தில்லைவாழ் அந்தணர் புராணம்

அருளியவர்: சேக்கிழார்

1

ஆதியாய் நடுவுமாகி அளவு இலா அளவுமாகிச்சோதியாய் உணர்வுமாகித் தோன்றிய பொருளுமாகிப்பேதியா ஏகம் ஆகிப் பெண்ணுமாய் ஆணும் ஆகிப்போதியா நிற்கும் தில்லைப் பொது நடம் போற்றி போற்றி.

சொற்பிரிப்பு

ஆதியாய் நடுவும் ஆகி அளவிலா அளவும் ஆகிச்சோதியாய் உணர்வும் ஆகித் தோன்றிய பொருளும் ஆகிப்பேதியா ஏகம் ஆகிப் பெண்ணுமாய் ஆணும் ஆகிப்போதியா நிற்கும் தில்லைப் பொதுநடம் போற்றி! போற்றி!!

உரை

மூலத்தில் தமிழ் உரை இல்லை.

2

கற்பனை கடந்த சோதி கருணையே உருவம் ஆகிஅற்புதக் கோலம் நீடி அரு மறைச் சிரத்தின் மேலாம்சிற்பர வியோமம் ஆகும் திருச் சிற்றம்பலத்துள் நின்றுபொற்புடன் நடம் செய்கின்ற பூங் கழல் போற்றி போற்றி.

சொற்பிரிப்பு

கற்பனை கடந்த சோதி கருணையே உருவம் ஆகிஅற்புதக் கோலம் நீடி அருமறைச் சிரத்தின் மேலாம்சிற்பர வியோமம் ஆகும் திருச்சிற்றம்பலத்துள் நின்றுபொற்புடன் நடம் செய்கின்ற பூங்கழல் போற்றி! போற்றி!!

உரை

மூலத்தில் தமிழ் உரை இல்லை.

3

போற்றி நீள் தில்லை வாழ் அந்தணர் திறம் புகலல் உற்றேன்நீற்றினால் நிறைந்த கோல நிருத்தனுக்கு உரிய தொண்டாம்போற்றினார் பெருமைக்கு எல்லை ஆயினார் பேணி வாழும்ஆற்றினார் பெருகும் அன்பால் அடித்தவம் புரிந்து வாழ்வார்.

சொற்பிரிப்பு

போற்றி நீள் தில்லை வாழ் அந்தணர் திறம் புகலல் உற்றேன்;நீற்றினால் நிறைந்த கோல நிருத்தனுக்கு உரிய தொண்டாம்பேற்றினார்; பெருமைக்கு எல்லை ஆயினார் பேணி வாழும்ஆற்றினார்; பெருகும் அன்பால் அடித்தவம் புரிந்து வாழ்வார்.

உரை

மூலத்தில் தமிழ் உரை இல்லை.

4

பொங்கிய திருவில் நீடும் பொற்புடைப் பணிகள் ஏந்திமங்கலத் தொழில்கள் செய்து மறைகளால் துதித்து மற்றும்தங்களுக்கு ஏற்ற பண்பில் தகும் பணித் தலை நின்று உய்த்தேஅங்கணர் கோயில் உள்ளா அகம் படித் தொண்டு செய்வார்.

சொற்பிரிப்பு

பொங்கிய திருவில் நீடும் பொற்புடைப் பணிகள் ஏந்திமங்கலத் தொழில்கள் செய்து மறைகளால் துதித்து மற்றும்தங்களுக்கு ஏற்ற பண்பில் தகும் பணி தலைநின்று உய்த்தேஅங்கணர் கோயில் உள்ளா அகம்படித் தொண்டு செய்வார்.

உரை

மூலத்தில் தமிழ் உரை இல்லை.

5

வரு முறை எரி மூன்று ஓம்பி மன்னுயிர் அருளால் மல்கதருமமே பொருளாக் கொண்டு தத்துவ நெறியில் செல்லும்அருமறை நான்கினோடு ஆறு அங்கமும் பயின்று வல்லார்திரு நடம் புரிவார்க்கு ஆளாம் திருவினால் சிறந்த சீரார்.

சொற்பிரிப்பு

வருமுறை எரிமூன்று ஓம்பி மன்உயிர் அருளால் மல்கத்தருமமே பொருளாக் கொண்டு தத்துவ நெறியில் செல்லும்அருமறை நான்கினோடு ஆறு அங்கமும் பயின்று வல்லார்;திருநடம் புரிவார்க்கு ஆளாம் திருவினால் சிறந்த சீரார்.

உரை

மூலத்தில் தமிழ் உரை இல்லை.

6

மறுவிலா மரபின் வந்து மாறிலா ஒழுக்கம் பூண்டார்அறு தொழில் ஆட்சியாலே அருங்கலி நீக்கி உள்ளார்உறுவது நீற்றின் செல்வம் எனக் கொளும் உள்ளம் மிக்கார்பெறுவது சிவன் பால் அன்பாம் பேறு எனப் பெருகி வாழ்வார்.

சொற்பிரிப்பு

மறுவிலா மரபின் வந்து மாறிலா ஒழுக்கம் பூண்டார்;அறுதொழில் ஆட்சியாலே அருங்கலி நீக்கி உள்ளார்;உறுவது நீற்றின் செல்வம் எனக்கொளும் உள்ளம் மிக்கார்;பெறுவது சிவன்பால் அன்பாம் பேறு எனப் பெருகி வாழ்வார்;

உரை

மூலத்தில் தமிழ் உரை இல்லை.

7

ஞானமே முதலாம் நான்கும் நவை அறத் தெரிந்து மிக்கார்தானமும் தவமும் வல்லார் தகுதியின் பகுதி சார்ந்தார்ஊனமேல் ஒன்றும் இல்லார் உலகெலாம் புகழ்ந்து போற்றும்மானமும் பொறையும் தாங்கி மனை அறம் புரிந்து வாழ்வார்.

சொற்பிரிப்பு

ஞானமே முதலா நான்கும் நவை அறத் தெரிந்து மிக்கார்;தானமும் தவமும் வல்லார்; தகுதியின் பகுதி சார்ந்தார்;ஊனமேல் ஒன்றும் இல்லார்; உலகெல்லாம் புகழ்ந்து போற்றும்மானமும் பொறையும் தாங்கி மனைஅறம் புரிந்து வாழ்வார்;

உரை

மூலத்தில் தமிழ் உரை இல்லை.

8

செம்மையால் தணிந்த சிந்தைத் தெய்வ வேதியர்கள் ஆனார்மும்மை ஆயிரவர் தாங்கள் போற்றிட முதல்வனாரைஇம்மையே பெற்று வாழ்வார் இனிப் பெறும் பேறு ஒன்று இல்லார்தம்மையே தமக்கு ஒப்பான நிலைமையால் தலைமை சார்ந்தார்.

சொற்பிரிப்பு

செம்மையால் தணிந்த சிந்தைத் தெய்வ வேதியர்கள் ஆனார்மும்மை ஆயிரவர் தாங்கள் போற்றிட முதல்வனாரைஇம்மையே பெற்று வாழ்வார்; இனிப்பெறும் பேறு ஒன்று இல்லார்;தம்மையே தமக்கு ஒப்பான நிலைமையால் தலைமை சார்ந்தார்;

உரை

மூலத்தில் தமிழ் உரை இல்லை.

9

இன்றிவர் பெருமை எம்மால் இயம்பலாம் எல்லைத்தாமோதென் தமிழ்ப் பயனாய் உள்ள திருத் தொண்டத் தொகை முன் பாடஅன்று வன் தொண்டர் தம்மை அருளிய ஆரூர் அண்ணல்முன் திரு வாக்கால் கோத்த முதல் பொருள் ஆனார் என்றால்.

சொற்பிரிப்பு

இன்று இவர் பெருமை எம்மால் இயம்பலாம் எல்லைத்து ஆமோ?தென்தமிழ்ப் பயனாய் உள்ள திருத்தொண்டத்தொகை முன் பாடஅன்று வன்தொண்டர் தம்மை அருளிய ஆரூர் அண்ணல்முன் திருவாக்கால் கோத்த முதல்பொருள் ஆனார் என்றால்.

உரை

மூலத்தில் தமிழ் உரை இல்லை.

10

அகல் இடத்து உயர்ந்த தில்லை அந்தணர் அகிலம் எல்லாம்புகழ் திரு மறையோர் என்றும் பொது நடம் போற்றி வாழநிகழ் திரு நீல கண்டக் குயவனார் நீடு வாய்மைதிகழும் அன்புடைய தொண்டர் செய் தவம் கூறல் உற்றாம்.

சொற்பிரிப்பு

அகலிடத்து உயர்ந்த தில்லை அந்தணர் அகிலம் எல்லாம்புகழ் திருமறையோர் என்றும் பொதுநடம் போற்றி வாழ!நிகழ் திருநீலகண்டக் குயவனார் நீடு வாய்மைதிகழும் அன்பு உடைய தொண்டர் செய்தவம் கூறல் உற்றாம்.

உரை

மூலத்தில் தமிழ் உரை இல்லை.