1
மடையில் வாளை பாய மாதரார்குடையும் பொய்கைக் கோலக் காவுளான்சடையும் பிறையுஞ் சாம்பற் பூச்சுங்கீழ்உடையுங் கொண்ட வுருவ மென்கொலோ.
சொற்பிரிப்பு
மடையில் வாளை பாய, மாதரார்குடையும் பொய்கைக் கோலக்கா உளான்சடையும், பிறையும், சாம்பல் பூச்சும், கீள்உடையும், கொண்ட உருவம் என்கொலோ?
உரை
நீரைத் தேக்கி வெளியிடும் மடையில் வாளைமீன்கள் துள்ளிப் பாயுமாறு, பெண்கள் கையால் குடைந்து நீராடுகின்ற வளமான பொய்கைக் கரையில் அமைந்துள்ளது திருக்கோலக்கா. அந்தத் திருக்கோலக்காவில் எழுந்தருளியுள்ள சிவபிரான் சடைமுடியையும் அதன்கண் பிறையையும் கொண்டிருக்கிறான். திருமேனி முழுவதும் திருநீற்றுப் பூச்சையும், இடையில் ஆடையாகக் கோவண உடையையும் கொண்ட உருவம் உடையவனாக இருப்பது ஏனோ?