1
மறையுடையாய் தோலுடையாய் வார்சடைமேல் வளரும்பிறையுடையாய் பிஞ்ஞகனே யென்றுனைப்பே சினல்லால்குறையுடையார் குற்றம்ஓராய் கொள்கையினால் உயர்ந்தநிறையுடையார் இடர்களையாய் நெடுங்களம்மே யவனே.
சொற்பிரிப்பு
“மறை உடையாய்! தோல் உடையாய்! வார்சடை மேல் வளரும்பிறை உடையாய்! பிஞ்ஞகனே!” என்று உனைப் பேசின் அல்லால்,குறை உடையார் குற்றம் ஓராய்! கொள்கையினால் உயர்ந்தநிறை உடையார் இடர்களையாய் நெடுங்களம் மேயவனே!
உரை
திருநெடுங்களம் மேவிய சிவபெருமானே! வேதங்களைத் தனக்கு உடைமையாகக் கொண்டவனே! தோல் ஆடையை உடுத்தவனே! நீண்ட சடை மேல் வளரும் இளம்பிறையைச் சூடியவனே! தலைக் கோலம் உடையவனே! என்றவாறு உன்னைத் தோத்தரிக்கின்றேன். குறையுடையவர்களின் குற்றங்களை நீர் மனதில் கொள்ளாதவர். மனத்தினால் வேறு தெய்வத்தை நினையாத கொள்கையில் மேம்பட்ட மாட்சிமை உடைய அடியவர்களின் துன்பங்களை நீக்கி அருள்வாயாக.