1
தேவராயும் அசுரராயுஞ் சித்தர்செழு மறைசேர்நாவராயும் நண்ணுபாரும் விண்எரிகால் நீரும்மேவராய விரைமலரோன் செங்கண்மால் ஈசன்என்னும்மூவராய முதலொருவன் மேயதுமு துகுன்றே.
சொற்பிரிப்பு
தேவராயும், அசுரராயும், சித்தர், செழுமறை சேர்நாவராயும், நண்ணு பாரும் விண் எரி கால் நீரும்மேவர் ஆய, விரை மலரோன் செங்கண்மால் ஈசன் என்னும்மூவர் ஆய, முதல் ஒருவன் மேயது முதுகுன்றே.
உரை
தேவர், அசுரர், சித்தர், வளம் மிகுந்த வேதங்களை ஓதும் சான்றோர்கள் ஆகியோர் உயர்மக்களாவர். நாம் வாழும் மண், ஆகாயம், நெருப்பு, காற்று, நீர் ஆகியன ஐம்பூதங்கள் ஆகும். மணம் மிக்க தாமரை மலர்மேல் வீற்றிருக்கும் நான்முகன், சிவந்த கண்களை உடைய திருமால், உருத்திரன் ஆகியவர்கள் மும்மூர்த்திகள். இவர்கள் எல்லாமாகவும், அவர்களின் தலைவராகவும் இருப்பவர் சிவபெருமான். இவர் எழுந்தருளி இருக்கும் தலம் திருமுதுகுன்றம் ஆகும்.