திருநெய்த்தானம்

சிவபெருமான்‌ கருநிறம்‌ அமைந்த கண்டத்தை உடையவன்‌. மலை மகளாகிய பார்வதியை இடப்பாகமாகக்‌ கொண்டவன்‌. துதிக்கையோடு கூடியதாய்த்‌ தன்னை எதிர்த்து வந்த அழிவற்ற புகழ்‌ பெற்ற யானையைக்‌ கொன்று அதன்‌ தோலைப்‌ போர்த்த தன்னொப்பார்‌ இல்லாத்‌ தலைவன்‌. வயல்களில்‌ முளைத்த குவளை மலர்போலும்‌ கண்களை உடைய உமையம்மையோடும்‌ நெய்யாடிய பெருமான்‌ என்ற திருப்பெயரோடும்‌ விளங்கும்‌ இடமாகிய நெய்த்தானம்‌ என்ற திருப்பெயரைச்‌ சொல்வீராக

திருநெய்த்தானம்‌ காவிரியின்‌ வடகரையில்‌ உள்ளது. . ஆரவாரத்துடன்‌ வரும்‌ நதியின்‌ அலைகள்‌ இங்கு வந்து மோதுகின்றன. சிவபெருமான்‌, தன்‌ சடையில்‌ சந்திரன்‌, கங்கை, பாம்பு இவைகளைக்‌ கொண்டுள்ளான்‌. இவன்‌ எழுந்தருளி இருப்பது நெய்த்தானம்‌. மனத்தைக்‌ கற்பு நெறியில்‌ நிறுத்தும்‌ நிறை குணத்துடன்‌ தம்மை ஒப்பனை செய்து கொள்ளும்‌ மகளிர்‌: இங்கு விளங்குகின்றார்கள்‌. நெய்த்தானம்‌ என்ற ஊரின்‌ பெயரைச்‌ சொல்லுமின்‌. உங்கள்‌ மீதுள்ள பழி நீங்கும்‌. பாவங்கள்‌, துன்பங்கள்‌ அனைத்தும்‌ தீரும்‌.

சிவபெருமான்‌ பேய்கள்‌ பாட, நடனம்‌ ஆடிய பெரியோன்‌. மூங்கில்‌ போலத்‌ திரண்ட தோள்களை உடைய உமையம்மைக்குத்‌ தன்‌ திருமேனியின்‌ ஒரு பாகத்தை வழங்கியவன்‌. அனைத்து உலகங்களிலும்‌ வாழும்‌ உயிர்களை நிலைபேறு செய்தருளும்‌ தாய்‌ போன்ற தலைவன்‌. அன்பர்களின்‌ அன்பு நீரில்‌ ஆடுபவன்‌. இவன்‌ எழுந்தருளிய நெய்த்தானம்‌ என்ற திருப்பெயரைப்‌ பலகாலும்‌ சொல்லுவீராக.

சிவபெருமான்‌ சுடப்பட்ட திருநீற்றை அணியும்‌ தலைமையானவன்‌. ஒளி பொருந்திய திரிசூலம்‌, நெருப்பு ஆகியவற்றைக்‌ கைகளில்‌ ஏந்தியவன்‌. இருள்‌ செறிந்த இரவின்‌ நடு யாமத்தில்‌ நடனம்‌ ஆடும்‌ நம்பன்‌. கொடிய ஒளி பொருந்திய இளைய வாசுகியாகிய பாம்பு உமிழ்ந்த நஞ்சோடு, கடலில்‌ தோன்றிய நஞ்னை உண்டவன்‌. இவன்‌ உறையும்‌ இடம்‌ நெய்த்தானம்‌. இங்கு நீண்ட வாளை மீன்கள்‌ துள்ளி விளையாடும்‌ நீர்வளம்‌ மிக்க குளங்கள்‌ உண்டு. இந்த நெய்த்தானம்‌ என்ற ஊரின்‌ பெயரைச்‌ சொல்லுவீராக.

திருநெய்த்தானத்தில்‌ ஓடுகின்ற காவிரி நதி, நுகரத்தக்க பொருளாகிய சந்தனம்‌, ஏலம்‌, மணி, செம்பொன்‌ ஆகியவற்றை நுரையோடு உந்தி விலை பகர்வது போல ஆரவாரித்து வருகின்றது. காவிரி நதி பரவிப்‌ பணிந்து ஏத்துவது போல, ஒரு வகையான மணலையும்‌ தன்‌ கரையில்‌ கொண்டு வந்து சேர்க்கிறது. இவ்வாறு விளங்குகின்ற நெய்த்தானத்துக்‌ கோயிலில்‌ அருள்புரிகின்ற சிவபிரான்‌ திருவடிகளை ஏத்தத்‌ துன்பங்கள்‌ நம்மை அடையா.

இடபக்‌ கொடியை உடைய அண்ணலும்‌, வெள்ளெலும்பு மாலையும்‌, மணம்‌ கமழும்‌ மலர்‌ மாலையும்‌ சடைமேல்‌ அணிந்தவனும்‌ ஆகிய சிவபிரான்‌ மேவியதும்‌, அருகில்‌ உள்ள கண்ணிகளிலும்‌ வாய்க்கால்களிலும்‌ வரும்‌ நீர்பாயும்‌ வயல்களும்‌ பொழில்களும்‌ சூழ்ந்ததும்‌ ஆகிய நெய்த்தானம்‌ என்னும்‌ தலத்தை அடையாதவர்‌ எக்காலத்தும்‌ வீட்டுலகம்‌

பொருள்‌: திருநெய்த்தானத்தில்‌ உள்ள வயல்கள்‌ பயிர்‌ செழித்து வளர்வதால்‌ ஒளி நிறைந்து விளங்குகின்றன. மணம்‌ கமழும்‌ சோலைகள்‌ அங்கு நிறைந்து உள்ளன. இத்தலத்தில்‌ தழல்‌ உருவில்‌ விளங்குபவனும்‌, அனலைத்‌ தன்‌ கையில்‌ ஏந்தியவனும்‌, அழகிய வீரக்‌ கழல்களை அணிந்தவனும்‌ ஆகிய சிவபெருமான்‌ எழுந்தருளியுள்ளான்‌. இப்பெருமானுடைய திருவடிகளை நாள்‌ தோறும்‌ தவறாமலும்‌, மறவாமலும்‌ தொழுதலை உடைய அடியவர்‌ எந்நாளும்‌ துயரின்றி மற்றவர்களால்‌ தொழத்தக்க நிலையினராவர்‌.

ஓசை கெழுமிய கடல்‌ சூழ்ந்த இலங்கை மன்னனாகிய இராவணன்‌, அழகிய கயிலாய மலையை தன்‌ இருபது முன்‌ கரங்களாலும்‌ பெயர்த்துத்‌ தள்ளி வைக்க முயன்றான்‌. சிவபிரான்‌ தன்‌ கால்‌ விரலால்‌ உச்சி மலையின்‌ மீது சிறிது அழுத்தினான்‌. இராவணனது இருபது தோள்களும்‌ நெறிய வருந்தினான்‌. நீர்‌ நிறைந்த நெய்த்தானத்து பெருமானது விளங்கும்‌ திருவடிகளை இராவணன்‌ பரவி வாழ்த்தி வணங்கினான்‌. சிவபிரான்‌ அவனுக்கு முயற்‌ கறையை உடைய சந்திரனின்‌ பெயரைப்‌ பெற்ற ’சந்திரகாசம்‌‘ என்ற வாளைக்‌ கொடுத்தருளினான்‌. அப்பெருமான்‌ திருவடிகளை ஏத்துதலே ஒருவற்கு அடையத்தக்க கதியாகும்‌.

அழகிய முடியை உடைய திருமாலும்‌, கொய்யத்தக்க தாமரை மலர்‌ மேல்‌ விளங்கும்‌ நான்முகனும்‌, தன்‌ இயல்பை அறிதற்கியலாத நிலையில்‌ ஒளிவடிவாய்த்‌ திகழ்ந்த நெய்த்தானப்‌ பெருமானை விடியற்‌ பொழுதிலே நீராட்டி மலர்‌ சூட்டித்‌ தொழுதேத்தும்‌ உலகு புகழ்‌ அடியவருடைய உடம்பினை மிக்க நோய்கள்‌ துன்பம்‌ செய்ய மாட்டா.

சித்தத்தில்‌ செருக்குடையவரும்‌, சிறிதும்‌ மதியில்லாதவரும்‌ ஆகிய சமணர்களும்‌, புத்தர்களும்‌ கூறும்‌ பொருளற்ற உரைகளை ஒரு பொருளாக நினையாதீர்‌. நாள்தோறும்‌ நாம்‌ பழகி வழிபடுமாறு, குற்றமற்ற சிவபிரான்‌ உறையும்‌ நெய்த்தானத்தை வணங்கிப்‌ போற்றும்‌ சித்தத்தை உடைய அடியவர்‌ உடலைத்‌ துன்புறுத்தும்‌ நோய்கள்‌ அடையா.

தலங்களில்‌ சிறந்த புனல்‌ சூழ்ந்த காழிப்பதியுள்‌ தோன்றிய தமிழ்‌ ஞானசம்பந்தன்‌ உலகெங்கும்‌ பரவிய புகழால்‌ மிக்க நெய்த்தானத்துப்‌ பெருமான்மீது பாடிய ஒப்பற்ற பயன்கள்‌ பலவற்றைத்‌ தரும்‌ பாடல்களாகிய இவற்றைக்‌ கற்றுப்‌ பலகாலும்‌ பரவ வல்லவர்‌ சீலம்‌ நிறைந்த செல்வன்‌ அடியாகிய சிவகதியைச்‌ சேர்வர்‌.