1
மத்தாவரை நிறுவிக்கடல் கடைந்தவ்விடம் உண்டதொத்தார்தரு மணிநீள்முடிச் சுடர்வண்ணன திடமாம்கொத்தார்மலர் குளிர்சந்தகில் ஒளிர்குங்குமங் கொண்டுமுத்தாறுவந் தடிவீழ்தரு முதுகுன்றடை வோமே.
சொற்பிரிப்பு
மத்தா வரை நிறுவி, கடல் கடைந்து, அவ் விடம் உண்டதொத்து ஆர்தரு மணி நீள் முடிச் சுடர் வண்ணனது இடம் ஆம்கொத்து ஆர் மலர், குளிர் சந்து, அகில், ஒளிர் குங்குமம், கொண்டுமுத்தாறு வந்து அடி வீழ்தரு முதுகுன்று அடைவோமே.
உரை
பொருள்: தேவர்கள் எல்லோரும் கூடி மந்தர மலையை மத்தாக நட்டுக் கடலைக் கடைந்தபோது கொடிது எனக் கூறப்பெறும் ஆலகால விடம் தோன்ற அதனை உண்டவன் சிவபெருமான். அவன், தன் அழகிய நீண்ட சடைமுடியில் பூங்கொத்துக்களைச் சூடியவன். அவன் எரிசுடர் வண்ணன். அவன் எழுந்தருளிய இடம் திருமுதுகுன்றம் ஆகும். மலர்க் கொத்துக்கள், குளிர்ந்த சந்தனம், அகில், ஒளி தரும் குங்கும மரம் ஆகியவற்றைத் தன் அலைக்கரங்களால் ஏந்திக் கொண்டு வந்து மணிமுத்தாறு நதி திருமுதுகுன்றத்தில் அடிவீழ்ந்து வணங்குகின்றது. அதனை நாம் அடைவோமாக.