1
பூத்தேர்ந் தாயன கொண்டுநின் பொன்னடிஏத்தா தாரில்லை யெண்ணுங்கால்ஓத்தூர் மேய வொளிமழு வாள்அங்கைக்கூத்தீ ரும்ம குணங்களே.
சொற்பிரிப்பு
பூத் தேர்ந்து ஆயன கொண்டு, நின் பொன் அடிஏத்தாதார் இல்லை, எண்ணுங்கால்ஓத்தூர் மேய ஒளி மழுவாள் அங்கைக்கூத்தீர்! உம குணங்களே.
உரை
திரு ஓத்தூரில் அழகிய கையில் ஒளி பொருந்திய மழுவாகிய வாளை ஏந்தியவராய் எழுந்தருளியிருக்கும் கூத்தராகிய சிவபெருமானே! ஆராய்ந்து பார்க்கையில், பூசைக்குரிய நறுமலர்களைத் தேர்ந்து பறித்தும், ஏனைய உபகரணங்களைச் சேகரித்துக் கொண்டும், உம் குணநலன்களைய் போற்றியும், பொன் போன்ற திருவடிகளைப் போற்றியும், எல்லோரும் வணங்குகின்றனர்.