திருஆலங்காடு-திருப்பழையனூர்

சிவபெருமான்‌ யான்‌ தூங்கும்‌ பொழுது என்‌ கனவில்‌ எழுந்தருளுவார்‌. தம்மைத்‌ தொழுமாறு செய்விப்பார்‌. உயிர்களுடைய முனைப்புக்‌ காலத்தில்‌ மறைந்திருப்பார்‌. அன்பு செய்யும்‌ காலத்தில்‌ என்‌ நெஞ்சம்‌ புகுந்து தம்மை நினையுமாறு செய்பவர்‌. நவஞானி என்ற பார்ப்பனியை அவள்‌ கணவன்‌ கொன்றான்‌. அவள்‌ அவனைப்‌ பழிவாங்க எண்ணி மறுபிறவியில்‌ அவன்‌ மனைவி போல்‌ நடித்து, அவனை வஞ்சித்துக்‌ கொன்றாள்‌. அவள்‌ கணவனுக்குப்‌ பிணை கொடுத்த இவ்வூரில்‌ வாழ்ந்த எழுபது வேளாளர்களும்‌ தீப்புகுந்து உயிர்‌ துறந்தனர்‌. (குறிப்புரையில்‌ முழு விபரம்‌ காண்க).

சிவபெருமான்‌ பிறப்பு இறப்புக்களை உயிர்களுக்குத்‌ தந்து அருளியவர்‌. அழிவற்ற வீட்டு நெறியை அடைதற்குரிய நெறிகளையும்‌ உயிர்கள்‌ அறியச்செய்தவரும்‌ அவரே. சிவபெருமான்‌ நம்மிலும்‌ வேறுபட்ட இயல்புடையவர்‌. இடுகாடு, சுடலை ஆகியவற்றை இடமாகக்‌ கொண்டவர்‌. இராப்பொழுதில்‌ பேய்க்‌ கணங்களோடு நடனமாடும்‌ பழையனூரைச்‌ சேர்ந்தவர்‌. இவர்‌ எம்‌ அடிகள்‌ ஆவார்‌.

சிவபெருமான்‌ மணம்‌ கமழும்‌ கொன்றை மலர்‌ மாலையைச்‌ சூடியவர்‌. தீயில்‌ நின்று ஆடி, சுடுகாட்டில்‌ வெந்த சாம்பலை உடல்‌ முழுதும்‌ விளங்கப்‌ பூசுபவர்‌. நம்மிலும்‌ அவர்‌ வேறுபட்ட இயல்பினர்‌. கொத்துக்‌ கொத்தாகப்‌ பூக்கள்‌ நிறைந்த இயற்கையாய்‌ வளர்ந்த காடுகளும்‌, வைத்து வளர்க்கப்பட்ட பூங்காக்களும்‌ (சோலைகளும்‌) இவ்வூரில்‌ உள்ளன. பாம்பின்‌ படம்‌ போலக்‌ காந்தன்‌ மலர்‌ மலர்ந்து விளங்கும்‌ அழகிய குளிர்ந்த பழையனூரைச்‌ சேர்ந்தவர்‌ எம்‌ அடிகளான திருவாலங்காட்டுச்‌ சிவபெருமான்‌.

சிவபெருமான்‌ இளம்பிறையைத்‌ தனது முடிமீது பொருந்தச்‌ சூடியவர்‌. தனக்கு வரும்‌ பழியை ஆராயாத இயமனது உயிரை வென்ற காலகாலராய இறைவர்‌ நம்‌ சிவபெருமான்‌. அவரே, அழகிய இயற்கைக்‌ காடுகளிலும்‌ சோலைகளிலும்‌ ஆண்‌ இள மயில்கள்‌ பெண்‌ மயில்களோடு கூடிக்‌ களித்து ஆரவாரிக்கும்‌ பழையனூரைச்‌ சேர்ந்த எம்‌ அடிகளான திருவாலங்காட்டுச்‌ சிவபெருமான்‌ ஆவார்‌.

சிவபெருமான்‌ தனது திருமுடியில்‌ இழுத்துச்‌ செல்லும்‌ வலிய கங்கை நதியைச்‌ சூடியுள்ளார்‌. இளம்பிறையை விழுங்க அதன்‌ வளர்ச்சியைப்‌ பார்த்திருக்கும்‌ பாம்பை அணிகலனாகப்‌ பூண்டுள்ளார்‌. நடனம்‌ ஆடிப்‌ பல்வேறு வேடங்களில்‌ தோன்றி அருள்புரிபவர்‌. கார்காலத்தில்‌ முல்லைக்‌ கொடிகள்‌ மலருகின்றன. அந்தக்‌ கொடிகள்‌ குருந்த மரத்தில்‌ ஏறிப்‌ படருகின்றன. அம்மலர்களில்‌ உள்ள தேனை உண்ண வரும்‌ கரிய வண்டுகள்‌ மலர்களை மொய்த்து ஆர வாரிக்கும்‌ இடமான பழையனூரைச்‌ சேர்ந்தவர்‌ எம் அடிகளான இருவாலங்காட்டுச்‌ சிவபெருமான்‌ ஆவார்‌.

சிவபெருமானைச்‌ சுற்றி உறையும்‌ பூதங்கள்‌ பறை, சிறுகுழல்‌, யாழ்‌ முதலிய கருவிகளை இயக்குகின்றன. இவர்‌ வேதங்களைப்‌ பாடிக்‌ கொண்டு மயானத்தில்‌ உறைகிறார்‌. பிறைச்சந்திரன்‌, பெருகிவரும்‌ கங்கை ஆகியவற்றை தம்‌ சடையில்‌ அணிந்துள்ளார்‌. அவரே பெண்‌ வண்டுகளோடு கூடிய ஆண்‌ வண்டுகள்‌ ஒலிக்கும்‌ சோலைகள்‌ சூழ்ந்த பழையனூரைச்‌ சேர்ந்த எம்‌ அடிகளான திருவாலங்காட்டுச்‌ சிவபெருமான்‌ ஆவார்‌.

சிவபெருமான்‌ நுட்பமான ஒலிக்கூறுகளை உடைய வேதங்களைப்‌ பாடியும்‌, ஆடியும்‌ வருபவர்‌. பல்வேறு திருஉருவங்களைக்‌ கொள்பவர்‌. தம்மோடு இணைந்த பார்வதி தேவியுடன்‌ இருவேறு உருவுடைய ஒருவராக இசைந்தவர்‌. தம்மை வணங்கும்‌ அடக்கமுடைய தொண்டர்கள்‌ நாள்தோறும்‌ பாடும்‌ வாழ்த்துக்களைக்‌ கேட்பவர்‌. தெய்வத்தன்மை மிகுந்து தோன்றும்‌ பழையனூரைச்‌ சேர்ந்த எம்‌ அடிகளான திருவாலங்காட்டுச்‌ தவபெருமான்‌ ஆவார்‌.

சிவபெருமான்‌ ஒப்பற்ற முப்புரங்களை அம்பும்‌ வில்லும்‌ தீயும்‌ கூடி கவர்ந்து உண்ணுமாறு எரித்தவர்‌ ஆவார்‌. அவரே பெண்மான்‌ அதன்‌ குட்டிகள்‌ மற்றும்‌ ஆண்மான்‌ ஆகியன இரவில்‌ சென்று ஒதுங்கும்‌ பழையனூரைச்‌ சேர்ந்த எம்‌ அடிகளான திருவாலங்காட்டுச்‌ சிவபெருமான்‌ ஆவார்‌.

முத்துக்கள்‌ பதித்த வீரக்கடகம்‌ அணிந்த தன்‌ கைகளால்‌ கயிலை மலையை நிலைகுலையுமாறு பெயர்த்தவன்‌ இராவணன்‌. அவனது தோள்‌ வலிமையைத்‌ தமது பவளம்‌ போன்ற கா ல்‌ விரல்‌ நுனியால்‌ மெல்ல ஊன்றி நெருக்கினார்‌ சிவபெருமான்‌. பின்னர்‌ அவனுக்கு இரங்கி அருள்புரிந்தவரும்‌ அவரே முல்லை க்‌ கொடிகள்‌ முல்லை நிலத்தின்மேல்‌ படர, நறவக்‌ கொடிகள்‌ மலர்களைப்‌ பூத்து விரித்து நிற்கும்‌ பழையனூரைச்‌ சேர்ந்தவர்‌ எம்‌ அடிகளான இருவாலங்காட்டுச்‌ சிவபெருமான்‌.

நான்முகனும்‌, திருமாலும்‌ பகல்‌, இரவு போன்ற வெண்மை மற்றும்‌ கருமை நிறம்‌ கொண்டவர்கள்‌. அவர்கள்‌ தங்களிடையே தந்தையும்‌ மகனும்‌ என்ற உறவு முறை கருதாது, யார்‌ பெரியவர்‌ என்பதில்‌ மாறுபட்டு நின்றனர்‌. அவர்கள்‌ இருவருக்கும்‌ இடையே எரியுருவாய்த்‌ தோன்றி ஓங்கி நின்றவர்‌ சிவபெருமான்‌. அவரே ஆகம நூல்களில்‌ சொல்லப்‌ பெற்ற வழிபாடுகளில்‌ தலைநிற்கும்‌ அடியவர்களை என்றைக்கும்‌ பாவம்‌ அணுகாத வண்ணம்‌ பாதுகாக்கும்‌ எம்‌ அடிகளான பழையனூர்‌ திருவாலங்காட்டுச்‌ சிவபெருமான்‌ ஆவார்‌.

புறச்சமயத்தார்‌ மாறுபட்ட சொற்களைப்‌ பேசுபவர்கள்‌. காலத்திற்கு ஏற்றவாறு உண்மையல்லாதவைகளைச்‌ சொல்லித்‌ திரிபவர்கள்‌. நன்மையல்லாதவற்றை உபதேசங்களாகக்‌ கூறுபவர்கள்‌. யானைத்தீ என்னும்‌ நோய்‌ வரும்‌ அளவும்‌ வெயிலிடை உண்டு திரிபவர்கள்‌. இவர்களைச்‌ சாராது அழிவற்ற ஆளுமையுடைய பழையனூர்‌ திருஆலங்காட்டுச்‌ சிவபெருமான்‌) தம்மைச்‌ சேர்ந்த அடியவர்களின்‌ வினைகள்‌ அகலுமாறு அவர்களுக்குப்‌ புரியும்படியாக உபதேசங்களைச்‌ செய்பவர்‌. அவரது ஆளுமை அழிவற்றது.

சந்தனம்‌ கமழும்‌ திருவீதிகளை உடைய சண்பைப்‌ பதியில்‌ தோன்றியவர்‌ ஞானசம்பந்தன்‌. . அழகிய தண்ணிய ஆலங்காட்டு வேந்தனாக விளங்கும்‌ சவபெருமான்‌ திருவருளாலே இதைப்‌ போற்றி விரித்து ஓதினார்‌. இந்தத்‌ திருப்பதிகத்தை பாட வல்லவர்கள்‌ அவர்கள்‌ சேர்ந்த இடமெல்லாம்‌ புனிதமானவைகளாய்ப்‌ பொருந்தப்‌ பெறுவர்‌.