1
விழுநீர்மழு வாள்படை அண்ணல் விளங்கும்கழுநீர் குவளைம்மல ரக்கயல் பாயும்கொழுநீர்வயல் சூழ்ந்த குரங்கணில் முட்டம்தொழுநீர்மையர் தீதுறு துன்ப மிலரே.
சொற்பிரிப்பு
விழுநீர், மழுவாள் படை, அண்ணல் விளங்கும்கழுநீர் குவளை மலரக் கயல் பாயும்கொழுநீர் வயல் சூழ்ந்த குரங்கணில் முட்டம்தொழும் நீர்மையர் தீது உறு துன்பம் இலரே.
உரை
சிவபிரான், பெருமைக்குரிய கங்கையை முடிமிசை அணிந்தவர். மழுவாட் படையைக் கையில் ஏந்தியவர். அவர் உறைவது திருக்குரங்கணில் முட்டம் ஆகும். அத்தலம் கழுநீர், குவளை ஆகியன மலர்ந்தும், கயல்மீன்கள் துள்ளுமாறும் விளங்கும் நீர் நிலைகளை உடையது; செழுமையான வயல்களால் சூழப்பட்டது. இத்தனை சிறப்பு வாய்ந்தது திருக்குரங்கணில்முட்டம் ஆகும். இத்தலத்தைத் தொழுபவர் இம்மையால் வரும் துன்பம் இல்லாதவர்கள் ஆவார்கள்.