திருச்செம்பொன்பள்ளி

சிவபெருமான்‌, மணம்‌ பொருந்திய கூந்தலை உடையவளாகிய பார்வதி தேவியை ஒரு பாகமாய்‌ உடையவர்‌. கருநீலம்‌ பொருந்திய கழுத்தை உடைய சிவபிரான்‌, திருமகள்‌ வாழும்‌ செம்பொன்பள்ளி என வழங்கும்‌ திருத்தலக்‌ கோயிலில்‌ எழுந்தருளியுள்ளார்‌. அவருடைய திருவடிகளை வணங்கி, அவற்றைத்‌ தம்‌ மனத்தே பொருந்த வையாதவரைப்‌ பாவங்கள்‌ பற்றும்‌.

சிவபெருமான்‌, கச்சணிந்த தனங்களை உடைய உமையம்மையை ஒருபாகமாக உடையவர்‌. அழகிய முறுக்கேறிய சடைமுடியை உடைய எம்‌ ஈசனாகிய சிவபிரான்‌, சிறப்புப்‌ பொருந்திய செம்பொன்பள்ளியில்‌ எழுந்தருளியுள்ளார்‌. அந்தச்‌ சிவபிரானைச்‌ சென்று வணங்கி இடைவிடாது மனத்தில்‌ நினையாதவர்களிடம்‌ வினைகள்‌ சென்று சேரும்‌.

சிவபிரான்‌, செம்பொன்பன்னியில்‌ எழுந்தருளியுள்ளார்‌. செம்பொன்பள்ளி பொன்னி நதிக்கரையில்‌ அமைந்துள்ளது. மலைகளில்‌ செழித்து வளர்ந்த சந்தன ‌மரங்களோடு, அகில்‌ மரங்களையும்‌ பொன்னி நதி அடித்துக்‌ கொண்டு வந்து, கரையில்‌ இருக்கும் செம்பொன்பள்ளியில் சேர்க்கும். அத்தகைய வளம் பொருந்திய அந்த ஊரில் எழுந்தருளியிருக்கும்‌ சிவபிரான்‌ வெண்ணிறம்‌ பொருந்திய விடை ஒன்றில்‌ ஊர்ந்து வருகிறான்‌. அவனுடைய புகழை உரையாதவர்களைப்‌ பற்றியுள்ள குற்றங்கள்‌ ஒழியா.

செம்பொன்பன்ளியில்‌ எழுந்தருளிய சிவபெருமான்‌ மழுவாள்‌ ஏந்தியும்‌, உமையொரு பாகனாகவும்‌, காட்சி தருகிறான்‌. அந்த ஊர்‌ வளம்‌ பொருந்தியது. மேலும், சிவபிரான்‌ அழகு பொருந்தியதும்‌, முறுக்கேறியதுமான சிவந்த சடைமுடியை உடையவனாகவும்‌ இருக்கிறான்‌. அவ்வகைப்பட்ட எம்‌ இறைவனைத்‌ தொழுபவர்களுக்குத்‌ துயரம்‌ இல்லை.

செம்பொன்பள்ளியில்‌ விளங்கும்‌ சிவபிரான்‌ மலையரையன்‌ மகளாகிய பார்வதி தேவி உடனாய்க்‌ காட்சி தருகிறான்‌. அவன்‌ அசுரர்களின்‌ மும்மதில்களை எய்து அழித்த மலை வில்லை உடையவன்‌. அந்தச்‌ சிவபிரானையே இலைகளையும்‌ மலர்களையும்‌ கொண்டு இரவிலும்‌, நண்பகலிலும்‌, வேறொன்றிலும்‌ மனம்‌ சென்று பற்றாது, அவனிடமே சென்று நிலைத்து நிற்குமாறு வணங்குவார்மேல்‌ வினைகள்‌ நில்லா.

பொன்னியாற்றங்கரையில்‌ அமைந்த செம்பொன்பள்ளியில்‌ சிவபெருமான்‌ எழுந்தருளியுள்ளான்‌. அந்த ஆறு, பாறைகளில்‌ பொருந்திவரும்‌ நீரில்‌ அகில்‌ மரங்களை அடித்து வந்து கரைசேர்க்கும்‌. அங்கு எழுந்தருளிய சிவபிரான்‌ விடக்கறை பொருந்திய கழுத்தை உடைய ஈசன்‌, அவனுடைய திருவடிகளை மன ஒருமைப்பாட்டோடு வணங்க, வினைகள்‌ நில்லா.

சிவபிரான்‌, அரவின்படம்‌ போன்ற அழகிய அல்குலை உடைய உமையம்மையைப்‌ பாகமாக உடையவன்‌. அவன்‌ வயல்கள்‌ சூழ்ந்த செம்பொன்பள்ளியில்‌ வீற்றிருக்கிறான்‌. கையில்‌ பொருந்திய சூலத்தை ஏந்தி விளங்கும்‌ சிவபிரானை, உடம்பால்‌ வணங்க வினைகள்‌ மேவா.

சிவபிரான்‌, இனிமை பொருந்திய செம்பொன்பள்ளியில்‌ எழுந்தருளியுள்ளான்‌. அவன்‌ வானத்தில்‌ விளங்கும்‌ பிறைமதியை வளர்ந்துள்ள தன்னுடைய சிவந்த சடைமீது வைத்துள்ளான்‌. சிவபிரான்‌, புலால்‌ பொருந்திய பிரமனுடைய தலையோட்டில்‌ பலியேற்று உழல்வதையே தன்‌ வாழ்வின்‌ தொழிலாகக்‌ கொண்டவன்‌. அந்தச்‌ சிவபிரான்‌ திருவடிகளையே அடைந்து வாழ்வீர்களாக.

செம்பொன்பள்ளியில்‌ சிவபிரான்‌ இனிது அமர்ந்துள்ளான்‌. நீலமேகம்‌ போன்ற நிறழமுடையோனாகிய திருமாலும்‌, பொன்னிற மேனியனாகிய பிரமனும்‌ தேடிக்‌ காண முடியாதவனாகிய சிவபிரான்‌ அங்கு உள்ளான்‌. குற்றமற்ற எம்‌ இறைவன்‌ கங்கை அணிந்ததும்‌, நிமிர்ந்து கட்டியதுமான சிவந்த முடியை உடையவன்‌. அவனை மனம்‌ உருகித்‌ தியானிக்காதவர்கள்‌ மேல்‌ உளதாகும்‌ குற்றங்கள்‌ நீங்கா.

அழுக்கேறிய உடலினராகிய சமணரும்‌, மண்டை என்ற உண்கலத்தை ஏந்தித்‌ திரிபவர்களாகிய பெளத்தர்களும்‌ பேசக்‌ கூடாதவைகளைப்‌ பேசித்‌ திரிகின்றனர்‌. ஆனால்‌, பக்தர்களான அன்பர்கள்‌ ஒளிபொருந்திய செம்பொன்பன்னியில்‌ மேவிய ஈசா!” என்று கூற, அவர்களுடைய இடர்கள்‌ பலவும்‌ நில்லா.

ஞானசம்பந்தன்‌ தேன்நிறைந்த பொழில்களால்‌ சூழப்பட்ட புகலிப்பதியில்‌ தோன்றியவர்‌. வயல்கள்‌ சூழ்ந்த செம்பொன்பள்ளி சிவபிரான்‌ அருளைப்‌ பெறுமாறு பதிகப்பாடல்களைப்‌ பாடினார்‌. இப்பதிகப்‌ பாடல்கள்‌ பத்தையும்‌ இசையோடு தமக்கு வந்த அளவில்‌ ஓதவல்லவர்கள்‌ ஓங்கி வாழ்வர்‌.