1
நூலடைந்த கொள்கையாலே நுன்னடி கூடுதற்குமாலடைந்த நால்வர்கேட்க நல்கிய நல்லறத்தைஆலடைந்த நீழல்மேவி யருமறை சொன்னதென்னேசேலடைந்த தண்கழனிச் சேய்ஞலூர் மேயவனே.
சொற்பிரிப்பு
நூல் அடைந்த கொள்கையாலே நுன் அடி கூடுதற்குமால் அடைந்த நால்வர் கேட்க, நல்கிய நல் அறத்தை,ஆல் அடைந்த நீழல் மேவி, அருமறை சொன்னது என்னேசேல் அடைந்த தண் கழனிச் சேய்ஞலூர் மேயவனே?
உரை
சேல் மீன்கள் நிறைந்த குளிர்ந்த வயல்களால் சூழப்பட்ட திருச்சேய்ஞலூரில் அமர்ந்திருக்கும் சிவபெருமானே! வேதம் முதலிய நூல்களில் விதிக்கப்பட்ட முறைகளினால், உன் திருவடிகளை அடைய முயன்றும் சனகாதி முனிவர்களாகிய நால்வருக்கும் அஞ்ஞானம் நீங்கவில்லை. அதனால் அவர்கள் உன்னை அடைந்து உண்மைப் பொருளைக் கேட்டனர். அவர்கள் தெளிவு பெறுமாறு, கல்லால மர நிழலில் வீற்றிருந்து, அரிய அநுபூதி நிலையாகிய இரகசியத்தை, எவ்வாறு அவர்களுக்கு உணர்த்தி அருளினாய்? கூறுவாயாக.