1
வடந்திகழ் மென்முலை யாளைப் பாகம தாக மதித்துத்தடந்திரை சேர்புனல் மாதைத் தாழ்சடை வைத்த சதுரர்இடந்திகழ் முப்புரி நூலர் துன்பமொ டின்பம தெல்லாம்கடந்தவர் காதலில் வாழுங் கற்குடி மாமலை யாரே.
சொற்பிரிப்பு
வடம் திகழ் மென் முலையாளைப் பாகம் அது ஆக மதித்து,தடந் திரை சேர் புனல்மாதைத் தாழ்சடை வைத்த சதுரர்;இடம் திகழ் முப்புரி நூலர்;துன்பமொடு இன்பம் அது எல்லாம்கடந்தவர் காதலில் வாழும் கற்குடி மா மலையாரே.
உரை
சிவபெருமான், திருக்கற்குடி மாமலையை விரும்பி அதன்கண் வாழும் இறைவர் ஆவார். முத்துவடம் விளங்கும் மெல்லிய தனங்களை உடைய உமையம்மையை மதித்து இடப்பாகமாகக் கொண்டவர். பெரிய அலைகள் வீசும் கங்கை நங்கையை தாழ்கின்ற சடைமிசை வைத்துள்ள சதுரப்பாடு உடையவர். திருமேனியில் விளங்கும் முப்புரி நூலை அணிந்தவர். இன்ப துன்பங்களைக் கடந்தவர்.