திருச்செங்காட்டங்குடி

சிறகுகளை உடைய வண்டினங்கள்‌ ஒலிக்கும்‌ இடம்‌ திருச்செங்காட்டங்குடி- அந்த இடத்தில்‌ கணபதீச்சரம்‌ என்னும்‌ கோயிலில்‌, விடக்கறை பொருந்திய கண்டத்தினராகச்‌ சிவபெருமான்‌ எழுந்தருளியுள்ளார்‌. அங்கு, அடியவர்கள்‌ நாள்தோறும்‌ விதிப்படி தேன்‌ பொருந்திய மலர்களைத்‌ தூவி, மணம்‌ கமழச்‌ செய்வித்து, இடைவிடாமல்‌ பணிசெய்து வழிபடுகின்றனர்‌.

திருச்செங்காட்டங்குடியில்‌ வாரா இழுத்துக்‌ கட்டப்பட்ட பறைகளின்‌ ஒலியும்‌, சங்குகளின்‌ ஒலியும்‌ நீங்காது ஒலிக்கின்றன. ஊர்‌ முழுவதும்‌ செல்வ வளங்கள்‌ நிறைந்துள்ளன. மேன்மையான புகழை உடைய திருவிழாக்கள்‌ இடைவிடாது நிகழும்‌ இடம்‌ இது. - இங்கு விளங்கும்‌ கணபதீச்சரம்‌ என்ற கோயிலில் கார்காலத்தே மலரும் கொன்றை மலரை அணிந்துள்ள சிவபெருமான்‌ எழுந்தருளியுள்ளார்‌. ‌

கணபதீச்சரத்தில்‌ எழுந்தருளியுள்ள இறைவன்‌, வரந்தை, சோபுரம்‌ ஆகிய தலங்களில்‌ எழுந்தருளி இருப்பவன்‌, வேதாகமங்களை அருளிச்‌ செய்தவன்‌. கோவணம்‌ அணிந்தவன்‌. காலிற்‌ சண்கிணி அணிந்தவன்‌. கையில்‌ உடுக்கை ஒன்றை ஏந்தியவன்‌. சிவந்த சடைமுடி மீது கரந்தை சூடியவன்‌. திருவெண்ணீறு அணிந்தவன்‌. அப்பெருமான்‌ திருச்செங்காட்டங்குடியில்‌ கணபதீச்சரத்தில்‌ எழுந்தருளி உள்ளான்‌.

சிவபெருமான்‌ கங்கை தங்கிய நீண்ட சடைமுடியை உடையவர்‌. முன்பொரு நான்‌ சிவனை நோக்கி தவம்‌ செய்த அருச்சுனனுக்கு அருள்‌ செய்தவர்‌. வந்த கயல்மீன்கள்‌ பாயும்‌ வளமான வயல்களால்‌ சூழப்பட்ட திருச்செங்காட்டங்குடியில்‌ கணபதீச்‌சரம்‌ என்னும்‌ கோயிலில்‌ எழுந்தருளி உள்ளார்‌. தொண்டர்கள்‌ மாலைகளும்‌ மணம்‌ கமழும்‌ சந்தனமும்‌, அகில்‌ புகையும்‌ கொண்டு தம்‌ அழகிய கைகளால்‌ தொழுது போற்றி வணங்கி அருச்சித்த உடனே அருள்‌ செய்யும்‌ பெருமான்‌ இவர்‌.

திருச்செங்காட்டங்குடி, சேல்மீன்கள்‌ நிறைந்த வளமான வயல்களால்‌ புடை சூழப்பட்டு உள்ளது. இங்குள்ள கணபதீச்சரத்தில்‌, தனது இடது காலால்‌ இயமனை உதைத்த சிவபெருமான்‌ எழுந்தருளியுள்ளார்‌." இங்கு, அடியவர்கள்‌ ஆகம விதிப்படி பாலினாலும்‌, மணம்‌ கமழும்‌ நெய்யாலும்‌, பழங்களாலும்‌ பலகாலமாக விரும்பி அபிடேகிக்கின்றனர்‌. மண மாலைகளைக்‌ கொண்டு வந்து சூட்டி! அன்போடு வழிபடுகின்றனர்‌.

திருச்செங்காட்டங்குடியில்‌ கணபதீச்சரத்தில்‌ எழுந்தருளியுள்ள சிவபெருமான்‌ நுண்ணியன யாவற்றிலும்‌ மிக நுண்ணியன்‌, பருமையான பொருள்கள்‌ யாவற்றிலும்‌ மிகப்‌ பருமையானவன்‌. நோயினால்‌ வருந்துபவர்களால்‌ துதிக்கப்படுபவன்‌. தன்னடியடைந்த அடியார்களுக்கு குளிர்ச்சியானவன்‌. புறச்சமயத்தார்க்கு வெய்யவன்‌. ஞானிகளின்‌ முடிமீதும்‌ மனத்திலும்‌ உறைபவன்‌. உறுதியானவன்‌. தனது சிவந்த சடைமீது பிறைமதிக்‌ கண்ணியைச்‌ சூடியவன்‌. நெற்றியில்‌ மூன்றாவது கண்ணை உடையவன்‌.

சிவபெருமான்‌, கருங்குவளை மலர்‌ போன்ற நீண்ட கண்களை உடைய மலைமகளாகிய பார்வதி தேவியை ஒரு பாகமாகத்‌ தன்‌ திருமேனியில்‌ கொண்டுள்ளார்‌. படத்தோடு கூடிய பாம்பை இடையிலே கட்டியுள்ளார்‌. கையில்‌ மிகுந்துள்ள தீயை ஏந்தியுள்ளார்‌. இவர்‌ மீன்கள்‌ துள்ளுகின்ற அந்த வயலையும்‌, அகன்ற நீர்‌ நிலைகளையும்‌, பண்படுத்தப்பட்ட வயல்களையும்‌, தானே அமைந்த விளைநிலங்களையும்‌ உடைய திருச்செங்காட்டங்குடி கணபதீச்சரத்தில்‌ எழுந்தருளி உள்ளார்‌.

திருச்செங்காட்டங்குடியில்‌ விளங்கும்‌ கணபதீச்சரத்தில்‌ எழுந்தருளியுள்ள சிவபெருமான்‌, ஒரு காதில்‌ தோடையும்‌;, பிறிதொரு காதில்‌ குழையையும்‌ அணிந்தவர்‌. கயிலையை பெயர்த்த இராவணனின்‌ தோள்களை நெரித்த பெருமை உடையவர்‌. போரிடும்‌ காளையை உடையவர்‌. பெண்ணை ஒரு பாகமாகக்‌ கொண்டவர்‌. மிகவும்‌ பெரியவர்‌. பெருமைகட்கு உரியவர்‌. பூதகணங்களோடு சேர்ந்து ஆடும்‌ சுடுகாட்டைத்‌ தனக்கு இடமாகக்‌ கொண்டவர்‌. நாடுகள்‌ பலவற்றிலும்‌ கோயில்‌ கொண்டு அருளாட்சி புரிபவர்‌.

சிவபெருமான்‌ இடபத்தில்‌ ஏறி அதன்‌ மீது ஊர்ந்து பல இடங்களிலும்‌ திரிபவர்‌. முன்னொரு காலத்தில்‌ திருமால்‌, பிரமன்‌ ஆகிய இருவர்க்கும்‌ அடிமுடிகளைத்‌ தேடி உணர முடியாதவாறு வானளாவ ஓங்கி நின்றவர்‌. இவ்வையகத்திலும்‌, சிற்றம்பலத்திலும்‌, தேனூரிலும்‌, கானூரிலும்‌,, கழுமலத்திலும்‌ விளங்குபவர்‌. இவ்வாறு புறத்தில்‌ வையகத்திலும்‌ வானிலும்‌ விளங்குபவர்‌, வாழ்த்துபவர்கள்‌ மனத்தினுள்ளும்‌ விளங்குபவர்‌ ஆவார்‌. இவர்‌ திருச்செங்காட்டங்குடியில்‌ கணபதகூீச்சரத்தில்‌ எழுந்தருளியுள்ளார்‌.

முடை நாற்றத்தை நுகரும்‌ சமணர்களும்‌, காவி ஆடை உடுத்த புத்தர்களும்‌ எம்பெருமானுடைய அருளை அறியாது துன்புறுபவர்கள்‌. அவர்களுக்கு எம்பெருமான்‌ அருள்புரியாத இயல்பினர்‌. திருநீற்று மணத்தையே நுகரும்‌ சிறுத்தொண்ட நாயனாருக்கு அருள்‌ செய்யும்‌ பொருட்டுத்‌ திருச்செங்காட்டங்குடியைத்‌ தலமாகக்‌ கொண்டு அங்குள்ள கணபகூதீச்சரத்தில்‌ எழுந்தருளி உள்ளார்‌.

நீலமலராகிய குவளைக்‌ கண்‌ போல்‌ மலர்ந்து விளங்குவதும்‌, மணம்‌ கமழும்‌ சோலைகளில்‌ உள்ள தேனின்‌ மணம்‌ வீசுவதுமான, வயல்களால்‌ சூழப்பட்ட சீர்காழிப்‌ பதியில்‌ தோன்றியவர்‌ தமிழ்‌ வல்லவரான ஞானசம்பந்தன்‌. கரைகளோடு நீர்‌ நிறைந்து தோன்றும்‌ வயல்கள்‌ சூழ்ந்து திருச்செங்காட்டங்குடியில்‌ விளங்கும்‌ சுணபதீச்சரத்துச்‌ சிவபெருமான்மீது வேதப்‌ பொருள்‌ நிறைந்த இப்பதிகத்தைப்‌ பாடினார்‌. இத்திருப்பதிகத்‌ தமிழ்‌ மாலையை ஓதவல்லார்‌ வானுலகில்‌ வாழ்வார்கள்‌.