்டிக்கையினில் படை கரந்த புத்தகக் கவளி ஏந்திமைபொதி விளக்கே என்ன மனத்தின் உள் கறுப்பு வைத்துப்பொய்தவ வேடம் கொண்டு புகுந்தனன் முத்த நாதன்.

உரை

மூலத்தில் தமிழ் உரை இல்லை.

8

மா தவ வேடம் கொண்ட வன்கணான் மாடம் தோறும்கோதை சூழ் அளக பாரக் குழைக் கொடி ஆட மீதுசோதி வெண் கொடிகள் ஆடுஞ் சுடர் நெடு மறுகில் போகிச்சேதியர் பெருமான் கோயில் திருமணி வாயில் சேர்ந்தான்.

சொற்பிரிப்பு

மாதவ வேடம் கொண்ட வன் கணான் மாடம் தோறும்கோதை சூழ் அளக பாரக் குழைக்கொடி ஆட மீதுசோதி வெண் கொடிகள் ஆடும் சுடர் நெடு மறுகில் போகிச்சேதியர் பெருமான் கோயில் திருமணி வாயில் சேர்ந்தான்.

உரை

மூலத்தில் தமிழ் உரை இல்லை.

9

கடை உடைக் காவலாளர் கை தொழுது ஏற நின்றேஉடையவர் தாமே வந்தார் உள் எழுந்து அருளும் என்னத்தடை பல புக்க பின்பு தனித் தடை நின்ற தத்தன்இடை தெரிந்து அருள வேண்டும் துயில் கொள்ளும் இறைவன் என்றான்.

சொற்பிரிப்பு

கடைஉடைக் காவலாளர் கைதொழுது ஏற நின்றே“உடையவர் தாமே வந்தார்; உள் எழுந்தருளும்” என்னத்தடை பல புக்க பின்பு தனித்தடை நின்ற தத்தன்“இடை தெரிந்து அருள வேண்டும்; துயில் கொளும் இறைவன்” என்றான்.

உரை

மூலத்தில் தமிழ் உரை இல்லை.

10

என்று அவன் கூறக் கேட்டே யான் அவற்கு உறுதி கூறநின்றிடு நீயும் என்றே அவனையும் நீக்கிப் புக்குப்பொன் திகழ் பள்ளிக் கட்டில் புரவலன் துயிலு மாடேமன்றலங் குழல் மென் சாயல் மா தேவி இருப்பக் கண்டான்.

சொற்பிரிப்பு

என்றவன் கூறக் கேட்டே “யான் அவற்கு உறுதி கூறநின்றிடு நீயும்” என்றே அவனையும் நீக்கிப் புக்குப்பொன்திகழ் பள்ளிக் கட்டில் புரவலன் துயில மாடேமன்றல் அம் குழல்மென் சாயல் மாதேவி இருப்பக் கண்டான்.

உரை

மூலத்தில் தமிழ் உரை இல்லை.

11

கண்டு சென்று அணையும் போது கதும் என இழிந்து தேவிவண்டலர் மாலையானை எழுப்பிட உணர்ந்து மன்னன்அண்டர் நாயகனார் தொண்டராம் எனக் குவித்த செங்கைகொண்டு எழுந்து எதிரே சென்று கொள்கையின் வணங்கி நின்று.

சொற்பிரிப்பு

கண்டு சென்று அணையும் போது கதும் என இழிந்து தேவிவண்டலர் மாலையானை எழுப்பிட உணர்ந்து மன்னன்“அண்டர் நாயகனார் தொண்டராம்” எனக் குவித்த செங்கைகொண்டு எழுந்து எதிரே சென்று கொள்கையின் வணங்கி நின்று,

உரை

மூலத்தில் தமிழ் உரை இல்லை.

12

மங்கலம் பெருக மற்று என் வாழ்வு வந்து அணைந்தது என்னஇங்கு எழுந்து அருளப் பெற்றது என் கொலோ என்று கூறஉங்கள் நாயகனார் முன்னம் உரைத்த ஆகம நூல் மண்மேல்எங்கும் இலாதது ஒன்று கொடு வந்தேன் இயம்ப என்றான்.

சொற்பிரிப்பு

“மங்கலம் பெருக மற்று என் வாழ்வு வந்து அணைந்தது என்னஇங்கு எழுந்தருளப் பெற்றது என்கொலோ?” என்று கூற,“உங்கள் நாயகனார் முன்னம் உரைத்த ஆகமநூல் மண்மேல்எங்கும் இல்லாதது ஒன்று கொடுவந்தேன் இயம்ப” என்றான்.

உரை

மூலத்தில் தமிழ் உரை இல்லை.

13

பேறு எனக்கு இதன் மேல் உண்டோ பிரான் அருள் செய்த இந்தமாறில் ஆகமத்தை வாசித்து அருள்செய வேண்டும் என்னநாறு பூங் கோதை மாதுந் தவிரவே நானும் நீயும்வேறு இடத்து இருக்க வேண்டும் என்று அவன் விளம்ப வேந்தன்.

சொற்பிரிப்பு

“பேறு எனக்கு இதன்மேல் உண்டோ? பிரான் அருள் செய்த இந்தமாறில் ஆகமத்தை வாசித்து அருள்செய வேண்டும்” என்ன“நாறு பூங்கோதை மாது தவிரவே நானும் நீயும்வேறிடத்து இருக்க வேண்டும்” என்றவன் விளம்ப வேந்தன்,

உரை

மூலத்தில் தமிழ் உரை இல்லை.

14

திருமகள் என்ன நின்ற தேவியார் தம்மை நோக்கிப்புரிவுடன் விரைய அந்தப்புரத்திடைப் போக ஏவித்தரு தவ வேடத்தானைத் தவிசின் மேல் இருத்தித் தாமும்இரு நிலத்து இருந்து போற்றி இனி அருள் செய்யும் என்றான்.

சொற்பிரிப்பு

திருமகள் என்ன நின்ற தேவியார் தம்மை நோக்கிப்பரிவுடன் விரைய அந்தப்புரத்து இடைப் போக ஏவித்,தருதவ வேடத்தானைத் தவிசின் மேல் இருத்தித் தாமும்இருநிலத்து இருந்து போற்றி “இனிஅருள் செய்யும்” என்றார்.

உரை

மூலத்தில் தமிழ் உரை இல்லை.

15

கைத் தலத்து இருந்த வஞ்சக் கவளிகை மடி மேல் வைத்துப்புத்தகம் அவிழ்ப்பான் போன்று புரிந்த அவர் வணங்கும் போதில்பத்திரம் வாங்கித் தான் முன் நினைந்த அப் பரிசே செய்யமெய்த் தவ வேடமே மெய்ப்பொருள் எனத் தொழுது வென்றார்.

சொற்பிரிப்பு

கைத்தலத்து இருந்த வஞ்சக் கவளிகை மடிமேல் வைத்துப்புத்தகம் அவிழ்ப்பான் போன்று புரிந்தவர் வணங்கும் போதில்பத்திரம் வாங்கித் தான் முன் நினைத்த அப்பரிசே செய்ய“மெய்த்தவ வேடமே மெய்ப் பொருள்” எனத் தொழுது வென்றார்.

உரை

மூலத்தில் தமிழ் உரை இல்லை.

16

மறைத்தவன் புகுந்த போதே மனம் அங்கு வைத்த தத்தன்இறைப் பொழுதின் கண் கூடி வாளினால் எறியல் உற்றான்நிறைத்த செங் குருதி சோர வீழ்கின்றார் நீண்ட கையால்தறைப் படும் அளவில் தத்தா நமர் எனத் தடுத்து வீழ்ந்தார்.

சொற்பிரிப்பு

மறைத்தவன் புகுந்த போதே மனம் அங்கு வைத்த தத்தன்இறைப்பொழுதின்கண் கூடி வாளினால் எறியல் உற்றான்;நிறைத்த செங்குருதி சோர வீழ்கின்றார் நீண்ட கையால்தறைப்படும் அளவில் “தத்தா! நமர்” எனத் தடுத்து வீழ்ந்தார்.

உரை

மூலத்தில் தமிழ் உரை இல்லை.

17

வேதனை எய்தி வீழ்ந்த வேந்தரால் விலக்கப் பட்டதாதனாந் தத்தன் தானும் தலையினால் வணங்கித் தாங்கியாது நான் செய்கேன் என்ன எம்பிரான் அடியார் போகமீதிடை விலக்கா வண்ணம் கொண்டு போய் விடு நீ என்றார்.

சொற்பிரிப்பு

வேதனை எய்தி வீழ்ந்த வேந்தரால் விலக்கப்பட்டதாதனாம் தத்தன் தானும் தலையினால் வணங்கித் தாங்கி“யாது நான் செய்கேன்?” என்ன, “எம்பிரான் அடியார் போகமீது இடை விலக்கா வண்ணம் கொண்டுபோய் விடு நீ” என்றார்.

உரை

மூலத்தில் தமிழ் உரை இல்லை.

18

அத் திறம் அறிந்தார் எல்லாம் அரசனைத் தீங்கு செய்தபொய்த் தவன் தன்னைக் கொல்வோம் எனப் புடை சூழ்ந்த போதுதத்தனும் அவரை எல்லாம் தடுத்து உடன் கொண்டு போவான்இத் தவன் போகப் பெற்றது இறைவனது ஆணை என்றான்.

சொற்பிரிப்பு

அத்திறம் அறிந்தார் எல்லாம் “அரசனைத் தீங்கு செய்தபொய்த்தவன் தன்னைக் கொல்வோம்” எனப்புடை சூழ்ந்த போதுதத்தனும் அவரை எல்லாம் தடுத்துடன் கொண்டு போவான்“இத்தவன் போகப் பெற்றது இறைவனது ஆணை” என்றான்.

உரை

மூலத்தில் தமிழ் உரை இல்லை.

19

அவ்வழி அவர்கள் எல்லாம் அஞ்சியே அகன்று நீங்கச்செவ்விய நெறியில் தத்தன் திருநகர் கடந்து போந்துகை வடி நெடுவாள் ஏந்தி ஆளுறாக் கானஞ் சேரவெவ் வினைக் கொடியோன் தன்னை விட்ட பின் மீண்டு போந்தான்.

சொற்பிரிப்பு

அவ்வழி அவர்கள் எல்லாம் அஞ்சியே அகன்று நீங்கச்செவ்விய நெறியில் தத்தன் திருநகர் கடந்து போந்துகைவடி நெடுவாள் ஏந்தி ஆள் உறாக் கானம் சேரவெவ்வினைக் கொடியோன் தன்னை விட்ட பின் மீண்டு போந்தான்.

உரை

மூலத்தில் தமிழ் உரை இல்லை.

20

மற்று அவன் கொண்டு போன வஞ்சனை வேடத்தான் மேல்செற்றவர் தம்மை நீக்கித் தீது இலா நெறியில் விட்டசொல் திறம் கேட்க வேண்டிச் சோர்கின்ற ஆவி தாங்கும்கொற்றவன் முன்பு சென்றான் கோமகன் குறிப்பில் நின்றான்.

சொற்பிரிப்பு

மற்றவன் கொண்டு போன வஞ்சனை வேடத்தான் மேல்செற்றவர் தம்மை நீக்கித் தீது இலா நெறியில் விட்டசொற்றிறம் கேட்க வேண்டிச் சோர்கின்ற ஆவி தாங்கும்கொற்றவன் முன்பு சென்றான் கோமகன் குறிப்பில் நின்றான்.

உரை

மூலத்தில் தமிழ் உரை இல்லை.

21

சென்று அடி வணங்கி நின்று செய் தவ வேடம் கொண்டுவென்றவற்கு இடையூறு இன்றி விட்டனன் என்று கூறஇன்று எனக்கு ஐயன் செய்தது யார் செய வல்லார் என்றுநின்றவன் தன்னை நோக்கி நிறை பெரும் கருணை கூர்ந்தார்.

சொற்பிரிப்பு

சென்று அடி வணங்கி நின்று “செய்தவ வேடம் கொண்டுவென்றவற்கு இடையூறு இன்றி விட்டனன்” என்று கூற,“இன்று எனக்கு ஐயன் செய்தது யார் செய்ய வல்லார்” என்றுநின்றவன் தன்னை நோக்கி நிறைபெருங் கருணை கூர்ந்தார்.

உரை

மூலத்தில் தமிழ் உரை இல்லை.

22

அரசியல் ஆயத்தார்க்கும் அழிவுறும் காதலார்க்கும்விரவிய செய்கை தன்னை விளம்புவார் விதியினாலேபரவிய திரு நீற்று அன்பு பாது காத்து உய்ப்பீர் என்றுபுரவலர் மன்றுள் ஆடும் பூங் கழல் சிந்தை செய்தார்.

சொற்பிரிப்பு

அரசியல் ஆயத்தார்க்கும் அழிவுறும் காதலார்க்கும்விரவிய செய்கை தன்னை விளம்புவார் “விதியினாலேபரவிய திருநீற்று அன்பு பாதுகாத்து உய்ப்பீர்” என்றுபுரவலர் மன்றுள் ஆடும் பூங்கழல் சிந்தை செய்தார்.

உரை

மூலத்தில் தமிழ் உரை இல்லை.

23

தொண்டனார்க்கு இமயப் பாவை துணைவனார் அவர் முன் தம்மைக்கண்டவாறு எதிரே நின்று காட்சி தந்தருளி மிக்கஅண்ட வானவர் கட்கு எட்டா அருள் கழல் நீழல் சேரக்கொண்டவா இடை அறாமல் கும்பிடும் கொள்கை ஈந்தார்.

சொற்பிரிப்பு

தொண்டனார்க்கு இமயப் பாவை துணைவனார் அவர்முன் தம்மைக்கண்டவாறு எதிரே நின்று காட்சி தந்து அருளி, மிக்கஅண்ட வானவர்கட்கு எட்டா அருட்கழல் நீழல் சேரக்கொண்டவாறு இடையறாமல் கும்பிடும் கொள்கை ஈந்தார்.

உரை

மூலத்தில் தமிழ் உரை இல்லை.

24

இன்னுயிர் செகுக்கக் கண்டும் எம்பிரான் அன்பர் என்றேநன் நெறி காத்த சேதி நாதனார் பெருமை தன்னில்என் உரை செய்தேன் ஆக இகல் விறன் மிண்டர் பொற் தாள்சென்னி வைத்து அவர் முன் செய்த திருத் தொண்டு செப்பல் உற்றேன்.

சொற்பிரிப்பு

இன்னுயிர் செகுக்கக் கண்டும் எம்பிரான் அன்பர் என்றேநன்னெறி காத்த சேதி நாதனார் பெருமை தன்னில்என்னுரை செய்தேன் ஆக; இகல்விறல் மிண்டர் பொற்றாள்சென்னிவைத்து அவர்முன் செய்த திருத்தொண்டு செப்பல் உற்றேன்.

உரை

மூலத்தில் தமிழ் உரை இல்லை.