1
வண்டரங்கப் புனற்கமல மதுமாந்திப் பெடையினொடும்ஒண்டரங்க இசைபாடும் அளியரசே ஒளிமதியத்துண்டரங்கப் பூண்மார்பர் திருத்தோணி புரத்துறையும்பண்டரங்கர்க் கென்நிலைமை பரிந்தொருகாற் பகராயே.
சொற்பிரிப்பு
வண் தரங்கப் புனல் கமல மது மாந்திப் பெடையினொடும்ஒண் தரங்க இசை பாடும் அளி அரசே! ஒளி மதியத்துண்டர், அங்கப்பூண் மார்பர், திருத் தோணிபுரத்து உறையும்பண்டரங்கர்க்கு என் நிலைமை பரிந்து ஒரு கால் பகராயே!
உரை
வளமையான அலைகளோடு கூடிய நீர் நிலைகளில், மலர்ந்த தாமரை மலர்களின் தேனைக் குடித்துத் தன் பெண் வண்டோடு களித்து, சிறந்த அலைபோல மேலும் கீழுமாய் அசையும் நடையில் இசைபாடும் அரச வண்டே! என்மேல் பரிவு கொள்ளாய்! என் பிரானாகிய சிவபெருமான் ஒளி பொருந்திய இளம் பிறையை முடியிற் சூடியுள்ளார். எலும்பு மாலைகளை மார்பில் அணிகலனாகப் பூண்டுள்ளார். திருத்தோணிபுரத்தில் பண்டரங்கக் கூத்து ஆடுகின்றார். அவரிடம் சென்று எனது பிரிவாற்றாத நிலையை ஒரு முறையேனும் பகர்வாயாக.