இளையான்குடி மாற நாயனார் புராணம்

அருளியவர்: சேக்கிழார்

1

அம் பொன் நீடிய அம்பலத்தினில் ஆடுவார் அடி சூடுவார்தம்பிரான் அடிமைத் திறத்து உயர் சால்பின் மேன்மை தரித்துளார்நம்பு வாய்மையில் நீடு சூத்திர நற் குலம் செய் தவத்தினால்இம்பர் ஞாலம் விளக்கினார் இளையான் குடிப் பதி மாறனார்.

சொற்பிரிப்பு

அம்பொன் நீடிய அம்பலத்தினில் ஆடுவார் அடி சூடுவார்தம்பிரான் அடிமைத்திறத்து உயர் சால்பின் மேன்மை தரித்து உளார்நம்பு வாய்மையில் நீடு சூத்திர நற்குலம் செய் தவத்தினால்இம்பர் ஞாலம் விளக்கினார் இளையான் குடிப் பதி மாறனார்.

உரை

மூலத்தில் தமிழ் உரை இல்லை.

2

ஏரின் மல்கு வளத்தினால் வரும் எல்லை இல்லதொர் செல்வமும்நீரின் மல்கிய வேணியார் அடியார் திறத்து நிறைந்ததோர்சீரின் மல்கிய அன்பின் மேன்மை திருந்த மன்னிய சிந்தையும்பாரின் மல்க விரும்பி மற்றவை பெற்ற நீடு பயன் கொள்வார்.

சொற்பிரிப்பு

ஏரின் மல்கு வளத்தினால் வரும் எல்லை இல்லதோர் செல்வமும்நீரின் மல்கிய வேணியார் அடியார் திறத்து நிறைந்ததோர்சீரின் மல்கிய அன்பின் மேன்மை திருந்த மன்னிய சிந்தையும்பாரின் மல்க விரும்பி மற்றவை பெற்ற நீடு பயன் கொள்வார்.

உரை

மூலத்தில் தமிழ் உரை இல்லை.

3

ஆரம் என்பு புனைந்த ஐயர் தம் அன்பர் என்பதோர் தன்மையால்நேர வந்தவர் யாவர் ஆயினும் நித்தம் ஆகிய பத்தி முன்கூர வந்து எதிர் கொண்டு கைகள் குவித்து நின்று செவிப் புலத்துஈரம் மென் மதுரப் பதம் பரிவு எய்த முன்னுரை செய்தபின்.

சொற்பிரிப்பு

ஆரம் என்பு புனைந்த ஐயர் தம் அன்பர் என்பதோர் தன்மையால்நேர வந்தவர் யாவர் ஆயினும் நித்தம் ஆகிய பத்தி முன்கூர வந்து எதிர் கொண்டு கைகள் குவித்து நின்று செவிப்புலத்துஈர மென் மதுரப்பதம் பரிவு எய்த முன்னுரை செய்தபின்.

உரை

மூலத்தில் தமிழ் உரை இல்லை.

4

கொண்டு வந்து மனைப் புகுந்து குலாவு பாதம் விளக்கியேமண்டு காதலின் ஆதனத்து இடைவைத்து அருச்சனை செய்த பின்உண்டி நாலு விதத்தில் ஆறு சுவைத் திறத்தினில் ஒப்பு இலாஅண்டர் நாயகர் தொண்டர் இச்சையில் அமுது செய்ய அளித்துளார்.

சொற்பிரிப்பு

கொண்டு வந்து மனைப் புகுந்து குலாவு பாதம் விளக்கியேமண்டு காதலின் ஆதனத்து இடைவைத்து அருச்சனை செய்தபின்உண்டி நாலு விதத்தில் ஆறு சுவைத் திறத்தினில் ஒப்பிலாஅண்டர் நாயகர் தொண்டர் இச்சையில் அமுது செய்ய அளித்து உளார்.

உரை

மூலத்தில் தமிழ் உரை இல்லை.

5

ஆளும் நாயகர் அன்பர் ஆனவர் அளவு இலார் உளம் மகிழவேநாளும் நாளும் நிறைந்து வந்து நுகர்ந்த தன்மையின் நன்மையால்நீளும் மா நிதியின் பரப்பு நெருங்கு செல்வம் நிலாவி எண்தோளினார் அளகைக்கு இருத்திய தோழனார் என வாழும் நாள்.

சொற்பிரிப்பு

ஆளும் நாயகர் அன்பர் ஆனவர் அளவிலார் உளம் மகிழவேநாளும் நாளும் நிறைந்து வந்து நுகர்ந்த தன்மையின் நன்மையால்நீளும் மாநிதியின் பரப்பு நெருங்கு செல்வம் நிலாவி எண்தோளினார் அளகைக்கு இருத்திய தோழனார் என வாழுநாள்.

உரை

மூலத்தில் தமிழ் உரை இல்லை.

6

செல்வம் மேவிய நாளில் இச்செயல் செய்வது அன்றியும் மெய்யினால்அல்லல் நல்குரவு ஆன போதினும் வல்லர் என்று அறிவிக்கவேமல்லல் நீடிய செல்வம் மெல்ல மறைந்து நாள் தொறும் மாறி வந்துஒல்லையில் வறுமைப் பதம் புக உன்னினார் தில்லை மன்னினார்.

சொற்பிரிப்பு

செல்வம் மேவிய நாளில் இச்செயல் செய்வது அன்றியும் மெய்யினால்அல்லல் நல்குரவு ஆன போதிலும் வல்லர் என்று அறிவிக்கவேமல்லல் நீடிய செல்வம் மெல்ல மறைந்து நாடொறும் மாறி வந்துஒல்லையில் வறுமைப் பதம் புக உன்னினார் தில்லை மன்னினார்.

உரை

மூலத்தில் தமிழ் உரை இல்லை.

7

இன்னவாறு வளம் சுருங்கவும் எம்பிரான் இளையான் குடிமன்னன் மாறன் மனம் சுருங்குதல் இன்றி உள்ளன மாறியும்தன்னை மாறி இறுக்க உள்ள கடன்கள் தக்கன கொண்டு பின்முன்னை மாறில் திருப்பணிக் கண் முதிர்ந்த கொள்கையர் ஆயினார்.

சொற்பிரிப்பு

இன்னவாறு வளம் சுருங்கவும் எம்பிரான் இளையான்குடிமன்னன் மாறன் மனம் சுருங்குதல் இன்றி உள்ளன மாறியும்தன்னை மாறி இறுக்க உள்ள கடன்கள் தக்கன கொண்டு பின்முன்னை மாறில் திருப்பணிக்கண் முதிர்ந்த கொள்கையர் ஆயினார்.

உரை

மூலத்தில் தமிழ் உரை இல்லை.

8

மற்று அவர் செயல் இன்ன தன்மையது ஆக மால் அயனான அக்கொற்ற ஏனமும் அன்னமும் தெரியாத கொள்கையர் ஆயினார்பெற்றம் ஊர்வதும் இன்றி நீடிய பேதையாளுடன் இன்றி ஓர்நற்றவத்தவர் வேடமே கொடு ஞாலம் உய்ந்திட நண்ணினார்.

சொற்பிரிப்பு

மற்றவர் செயல் இன்ன தன்மையது ஆக மால் அயன் ஆன அக்கொற்ற ஏனமும் அன்னமும் தெரியாத கொள்கையர் ஆயினார்பெற்றம் ஊர்வதும் இன்றி நீடிய பேதையாள் உடன் இன்றி ஓர்நற்றவத்தவர் வேடமே கொடு ஞாலம் உய்ந்திட நண்ணினார்.

உரை

மூலத்தில் தமிழ் உரை இல்லை.

9

மாரிக் காலத்து இரவினில் வைகியோர்தாரிப்பு இன்றிப் பசி தலைக் கொள்வதுபாரித்து இல்லம் அடைந்த பின் பண்புறவேரித் தாரான் விருந்து எதிர் கொண்டனன்.

சொற்பிரிப்பு

மாரிக் காலத்து இரவினில் வைகி ஓர்தாரிப்பு இன்றிப் பசிதலைக் கொள்வதுபாரித்து இல்லம் அடைந்த பின் பண்புறவேரித் தாரான் விருந்து எதிர் கொண்டனன்.

உரை

மூலத்தில் தமிழ் உரை இல்லை.

10

ஈர மேனியை நீக்கி இடங் கொடுத்துஆர இன்னமுது ஊட்டுதற்கு ஆசையால்தார மாதரை நோக்கித் தபோதனர்தீரவே பசித்தார் செய்வது என் என்று.

சொற்பிரிப்பு

ஈர மேனியை நீக்கி இடம் கொடுத்துஆர இன் அமுது ஊட்டுதற்கு ஆசையால்தார மாதரை நோக்கித் “தபோதனர்தீரவே பசித்தார் செய்வது என்” என்று

உரை

மூலத்தில் தமிழ் உரை இல்லை.

11

நமக்கு முன்பு இங்கு உணவிலை ஆயினும்இமக் குலக்கொடி பாகர்க்கு இனியவர்தமக்கு நாம் இன் அடிசில் தகவுறஅமைக்கு மாறு எங்ஙனே அணங்கே என.

சொற்பிரிப்பு

“நமக்கு முன்பிங்கு உணவிலை ஆயினும்இமக்குலக் கொடி பாகர்க்கு இனியவர்தமக்கு நாம் இன் அடிசில் தகவுறஅமைக்கு மாறு எங்ஙனே? அணங்கே!” என;

உரை

மூலத்தில் தமிழ் உரை இல்லை.

12

மாது கூறுவள் மற்று ஒன்றுங் காண்கிலேன்ஏதிலாரும் இனித் தருவார் இல்லைபோதும் வைகிற்றுப் போம் இடம் வேறில்லைதீது செய்வினை யேற்கு என் செயல் என்று.

சொற்பிரிப்பு

மாது கூறுவள் “மற்று ஒன்றும் காண்கிலேன்;ஏதிலாரும் இனித் தருவார் இல்லை;போதும் வைகிற்றுப்; போம் இடம் வேறு இல்லை;தீது செய்வினையேற்கு என் செயல்?” என்று;

உரை

மூலத்தில் தமிழ் உரை இல்லை.

13

செல்லல் நீங்கப் பகல் வித்திய செந்நெல்மல்லல் நீர் முளை வாரிக் கொடு வந்தால்வல்லவாறு அமுது ஆக்கலும் ஆகும் மற்றுஅல்லது ஒன்று அறியேன் என்று அயர்வுற.

சொற்பிரிப்பு

“செல்லல் நீங்கப் பகல் வித்திய செந்நெல்மல்லல் நீர்முளை வாரிக் கொடு வந்தால்வல்லவாறு அமுது ஆக்கலும் ஆகும்; மற்றுஅல்லது ஒன்று அறியேன்” என்று அயர்வுற;

உரை

மூலத்தில் தமிழ் உரை இல்லை.

14

மற்ற மாற்றம் மனைவியார் கூற முன்பெற்ற செல்வம் எனப் பெரிது உள் மகிழ்ந்துஉற்ற காதலினால் ஒருப் பட்டனர்சுற்று நீர் வயல் செல்லத் தொடங்குவார்.

சொற்பிரிப்பு

மற்ற மாற்றம் மனைவியார் கூற முன்பெற்ற செல்வம் எனப்பெரிது உள் மகிழ்ந்துஉற்ற காதலினால் ஒருப் பட்டனர்சுற்று நீர் வயல் செல்லத் தொடங்குவார்,

உரை

மூலத்தில் தமிழ் உரை இல்லை.

15

பெருகு வானம் பிறங்க மழை பொழிந்துஅருகு நாப்பண் அறிவருங் கங்குல் தான்கருகு மை இருளின் கணம் கட்டு விட்டுஉருகு கின்றது போன்றது உலகு எலாம்.

சொற்பிரிப்பு

பெருகு வானம் பிறங்க மழைபொழிந்துஅருகு நாப்பண் அறிவரும் கங்குல்தான்கருகு மை இருளின் கணம் கட்டுவிட்டுஉருகுகின்றது போன்றது உலகெலாம்,

உரை

மூலத்தில் தமிழ் உரை இல்லை.

16

எண்ணும் இவ் உலகத்தவர் யாவரும்துண்ணெனும்படி தோன்ற முன் தோன்றிடில்வண்ண நீடிய மைக்குழம்பாம் என்றுநண்ணல் செய்யா நடுவிருள் யாமத்து.

சொற்பிரிப்பு

எண்ணும் இவ் உலகத்தவர் யாவரும்துண் எனும்படி தோன்ற முன் தோன்றிடில்வண்ணம் நீடிய மைக் குழம்பாம் என்றுநண்ணல் செய்யா நடு இருள் யாமத்து,

உரை

மூலத்தில் தமிழ் உரை இல்லை.

17

உள்ளம் அன்பு கொண்டு ஊக்கவோர் பேரிடாக்கொள்ள முன் கவித்துக் குறியின் வழிப்புள்ளும் உறங்கும் வயல் புகப் போயினார்வள்ளலார் இளையான் குடி மாறனார்.

சொற்பிரிப்பு

உள்ளம் அன்பு கொண்டு ஊக்க ஓர் பேர் இடாக்கொள்ள முன் கவித்துக் குறியின் வழிப்புள் உறங்கும் வயல் புகப் போயினார்வள்ளலார் இளையான்குடி மாறனார்.

உரை

மூலத்தில் தமிழ் உரை இல்லை.

18

காலினால் தடவிச் சென்று கைகளால்சாலி வெண் முளை நீர் வழிச் சார்ந்தனகோலி வாரி இடா நிறையக் கொண்டுமேல் எடுத்துச் சுமந்து ஒல்லை மீண்டனர்.

சொற்பிரிப்பு

காலினால் தடவிச் சென்று கைகளால்சாலி வெண்முளை நீர் வழிச் சார்ந்தனகோலி வாரி இடா நிறையக் கொண்டுமேல் எடுத்துச் சுமந்து ஒல்லை மீண்டனர்.

உரை

மூலத்தில் தமிழ் உரை இல்லை.

19

வந்த பின் மனைவியாரும் வாய்தலின் நின்று வாங்கிச்சிந்தையில் விரும்பி நீரில் சேற்றினை அலம்பி ஊற்றிவெம் தழல் அடுப்பின் மூட்ட விறகு இல்லை என்ன மேலோர்அந்தமில் மனையில் நீடும் அலக்கினை அறுத்து வீழ்த்தார்.

சொற்பிரிப்பு

வந்த பின் மனைவியாரும் வாய்தலின் நின்று வாங்கிச்சிந்தையில் விரும்பி நீரில் சேற்றினை அலம்பி ஊற்றி“வெந்தழல் அடுப்பின் மூட்ட விறகு இல்லை” என்ன, மேலோர்அந்தமில் மனையில் நீடும் அலக்கினை அறுத்து வீழ்த்தார்.

உரை

மூலத்தில் தமிழ் உரை இல்லை.

20

முறித்து அவை அடுப்பின் மாட்டி முளை வித்துப் பதம் முன் கொள்ளவறுத்த பின் அரிசியாக்கி வாக்கிய உலையில் பெய்துவெறுப்பில் இன் அடிசில் ஆக்கிமேம் படு கற்பின் மிக்கார்கறிக்கு இனி என் செய்கோம் என்று இறைஞ்சினார் கணவனாரை.

சொற்பிரிப்பு

முறித்து அவை அடுப்பின் மாட்டி முளைவித்துப் பதம் முன் கொள்ளவறுத்த பின் அரிசி ஆக்கி வாக்கிய உலையில் பெய்துவெறுப்பில் இன் அடிசில் ஆக்கி மேம்படு கற்பின் மிக்கார்“கறிக்கு இனி என் செய்கோம்” என்று இறைஞ்சினார் கணவனாரை.

உரை

மூலத்தில் தமிழ் உரை இல்லை.

21

வழி வரும் இளைப்பின் ஓடும் வருத்திய பசியினாலேஅழிவுறும் ஐயன் என்னும் அன்பினில் பொலிந்து சென்றுகுழி நிரம்பாத புன்செய்க் குறும்பயிர் தடவிப் பாசப்பழி முதல் பறிப்பார் போலப் பறித்து அவை கறிக்கு நல்க.

சொற்பிரிப்பு

“வழிவரும் இளைப்பினோடும் வருத்திய பசியினாலேஅழிவுறும் ஐயன்” என்னும் அன்பினில் பொலிந்து சென்றுகுழி நிரம்பாத புன்செய்க் குறும்பயிர் தடவிப் பாசப்பழிமுதல் பறிப்பார் போலப் பறித்து அவை கறிக்கு நல்க,

உரை

மூலத்தில் தமிழ் உரை இல்லை.

22

மனைவியார் கொழுநர் தந்த மனம் மகிழ் கறிகள் ஆய்ந்துபுனல் இடைக் கழுவித் தக்க புனித பாத்திரத்துக் கைம்மைவினையினால் வேறு வேறு கறி அமுது ஆக்கிப் பண்டைநினைவினால் குறையை நேர்ந்து திருவமுது அமைத்து நின்று.

சொற்பிரிப்பு

மனைவியார் கொழுநர் தந்த மனமகிழ் கறிகள் ஆய்ந்துபுனல் இடைக் கழுவித் தக்க புனித பாத்திரத்துக் கைம்மைவினையினால் வேறு வேறு கறி அமுது ஆக்கிப் பண்டைநினைவினால் குறையை நேர்ந்து திருவமுது அமைத்து நின்று,

உரை

மூலத்தில் தமிழ் உரை இல்லை.

23

கணவனார் தம்மை நோக்கிக் கறி அமுது ஆன காட்டிஇணை இலாதவரை ஈண்ட அமுது செய்விப்போம் என்னஉணர்வினால் உணர ஒண்ணா ஒருவரை உணர்த்த வேண்டிஅணைய முன் சென்று நின்று அங்கு அவர் துயில் அகற்றல் உற்றார்.

சொற்பிரிப்பு

கணவனார் தம்மை நோக்கிக் கறி அமுது ஆன காட்டி“இணை இலாதவரை ஈண்ட அமுது செய்விப்போம்” என்னஉணர்வினால் உணர ஒண்ணா ஒருவரை உணர்த்த வேண்டிஅணைய முன் சென்று நின்று அங்கு அவர் துயில் அகற்றல் உற்றார்.

உரை

மூலத்தில் தமிழ் உரை இல்லை.

24

அழுந்திய இடருள் நீங்கி அடியனேன் உய்ய என்பால்எழுந்தருள் பெரியோய் ஈண்ட அமுது செய்து அருள்க என்றுதொழும்பனார் உரைத்த போதில் சோதியாய் எழுந்துத் தோன்றச்செழுந் திரு மனைவியாரும் தொண்டரும் திகைத்து நின்றார்.

சொற்பிரிப்பு

“அழுந்திய இடருள் நீங்கி அடியனேன் உய்ய என்பால்எழுந்தருள் பெரியோய்! ஈண்ட அமுது செய்து அருள்க” என்றுதொழும்பனார் உரைத்த போதில் சோதியாய் எழுந்து தோன்றச்செழுந்திரு மனைவியாரும் தொண்டரும் திகைத்து நின்றார்.

உரை

மூலத்தில் தமிழ் உரை இல்லை.

25

மாலயற்கு அரிய நாதன் வடிவு ஒரு சோதி ஆகச்சாலவே மயங்குவார்க்குச் சங்கரன் தான் மகிழ்ந்தேஏலவார் குழலாள் தன்னோடு இடப வாகனனாய் தோன்றிச்சீலமார் பூசை செய்த திருத் தொண்டர் தம்மை நோக்கி.

சொற்பிரிப்பு

மால் அயற்கு அரிய நாதன் வடிவொரு சோதி ஆகச்சாலவே மயங்குவார்க்குச் சங்கரன் தான் மகிழ்ந்தேஏலவார் குழலாள் தன்னோடு இடப வாகனனாய்த் தோன்றிச்சீலமார் பூசை செய்த திருத்தொண்டர் தம்மை நோக்கி,

உரை

மூலத்தில் தமிழ் உரை இல்லை.

26

அன்பனே அன்பர் பூசை அளித்த நீ அணங்கினோடும்என் பெரும் உலகம் எய்தி இருநிதிக் கிழவன் தானேமுன் பெரு நிதியம் ஏந்தி மொழி வழி ஏவல் கேட்பஇன்பம் ஆர்ந்து இருக்க என்றே அருள் செய்தான் எவர்க்கும் மிக்கான்.

சொற்பிரிப்பு

“அன்பனே! அன்பர் பூசை அளித்த நீ அணங்கினோடும்என்பெரும் உலகம் எய்தி, இருநிதிக் கிழவன் தானேமுன்பெரு நிதியம் ஏந்தி மொழி வழி ஏவல் கேட்ப,இன்பம் ஆர்ந்திருக்க” என்றே அருள்செய்தான் எவர்க்கும் மிக்கான்.

உரை

மூலத்தில் தமிழ் உரை இல்லை.

27

இப்பரிசு இவர்க்குத் தக்க வகையினால் இன்பம் நல்கிமுப்புரம் செற்றார் அன்பர் முன்பு எழுந்தருளிப் போனார்அப் பெரியவர் தம் தூய அடி இணை தலை மேல் கொண்டுமெய்ப் பொருள் சேதி வேந்தன் செயலினை விளம்பல் உற்றேன்.

சொற்பிரிப்பு

இப்பரிசு இவர்க்குத் தக்க வகையினால் இன்பம் நல்கிமுப்புரம் செற்றார் அன்பர் முன்பு எழுந்தருளிப் போனார்அப்பெரியவர் தம் தூய அடி இணை தலைமேல் கொண்டுமெய்ப்பொருள் சேதி வேந்தன் செயலினை விளம்பல் உற்றேன்.

உரை

மூலத்தில் தமிழ் உரை இல்லை.