திருநறையூர்ச்சித்தீச்சரம்

என்னுடைய நெஞ்சே! சிவபிரான்‌, ஊர்கள்தோறும்‌ உலாவுவதால்‌ கிடைக்கும்‌ உணவைப்‌ பெற்றுக்‌ கொள்கிறார்‌. உலக மக்கள்‌ போற்றி வழிபடக்‌ கங்கைநீரைத்‌ தம்‌ திருமுடியில்‌ ஏற்றுள்ளார்‌. கங்கை நீர்‌ உலாவுகின்ற திருமுடியானது மேல்நோக்கிய சிவந்த முடியாக உள்ளது. திருநறையூரில்‌ விளங்கும்‌ சித்தீச்சரத்தல்‌ தலைமைத்‌ தன்மையுள்ள சிவபிரான்‌ எழுந்தருளி இருக்கிறார்‌. அந்த நகரில்‌ சீருடைய மறையவர்கள்‌ வாழ்கின்றனர்‌. இவற்றை உணர்ந்து நெஞ்சே திருநறையூர்ச்‌ சித்தீச்சரத்தைச்‌ சென்றடைவாயாக.

நெஞ்சே! சிவபிரான்‌, காட்டின்௧ண்‌ முனிவர்‌ குடில்களிலும்‌, நாட்டின்கண்‌ இல்லறத்தார்‌ வீடுகளிலும்‌ விரும்பிப்‌ பலி ஏற்கிறார்‌. ஓடிவரும்‌ கங்கை தங்கிய ஒளிவீசும்‌ சிவந்த சடைகள்‌ தாழக்‌ காட்டி அருளுகிறார்‌. வினைவயத்தால்‌ வந்த உடலை விடுத்து, முத்திப்‌ பேற்றை அடைய விரும்பும்‌ அந்தணர்கள்‌ திருநறையூரில்‌ வாழ்கின்றனர்‌. அவ்வகைப்பட்ட திருநறையூரில்‌ புகழால்நீடிய சித்சீச்சரத்தில்‌ விளங்கும்‌ பெருமானை நினைவாயாக.

என்னுடைய நெஞ்சமே! திருநறையூர்‌ பொன்னையும்‌ தீயையும்‌ ஒத்த திருமேனியை உடைய சிவபிரானுடைய ஊர்‌. அந்தச்‌ சிவபிரான்‌ கங்கை தங்கும்‌ முறுக்கேறிய சிவந்த சடையினை உடையவராய்‌ விளங்குகிறார்‌. மேலும்‌, திருநறையூர்‌ கல்வியாளர்‌ நிறைந்ததாய்‌ விளங்குகிறது. திங்கள்‌ தங்கும்‌ பொழில்கள்‌ சூழ்ந்ததாய்‌ விளங்குகிறது. அவ்வூரில்‌ செல்வர்‌ வணங்கும்‌ சித்தச்சரத்தைச்‌ சென்றடைவாயாக.

நெஞ்சே! சிவபிரான்‌ மேல்நோக்கி நீண்டு வளரவல்ல செஞ்சடைகள்‌ தாழுமாறு ஆடுதலில்‌ வல்ல அடிகள்‌ ஆவார்‌. திருநறையூரில்‌ பாடுதலில்‌ வல்ல வண்டுகள்‌ நிறைந்து வாழும்‌ வளமான சோலைகள்‌ உள்ளன. அவ்வகைப்பட்ட திருநறையூரில்‌ சிவபிரான்‌ விரும்பி உறைகிறார்‌. அங்கு சித்தீச்சரத்தைத்‌ தெளிவாயாக.

நெஞ்சே! சிவபிரான்‌ தேவர்களாலும்‌, உலகிடை வாழும்‌ மக்களாலும்‌ தனது பெருமை அளவிட்டுக்‌ கூறுதற்கு அரியவர்‌. அவருடைய ஊர்‌ திருநறையூர்‌. அங்கு நட்புத்‌ தன்மையில்‌ மேம்பட்ட மறையவர்கள்‌ வாழுகின்றனர்‌. அந்தத்‌ திருநறையூரில்‌, சிவபிரான் ‌ எழுந்தருளிய செம்பொன்‌ மயமான சித்தீச்சரத்தையே தெளிவாயாக.

சிவபிரான்‌, கூர்மைமிக்க சூலப்படையை உடையவன்‌. அவன்‌ விடைமீது ஏறிப்‌ போருக்குப்‌ பயன்படும்‌ மழுவாயுதத்தை ஏந்தியுள்ளான்‌. அனல்மீது நின்றாடுகிறான்‌. ஏழுலகிலும்‌ தன்புகழ்‌ விளங்க நிற்கிறான்‌. பெருமைமிக்க அந்தச்‌ சிவபிரான்‌ திருநறையூரில்‌ விளங்கும்‌ சித்தீச்சரமே நாம்‌ வழிபடுவதற்குரிய இடமாகும்‌.

நெஞ்சே! சிவபெருமான்‌ தன்னோடு வேறுபட்டு நிற்கும்‌ அவுணர்களின்‌ முப்புரங்களையும்‌ எய்தழித்தவன்‌. அந்த வெற்றியோடு கூடிய வில்லை உடையவன்‌. குற்றமற்றவன்‌. அவன்‌ விரும்பும்‌ ஊர்‌ திருநறையூர்‌. அது மணம்‌ நிலைபெற்று வீசும்‌ பொது மன்றங்களை உடையது. திருநறையூருக்குச்‌ சென்று, அங்குப்‌ பெருமான்‌ எழுந்தருளிய சித்தீச்சரத்தைத்‌ தெளிந்து வழிபடுக.

நெஞ்சே! சிவபிரான்‌ இராவணனுடைய வலிமை கெடுமாறு கால்விரலை ஊன்றி கயிலை மலையால்‌ அடர்த்தவன்‌. அவன்‌ விரும்புவதும்‌, பரவிய புகழார்‌ வாழ்வதும்‌ ஆகிய திருநறையூரில்‌ விளங்கும்‌ சிவபிரானது சித்தீச்சரத்தைத்‌ தெளிவாயாக.

நெஞ்சே! சக்கராயுதத்தை உடைய திருமாலும்‌, மலரின்‌ மேல்‌ உறையும்‌ நான்முகனும்‌ சிவபிரானை உணரவில்லை. ஓர்‌ ஊழிக்காலம்‌ அளவும்‌ திரிந்தனர்‌. சுற்றும்‌ முற்றும்‌ மேலும்‌ கீழுமாய்த்‌ தேடினர்‌. சிவபிரான்‌ எரியுருவாய்‌ ஓங்கி நின்றார்‌. அவருடைய சிறப்புமிக்க இடமாகிய திருநறையூர்ச்‌ சித்தீச்சசத்தை நினைவாய்‌.

சமணர்கள்‌ உடம்பில்‌ அழுக்கு உடையவர்கள்‌. விரித்துக்‌ கட்டும்‌ நுண்ணிய ஆடைகளை அணியாதவர்கள்‌. கைகளில்‌ பலியேற்று உண்டு திரிபவர்கள்‌. அவர்கள்‌ இடித்துக்கூறும்‌ உரைகளைக்‌ கொள்ளாதீர்‌. நீர்‌ இப்பிறப்பில்‌ உய்திபெற விரும்பினால்‌ சிவபிரான்‌ எழுந்தருளிய திருநறையூரில்‌ செய்தமைத்த €சித்தீச்சரத்தைச்‌ சென்று வழிபடுமின்‌. அதுவே சிறந்த தவமாம்‌.

திருநறையூரில்‌ வாய்மையே பேச வாழும்‌ மறையவர்கள்‌ இருக்கிறார்கள்‌. அங்குச்‌ சித்தன்‌ என்ற திருநாமத்தோடு சிவபிரான்‌ விளங்குகிறார்‌. மேலான காழிமாநகரில்‌ விளங்கும்‌ சிவபபிரானுடைய திருப்பாதங்களைத்‌ தமது திருமுடிக்கு அணியாகக்‌ கொண்ட ஞானசம்பந்தன்‌ மேலான சித்தீச்சரத்தைப்‌ பாடிய இத்திருப்பதிகப்‌ பாடல்கள்‌ பத்தையும்‌ பாடிப்‌ பரவினால்‌ பாவங்கள்‌ நீங்கும்‌.