1
வானிற்பொலி வெய்தும்மழை மேகங்கிழித் தோடிக்கூனற்பிறை சேருங்குளிர் சாரற்கொடுங் குன்றம்ஆனிற்பொலி யைந்தும்மமர்ந் தாடியுல கேத்தத்தேனிற்பொலி மொழியாளொடு மேயான்திரு நகரே.
சொற்பிரிப்பு
வானில் பொலிவு எய்தும் மழை மேகம் கிழித்து ஓடி,கூனல் பிறை சேரும் குளிர் சாரல் கொடுங்குன்றம்ஆனில் பொலி ஐந்தும் அமர்ந்து ஆடி, உலகு ஏத்த,தேனின் பொலி மொழியாளொடும் மேயான் திரு நகரே.
உரை
வளைந்த பிறைச் சந்திரன் வானின்கண் விளங்கும் மழை மேகங்களைக் கிழித்து ஓடிச் சென்று சேரும் குளிர்ந்த சாரலை உடையது கொடுங்குன்றம். இது, பசுவிடம் விளங்கும், பால், நெய், தயிர், கோமயம், கோசலம் ஆகிய ஐந்து பொருள்களையும் மகிழ்ந்து ஆடி (அபிஷேகித்துக் கொண்டு) உலகம் போற்றத் தேன் போலும் மொழியினைப் பேசும் உமையம்மையோடு சிவபிரான் மேவிய திருத்தலமாகும்.