1
கணைநீடெரி மாலர வம்வரை வில்லாஇணையாஎயில் மூன்றும் எரித்த இறைவர்பிணைமாமயி1 லுங்குயில் சேர்மட அன்னம்அணையும்பொழில் அன்பிலா லந்துறை யாரே.பாடம் : 1பிணையா மயிலுங்
சொற்பிரிப்பு
கணை நீடு எரி, மால், அரவம், வரை வில்லா,இணையா எயில் மூன்றும் எரித்த இறைவர்பிணை மா மயிலும், குயில், சேர் மட அன்னம்,அணையும் பொழில் அன்பில் ஆலந் துறையாரே.
உரை
சிவபிரான், ' நீண்டு எரிகின்ற தீயையும், திருமாலையும் அம்பாகக் கொண்டு பூட்டினார். அவர் வாசுகி, என்னும் பாம்பை நாணாக் கட்டினார். மேரு மலையை வில்லாக வளைத்து முப்புரங்களையும் பெருமான் எரித்தார். தத்தம் பெடைகளோடு கூடிய பெரிய மயில்களும், குயில்களும் சேர்ந்தும் மற்றும் அன்னங்களும் உறையும் பொழில் சூழ்ந்த அன்பிலாலந்துறையில் சிவபிரான் விளங்குகிறார்.