மூத்த நாயனார் திருஇரட்டை மணிமாலை

அருளியவர்: கபிலதேவ நாயனார்

1

திருவாக்கும் செய்கருமம் கைகூட்டும் செஞ்சொல்பெருவாக்கும் பீடும் பெருக்கும் - உருவாக்கும்ஆதலால் வானோரும் ஆனை முகத்தானைக்காதலால் கூப்புவர்தம் கை.

சொற்பிரிப்பு

திருவாக்கும் செய்கருமம் கைகூட்டும் செஞ்சொல்பெருவாக்கும் பீடும் பெருக்கும் – உருவாக்கும்ஆதலால் வானோரும் ஆனை முகத்தானைக்காதலால் கூப்புவர் தம் கை.

உரை

மூலத்தில் தமிழ் உரை இல்லை.

2

கைக்கும் பிணியொடு காலன் தலைப்படும் ஏல்வையினில்எய்க்கும் கவலைக் கிடைந்தடைந் தேன்வெம்மை நாவளைக்கும்பைக்கும் அரவரை யான்தந்த பாய்மத யானைபத்துத்திக்கும் பணிநுதற் கண்திரு வாளன் திருவடியே.

சொற்பிரிப்பு

கைக்கும் பிணியொடு காலன் தலைப்படும் ஏல்வையினில்எய்க்கும் கவலைக்கு இடைந்து அடைந்தேன் வெம்மை நாவளைக்கும்பைக்கும் அரவரையான் தந்த பாய்மத யானை பத்துத்திக்கும் பணிநுதல் கண்திருவாளன் திருவடியே.

உரை

மூலத்தில் தமிழ் உரை இல்லை.

3

அடியமர்ந்து கொள்வாயே நெஞ்சமே அப்பம்இடியவலோ டெள்ளுண்டை கன்னல் - வடிசுவையில்தாழ்வானை ஆழ்வானைத் தன்னடியார் உள்ளத்தேவாழ்வானை வாழ்த்தியே வாழ்.

சொற்பிரிப்பு

அடி அமர்ந்து கொள்வாயே நெஞ்சமே அப்பம்இடி அவலோடு எள்ளுண்டை கன்னல் – வடி சுவையில்தாழ்வானை ஆழ்வானைத் தன்னடியார் உள்ளத்தேவாழ்வானை வாழ்த்தியே வாழ்.

உரை

மூலத்தில் தமிழ் உரை இல்லை.

4

வாழைக் கனிபல வின்கனி மாங்கனி தாஞ்சிறந்தகூழைச் சுருள்குழை அப்பம்எள் ளுண்டைஎல் லாந்துறுத்தும்பேழைப் பெருவயிற் றோடும் புகுந்தென் உளம்பிரியான்வேழத் திருமுகத் துச்செக்கர் மேனி விநாயகனே.

சொற்பிரிப்பு

வாழைக்கனி பலவின்கனி மாங்கனிதாம் சிறந்தகூழைச் சுருள்குழை அப்பம் எள்ளுண்டை எல்லாந் துறுத்தும்பேழைப் பெருவயிற்றோடும் புகுந்தென் உளம்பிரியான்வேழத் திருமுகத்துச் செக்கர் மேனி விநாயகனே.

உரை

மூலத்தில் தமிழ் உரை இல்லை.

5

விநாயகனே வெவ்வினையை வேரறுக்க வல்லான்விநாயகனே வேட்கைதணி விப்பான் - விநாயகனேவிண்ணிற்கும் மண்ணிற்கும் நாதனுமாந் தன்மையினால்கண்ணிற் பணிமின் கனிந்து.

சொற்பிரிப்பு

விநாயகனே வெவ்வினையை வேரறுக்க வல்லான்விநாயகனே வேட்கை தணிவிப்பான் – விநாயகனேவிண்ணிற்கும் மண்ணிற்கும் நாதனுமாம் தன்மையினால்கண்ணிற் பணிமின் கனிந்து.

உரை

மூலத்தில் தமிழ் உரை இல்லை.

6

கனிய நினைவொடு நாடொறும் காதற் படும் அடியார்க்கினியன் இனியொரு இன்னாங் கிலம்எவ ரும்வணங்கும்பனிவெண் பிறைநறுங் கொன்றைச் சடைப்பலி தேரியற்கைமுனிவன் சிறுவன் பெருவெங்கொல் யானை முகத்தவனே.

சொற்பிரிப்பு

கனிய நினைவொடு நாள்தொரும் காதற்படும் அடியார்க்குஇனியன் இனி ஒருவின் ஆங்கு கிலம் எவரும் வணங்கும்பனிவெண்பிறை நறும்கொன்றைச் சடைப்பலி தேர்இயற்கைமுனிவன் சிறுவன் பெருவெங்கொல் யானை முகத்தவனே.

உரை

மூலத்தில் தமிழ் உரை இல்லை.

7

யானை முகத்தான் பொருவிடையான் சேய் அழகார்மான மணிவண்ணன் மாமருகன் - மேல்நிகழும்வெள்ளக் குமிழி மதத்து விநாயகன் என்உள்ளக் கருத்தின் உளன்.

சொற்பிரிப்பு

யானை முகத்தான் பொருவிடையான் சேய் அழகார்மான மணிவண்ணன் மாமருகன் – மேல்நிகழும்வெள்ளக் குமிழி மதத்து விநாயகன் என்உள்ளக் கருத்தின் உளன்.

உரை

மூலத்தில் தமிழ் உரை இல்லை.

8

உளதள வில்லதோர் காதலென் நெஞ்சில்வன் நஞ்சமுண்டவளரிள மாமணி கண்டன்வண் டாடுவண் கோதைபங்கத்திளவளர் மாமதிக் கண்ணியெம் மான்மகன் கைம்முகத்துக்களகள மாமதஞ் சேர்களி யானைக் கணபதியே.

சொற்பிரிப்பு

உளது அளவில்லதோர் காதல் என் நெஞ்சில் வன் நஞ்சமுண்டவளரிள மாமணி கண்டன் வண்டாடு வண்கோதை பங்கத்துஇளவளர் மாமதிக் கண்ணி எம்மான் மகன் கைம்முகத்துக்களகள மாமதம் சேர் களியானைக் கணபதியே.

உரை

மூலத்தில் தமிழ் உரை இல்லை.

9

கணங்கொண்ட வல்வினைகள் கண்கொண்ட நெற்றிப்பணங்கொண்ட பாந்தட் சடைமேல் - மணங்கொண்டதாதகத்த தேன்முரலும் கொன்றையான் தந்தளித்தபோதகத்தின் தாள்பணியப் போம்.

சொற்பிரிப்பு

கணங்கொண்ட வல்வினைகள் கண்கொண்ட நெற்றிப்பணங்கொண்ட பாந்தள் சடைமேல் – மணங்கொண்டதாதகத்த தேன்முரலும் கொன்றையான் தந்தளித்தபோதகத்தின் தாள் பணியப் போம்.

உரை

மூலத்தில் தமிழ் உரை இல்லை.

10

போகபந் தத்தந்தம் இன்றிநிற் பீர்புனை தார்முடிமேல்நாகபந் தத்தந்த நாளம் பிறையிறை யான்பயந்தமாகபந் தத்தந்த மாமழை போல்மதத் துக்கதப்போர்ஏகதந் தத்தெந்தை செந்தாள் இணைபணிந் தேத்துமினே.

சொற்பிரிப்பு

போகபந்தத் தந்தம் இன்றி நிற்பீர் புனை தார்முடிமேல்நாகபந்தத் தந்த நாளம் பிறைஇறையான் பயந்தமாகபந்தத் தந்த மாமழை போல் மதத்துக் கதப்போர்ஏக தந்தத்து எந்தை செந்தாள் இணை பணிந்து ஏத்துமினே.

உரை

மூலத்தில் தமிழ் உரை இல்லை.

11

ஏத்தியே என்னுள்ளம் நிற்குமால் எப்பொழுதும்மாத்தனிவெண் கோட்டு மதமுகத்துத் - தூத்தழல்போல்செக்கர்த் திருமேனிச் செம்பொற் கழலங்கைமுக்கட் கடாயானை முன்.

சொற்பிரிப்பு

ஏத்தியே என்னுள்ளம் நிற்குமால் எப்பொழுதும்மாத்தனி வெண்கோட்டு மதமுகத்துத் – தூத்தழல்போல்செக்கர்த் திருமேனிச் செம்பொற் கழலங்கைமுக்கட் கடா யானை முன்.

உரை

மூலத்தில் தமிழ் உரை இல்லை.

12

முன்னிளங் காலத்தி லேபற்றி னேன்வெற்றி மீனுயர்த்தமன்னிளங் காமன்தன் மைத்துன னேமணி நீலகண்டத்தென்னிளங் காய்களி றேஇமை யோர்சிங்க மேயுமையாள்தன்னிளங் காதல னேசர ணாவுன் சரணங்களே.

சொற்பிரிப்பு

முன்னிளம் காலத்திலே பற்றினேன் வெற்றி மீனுயர்த்தமன்னிளம் காமன் தன் மைத்துனனே மணி நீலகண்டத்துஎன்னிளம் காய்களிறே இமையோர் சிங்கமே உமையாள்தன்னிளம் காதலனே சரணாவுன் சரணங்களே.

உரை

மூலத்தில் தமிழ் உரை இல்லை.

13

சரணுடை யேன்என்று தலைதொட் டிருக்கமுரணுடையேன் அல்லேன் நான்முன்னம் - திரள்நெடுங்கோட்டண்டத்தான் அப்புறத்தான் ஆனைமுகத் தான்அமரர்பண்டத்தான் தாள்பணியாப் பண்டு.

சொற்பிரிப்பு

சரணுடையேன் என்று தலை தொட்டிருக்கமுரணுடையேன் அல்லேன் நான்முன்னம் – திரள் நெடுங்கோட்டுஅண்டத்தான் அப்புறத்தான் ஆனைமுகத்தான் அமரர்பண்டத்தான் தாள் பணியாப் பண்டு.

உரை

மூலத்தில் தமிழ் உரை இல்லை.

14

பண்டந்த மாதரத் தானென் றினியன வேபலவும்கொண்டந்த நாள்குறு காமைக் குறுகுவர் கூருணர்வில்கண்டந்த நீண்முடிக் கார்மத வார்சடைக் கற்றை யொற்றைவெண்தந்த வேழ முகத்தெம் பிரானடி வேட்கையரே.

சொற்பிரிப்பு

பண்டந்த மாதரத்தான் என்று இனியனவே பலவும்கொண்டந்த நாள் குறுகாமைக் குறுகுவர் கூருணர்வில்கண்டந்த நீண்முடிக் கார்மத வார்சடைக் கற்றை யொற்றைவெண்தந்த வேழமுகத்து எம் பிரானடி வேட்கையரே.

உரை

மூலத்தில் தமிழ் உரை இல்லை.

15

வேட்கை வினைமுடித்து மெய்யடியார்க் கின்பஞ்செய்தாட்கொண் டருளும் அரன்சேயை - வாட்கதிர்கொள்காந்தார மார்பிற் கமழ்தார்க் கணபதியைவேந்தா உடைத்தமரர் விண்.

சொற்பிரிப்பு

வேட்கை வினைமுடித்து மெய்யடியார்க்கு இன்பஞ்செய்தாள் கொண்டருளும் அரன் சேயை – வாள்கதிர்கொள்காந்தார மார்பில் கமழ்தார்க் கணபதியைவேந்தா உடைத்து அமரர் விண்.

உரை

மூலத்தில் தமிழ் உரை இல்லை.

16

விண்ணுதல் நுங்கிய விண்ணுமண் ணுஞ்செய் வினைப்பயனும்பண்ணுதல் நுங்கடன் என்பர்மெய் அன்பர்கள் பாய்மதமாகண்ணுதல் நுங்கிய நஞ்சம்உண் டார்கரு மாமிடற்றுப்பெண்ணுதல் நும்பிரி யாவொரு பாகன் பெருமகனே.

சொற்பிரிப்பு

விண்ணுதல் நுங்கிய விண்ணு மண்ணுஞ் செய் வினைப்பயனும்பண்ணுதல் நுங்கடன் என்பர் மெய் அன்பர்கள் பாய் மதமாகண்ணுதல் நுங்கிய நஞ்சம் உண்டார் கருமாமிடற்றுப்பெண்ணுதல் நும்பிரியா ஒரு பாகன் பெருமகனே.

உரை

மூலத்தில் தமிழ் உரை இல்லை.

17

பெருங்காதல் என்னோடு பொன்னோடை நெற்றிமருங்கார வார்செவிகள் வீசி - ஒருங்கேதிருவார்ந்த செம்முகத்துக் கார்மதங்கள் சோரவருவான்தன் நாமம் வரும்.

சொற்பிரிப்பு

பெருங்காதல் என்னோடு பொன்னோடை நெற்றிமருங்கார வார்செவிகள் வீசி – ஒருங்கேதிருவார்ந்த செம்முகத்துக் கார்மதங்கள் சோரவருவான் தன் நாமம் வரும்.

உரை

மூலத்தில் தமிழ் உரை இல்லை.

18

வருகோட் டருபெருந் தீமையும் காலன் தமரவர்கள்அருகோட் டருமவ ராண்மையும் காய்பவன் கூர்ந்தஅன்புதருகோட் டருமர பிற்பத்தர் சித்தத் தறியணையும்ஒருகோட் டிருசெவி முக்கட்செம் மேனிய ஒண்களிறே.

சொற்பிரிப்பு

வருகோட்டு அருபெருந்தீமையும் காலன் தமரவர்கள்அருகோட்டு அருமவர் ஆண்மையும் காய்பவன் கூர்ந்தஅன்புதருகோட்டு அரு மரபிற் பத்தர் சித்தத் தறியணையும்ஒருகோட்டு இருசெவி முக்கட் செம்மேனிய ஒண்களிறே.

உரை

மூலத்தில் தமிழ் உரை இல்லை.

19

களியானைக் கன்றைக் கணபதியைச் செம்பொன்ஒளியானைப் பாரோர்க் குதவும் - அளியானைக்கண்ணுவதும் கைத்தலங்கள் கூப்புவதும் மற்றவன்தாள்நண்ணுவதும் நல்லார் கடன்.

சொற்பிரிப்பு

களியானைக் கன்றைக் கணபதியைச் செம்பொன்ஒளியானைப் பாரோர்க்கு உதவும் – அளியானைக்கண்ணுவதும் கைத்தலங்கள் கூப்புவதும் மற்றவன்தாள்நண்ணுவதும் நல்லார் கடன்.

உரை

மூலத்தில் தமிழ் உரை இல்லை.

20

நல்லார் பழிப்பில் எழிற்செம் பவளத்தை நாணநின்றபொல்லா முகத்தெங்கள் போதக மேபுரம் மூன்றெரித்தவில்லான் அளித்த விநாயக னேஎன்று மெய்ம்மகிழவல்லார் மனத்தன்றி மாட்டாள் இருக்க மலர்த்திருவே.

சொற்பிரிப்பு

நல்லார் பழிப்பில் எழில் செம்பவளத்தை நாணநின்றபொல்லா முகத்து எங்கள் போதகமே புரம் மூன்றெரித்தவில்லான் அளித்த விநாயகனே என்று மெய்ம்மகிழவல்லார் மனத்தன்றி மாட்டாள் இருக்க மலர்த்திருவே.

உரை

மூலத்தில் தமிழ் உரை இல்லை.