1
சொற்பிரிப்பு
உரை
சிவபெருமான் கயிலாய மலையைத் தனது இடமாகக் கொண்டு உறையும் இறைவன் ஆவார். சீபருப்பதம், துருத்தி, மாற்பேறு, குற்றமற்ற சிறப்புடைய திருமறைக்காடு, நெய்த்தானம் ஆகிய தலங்களிலும் நிலையாக எழுந்தருளி இருப்பவர். தனது உரைகளை எனது உரையாக வெளிப்படுத்தி அருள்புரிபவர். திருநீறு அணிந்து ஆனேற்றில் மகிழ்வோடு ஏறிவரும் நிமலன் இவர். ஆண் மான்கள் தம் இளைய பெண் மான்களோடு துயில்கின்றன. சோலைகளில் கூட்டமாக வாழும் ஆண் மயில்கள் தங்கள் தங்கள் பெடைகளைத் தழுவி களிப்புறுகின்றன. அழகிய இலைகள் நிறைந்த பசுமையான பொழில்கள் சூழ்ந்த, இலம்பையங்கோட்டூரைச் சிவபெருமான் தனது இருப்பிடமாகக் கொண்டு உன்ளார். இந்தத் தகுதிகளை உடையவர், என்னைத் தன்னுடன் அழைத்துச் செல்லாமல் என் அழகை மட்டும் கவர்ந்து செல்வது இவருக்கு :இயல்பாகுமா? (பிரிவினால் வருந்தும் தலைவியின் நிலையை அநுபவித்துக் கூறுகின்றார்கள் திருஞானசம்பந்தப் பிள்ளையவர்கள்).