திருஅண்ணாமலை

நமது முழுமுதற்‌ பொருளாகிய சிவபெருமான்‌, உண்ணாமுலை என்னும்‌ தருப்பெயருடைய உமையம்மையாரோடு உடனாக எழுந்தருளியவர்‌. தம்‌ இடப்பாகம் முழுவதும்‌ பெண்ணாடகியவர்‌. அவரது மலை திருஅண்ணாமலை. இம்மலையில்‌ இருந்து அருவிகள்‌, சுடர்விடுகன்ற மணிகளைத்‌ தாங்கிக்‌ கொண்டு பேரிரைச்சலோடு மண்ணை நோக்கி வருகின்றன. சிறார்கள்‌ பேசும்‌ பொருள்‌ புரியாத மழலை ஒலியோடு, முழவு ஒலியும்‌ சேர்ந்து ஒலிக்கின்ற ஒலி போல அமைகின்றது அந்த அருவியின்‌ பேரிரைச்சல்‌. இத்தனை சிறப்பு வாய்ந்த திருஅண்ணாமலையைத்‌ தொழுவார்களுடைய வினைகள்‌ தவறாது கெடும்‌.

ஆண்‌ குரங்குகள்‌, மாமரங்களின்‌ கிளைகளை வளைத்து, கனிகளை உண்டபின்‌, அக்கிளைகளை விட்டு விடுகின்றன. அக்கொம்புகள்‌ வேகமாக மேலே செல்லும்போது, அதுசமயம்‌, தவழ்ந்து செல்லும்‌ மழை மேகங்கள்மீது கிளைகள்‌ தீண்டுகின்றன. அவ்வாறு தீண்டுவதால்‌ சிறிய நுண்ணிய மழைத்‌ துளிகள்‌ மலைப்‌ பாறைகளில்‌ சிதறுகின்றன. இதைக்‌ கண்ட காட்டுப்‌ பசுக்கள்‌ மழை எனக்‌ கருதி, மரங்களின்‌ அடியில்‌ போய்ச்‌ சேருகின்றன. இத்துணை செழிப்பு வாய்ந்த அண்ணாமலை இறைவனின்‌ அழகிய மலர்‌ போன்றனவும்‌, வீரக்கழல்‌ அணிந்தனவுமான சிவந்த திருவடிகளை நினைவார்‌ வினை இலராவர்‌.

அண்ணாமலையில்‌ சோலைகள்‌ சூழ்ந்துள்ள இடங்களில்‌ தோகைகளோடு கூடிய ஆண்‌ மயில்கள்‌ பெண்‌ மயில்களோடு உறைகின்றன. மூங்கில்கள்‌ சூல்கொண்டு முத்துக்களை உதிர்க்கின்றன. விரிந்த மலைப்‌ பகுதிகளில்‌ நீர்த்துளிகளோடு கூடிய மழை மேகங்கள்‌ தவழ்ந்து செல்லுகின்றன. காலனைக்‌ காலால்‌ கடிந்த இறைவனின்‌ அந்த திருவடிகளைத்‌ தொழுவார்‌ புகழ்‌ பெறுவர்‌.

பிரம்மாவின்‌ உடலில்‌ இருந்து பிரிக்கப்பட்ட மயிர்நீங்கிய வெண்மையான தலை ஓட்டை, சிவபெருமான்‌ தனது உண்கலமாகக்‌ கொண்டு உலகெலாம்‌ திரிந்து பலியை ஏற்று வருகிறான்‌. அவன்‌ எருதின்மீது ஏறி வருகிறான்‌. முதிர்ந்த தன்‌ சடை முடியின்மீது வெண்‌ பிறையைச்‌ சூடி உள்ளான்‌. அவன்‌ திருவடிகளில்‌ அதிரும்‌ வீரக்கழல்கள்‌ விளங்குகின்றன. அவனுக்குரிய இடம்‌ திருஅண்ணாமலை ஆகும்‌.

திருஅண்ணாமலையில்‌ வெண்மையான அருவிகள்‌, பறையைபோல ஆரவாரம்‌ செய்து கொண்டு, வெண்‌ கடம்ப மரம்‌, சிலை மரம்‌, முத்து, மிக்க மணிகள்‌ ஆகியவற்றை எடுத்து வருகின்றன. சிவபெருமான்‌ சடையில்‌ பாம்பும்‌, கங்கையும்‌ உடனாய்‌ இருந்து உலவுவதை ஓராமல்‌, குறாப்பூ மணம்‌ கமழும்‌ மென்மையான கூந்தலையுடைய உமையம்மையாரைத்‌ தழுவுதல்‌ நன்றோ?

பெருகிவரும்‌ அருவி நீரையுடைய திரு அண்ணாமலையில்‌ வீற்றிருப்பவன் சிவபெருமான்‌. அவன்‌ பிறைமதி தோன்றிய பாற்கடலிடைத்‌ தோன்றிய நஞ்சை உட்கொள்ளும்‌ அளவிற்கு துணிபுடையவன்‌. அந்நஞ்சினை உண்டு கண்டம்‌ கருத்தவன்‌. திருவெண்ணீற்றை அணிந்தவன்‌. மணம்‌ கமழும்‌ சடைமுடியை உடையவன்‌. இவனுடைய திருவடிகளை வாழ்த்தி உருகும்‌ மனம்‌ உடையவர்க்கு மிக்க நோய்கள்‌ எவையும்‌ வாரா

இடுகாட்டில்‌ கரிந்த கால்களை உடையதும்‌ குடரைப்‌ பிடுங்கி உண்பதும்‌ ஆகிய பேய்கள்‌ நடமாடுகின்றன. நரிகள்‌ உருட்டி விளையாடும்‌ வெண்‌ தலை ஓடுகள்‌ உதைக்கப்பட்டு உருள அவைகள்‌ சிரிப்பன போன்ற காட்சியைத்‌ தருகின்றன. சிவபெருமான்‌ கையில்‌ எரி ஏந்த ஆடுகின்றான்‌. வண்டுக்‌ கூட்டங்கள்‌ இசைபாட செவ்வரி பொருந்திய கண்களை உடைய உமையம்மையோடு எழுந்தருளிய இடம்‌ திருஅண்ணாமலை.

சிவபெருமான்‌ ஒளிசெய்யும்‌ புலித்தோலை ஆடையாகக்‌ கொண்டவன்‌. உமையம்மை அஞ்சுமாறு பிளிறும்‌ குரலை உடைய மதம்‌ பொருந்திய யானையின்‌ தலையைப்‌ பிடித்து, அதன்‌ தோலை உரித்து எளிதாக விளையாடிய விகிர்தன்‌. இராவணனை மலையின்‌ கீழ்‌ அகப்படுத்தி இரத்த வெள்ளத்தில்‌ அடர்த்தவன்‌. இவனது இடம்‌ திருஅண்ணாமலை.

விளாமரத்தில்‌ கனியை உகுப்பது போல அம்மரவடிவாக நின்ற அரக்கனை அழித்த கருங்கடல்‌ வண்ணனாகிய திருமாலும்‌ நீரில்‌ கிளர்ந்து தோன்றிய தாமரை மலர்மேல்‌ உறையும்‌ குற்றமற்ற புகழ்‌ கொண்ட பிரம்மாவும்‌ அடிமுடிகளைக்‌ காண இயலாதவாறு நெருப்பு வடிவாக நின்ற தலைவனும்‌, தளராத தனபாரங்களையும்‌ மலர்ந்த சிரிப்பையும்‌ உடைய உமையம்மையின்‌ கணவனுமாகிய சிவபெருமானின்‌ திருவடிகளே நமக்குக்‌ காப்பு.

உடலில்‌ வியர்வை தோன்றவும்‌, அழுக்கேறவும்‌ வெயிலில்‌ நின்று உழல்வதைத்‌ தவமாகக்‌ கொள்வோராகிய சமணரும்‌, மரவுரியால்‌ மார்பை மிகவும்‌ மறைத்து வருபவர்‌ ஆகிய புத்தரும்‌, ஆரம்பவாதிகளாகிய தார்க்கீகர்களும்‌ கூறும்‌ உரைகளைக்‌ கொள்ளாதீர்‌. திருவண்ணாமலையில்‌ உறையும்‌ தலைவனும்‌ கூரிய வெண்மையான மழுவாயுதத்தைக்‌ கைக்‌ கொண்டவனும்‌ ஆகிய சிவபெருமானது நன்மைதரும்‌ திருவடிகளை அடைதலே மேலான | குணம்‌.

சிவபெருமான்‌ அம்பைச்‌ செலுத்தி முப்புரங்களையும்‌ எரித்தவன்‌. அவன்‌ எழுந்தருளிய இடம்‌ திருஅண்ணாமலை. இங்கு வெம்மை மிக்க கதிரவன்‌ ஒளி மலையைத்‌ தாண்டாமல்‌ விலகிச்‌ செல்கின்றது. குளிர்ந்த சீகாழிப்பதியில்‌ கொம்பு என்னும்‌ வாத்தியங்களின்‌ ஒலியைக்‌ கேட்டு குயில்கள்‌ எதிரொலிக்கின்றன. இங்கு தோன்றிய ஞானசம்பந்தன்‌ பாடிய இத்திருப்பதிகத்‌ தமிழை ஓத வல்லவர்களின்‌ திருவடிகளை வணங்குதல்‌ சிறந்த தவமாகும்‌.