1
கல்லால் நிழல்மேய கறைசேர் கண்டாவென்றெல்லா மொழியாலும் இமையோர் தொழுதேத்தவில்லால் அரண்மூன்றும் வெந்து விழவெய்தநல்லான் நமையாள்வான் நல்லம் நகரானே.
சொற்பிரிப்பு
“கல்லால் நிழல் மேய கறை சேர் கண்டா!” என்றுஎல்லாமொழியாலும் இமையோர் தொழுது ஏத்த,வில்லால் அரண்மூன்றும் வெந்து விழ எய்தநல்லான்; நமை ஆள்வான் நல்லம் நகரானே.
உரை
சிவபெருமானை வானோர்கள் ‘கல் ஆலமர நிழலில் உபதேச குருமூர்த்தியாகிய நீலகண்டா' என்று தமக்குத் தெரிந்த அனைத்து மொழிகளாலும் தொழுது போற்றுகின்றனர். மேரு மலையை வில்லாகக் கொண்டு அசுரர்களின் மூன்று அரண்களும் வெந்து விழுமாறு செய்தருளிய நல்லவர். இப்பெருமானார் நம்மை ஆட்கொண்டு அருளும் பொருட்டு நல்லம் என்னும் நகரில் எழுந்தருளி உள்ளார்.