திருஆவூர்ப்பசுபதீச்சரம்

புண்ணியம்‌ இரண்டனைய வடிவினர்‌ எனவும்‌, நிறைந்த செல்வம்‌ உடையவர்‌ எனவும்‌, பூத கணங்களின்‌ தலைவர்‌ எனவும்‌, அருகில்‌ வந்து பரவுவாரின்‌ மனத்தார்‌ எனவும்‌, பிறைமதிக்‌ கண்ணியர்‌ எனவும்‌, அன்புடை அடியவர்கள்‌ கூறி நின்று கைதொழுது போற்றச்‌ சிவபிரான்‌ எழுந்தருளிய ஊர்‌ ஆவூர்‌ ஆகும்‌. வானளாவ உயர்ந்த மாட மாளிகைகளோடு கூடியதும்‌, மணம்‌ கமழும்‌ சோலைகளால்‌ சூழப்‌ பெற்றதும்‌, எங்கும்‌ பண்ணியலோடு கூடிய பாடல்கள்‌ இடைவிடாது கேட்கப்படுவதும்‌ ஆகியது ஆவூர்‌. இவன்‌ அடியார்களே! இத்துணைச்‌ சிறப்புற்ற ஆவூர்ப்‌ பசுபதியீச்சரத்தில்‌ எழுந்தருளியிருக்கன்ற சிவபெருமானைத்‌ தொழுது உங்கள்‌ நாவால்‌ பாடுவீர்களாக!

முத்துச்‌ செல்வத்தை உடையவர்‌ என்றும்‌, மூப்பு இலர்‌ என்றும்‌, மாட்டுத்‌ தறியில்‌ விளங்குபவர்‌ என்றும்‌, முக்கண்ணர்‌ என்றும்‌, தம்மை இகழ்ந்து செய்த தக்கனின்‌ வேள்வியை அழித்தவர்‌ என்றும்‌, அடியவர்கள்‌ போற்றித்‌ துதிக்கும்‌ தலைவராகிய சிவபிரான்‌ உமையம்மையாரோடு எழுந்தருளிய ஊர்‌ ஆவூர்‌ ஆகும்‌. : இவ்வூரில்‌ பொழில்களில்‌ கொத்தாக மலர்ந்த பூக்களில்‌ வண்டுகள்‌ தோய்தலால்‌ எங்கும்‌ தூயதேன்துளிகள்‌ பாய்கின்றன. கோயிலில்‌ பத்தி பூண்ட அடியவர்‌ பாடும்‌ பாடல்‌ இடைவிடாது கேட்‌கின்றன.

சினந்து வந்த கங்கையைத்‌ தம்‌ திருமுடியில்‌ வைத்த சிவபெருமான்‌ எழுந்தருளியிருக்கும்‌ ஊர்‌ ஆவூர்‌ ஆகும்‌. திருமகளால்‌ விரும்பப்படும்‌ ஊர்‌ ஆவூர்‌ ஆகும்‌. வானவரும்‌ துதிக்க வருகின்ற சிவபிரான்‌ எழுந்தருளிய ஊர்‌ ஆவூர்‌ ஆகும்‌. பிறப்பு-இறப்பு இவைகளினின்றும்‌ விடுபட்டு முத்தி அடைவதற்கு இப்பூமியில்‌ பிறந்தே ஆகவேண்டும்‌. அவ்வாறு ஆவூரில்‌ பிறந்தவர்களாகிய சிலர்‌ நற்செயல்கள்‌ செய்து ஏற்றம்‌ அடைகிறார்கள்‌; சிலர்‌ தீய செயல்களைச்‌ புரிந்து இழிவடைகிறார்கள்‌. ஏற்றம்‌ பெற்றவர்களில்‌ இலர்‌ சிவஞானத்தைப்‌ பெற்றவர்களாய்‌ உள்ளார்கள்‌. இந்த முத்திறத்தார்களும்‌, வானவர்களும்‌ துதிக்க வருகின்ற சிவபெருமான்‌ எழுந்தருளியிருக்கும்‌ ஊர்‌ ஆவூர்‌ ஆகும்‌. உயரமாக வளர்ந்த - தென்னஞ்‌ சோலைகளும்‌, கரும்பாலைகளும்‌, செந்நெல்பயிர்கள்‌ திளைத்து விளைவு தரும்‌ வயல்களும்‌, பொய்கைகள்‌ சூழ்ந்ததுமாகிய வளம்‌ சான்ற ஊர்‌ இவ்வூராகும்‌. சிவனடியார்களே அதனைப்‌ பாடுவீர்களாக!

சிவபெருமான்‌ உமாதேவியை ஒரு பாதியாக உடையவர்‌. இடப வாகனத்தில்‌ ஏறி வருபவர்‌. வறுமை புகாதவாறு என்னைக்‌ காப்பவர்‌. எனக்கு உயிர்‌ போன்றவர்‌. கருணையர்‌, என்‌ துயர்‌ போக்குதலால்‌ எனக்குத்‌ தந்தையாகவும்‌ விளங்குபவர்‌. அவர்‌ எழுந்தருளிய ஊர்‌ ஆவூர்‌ ஆகும்‌. பூக்கள்‌ நிறைந்த பொழில்களின்‌ வாசனை வீசுவதும்‌; சுருண்ட கூந்தலை. உடைய மகளிர்‌ காலாலே தாளமிட்டு ஆடித்‌ தேர்ந்த இசையோடு பாடும்‌ பாடல்கள்‌ இடைவிடாது கேட்கப்படுவதுமாகிய ஊர்‌ இவ்வூரேதான்‌.

திங்கள்‌ தங்கும்‌ சடையினரும்‌, விடையை ஊர்தியாக உடையவரும்‌, இப்பிறவியில்‌ என்னைப்‌ பற்றிய வினையை நீக்கி முத்தியளிக்க வல்லவரும்‌, தம்மை வந்தடைந்து இன்னிசையால்‌ பாடி வழிபடுவாரிடம்‌ மன்னியிருப்பவரும்‌ ஆகிய சிவபிரான்‌; நிலைபெற்று விளங்கும்‌ ஊர்‌ ஆவூர்‌ ஆகும்‌. பூங்கொத்தணிந்த கூந்தலை உடைய மங்கல மகளிர்‌ வாழ்வதும்‌, திருவிழாக்களில்‌ மக்கள்‌ கூட்டம்‌ இடையிடையே சேரும்‌ அகன்ற வீதிகளை உடையதும்‌, பந்தாடும்‌ கைவிரல்களினராகிய இளம்பெண்கள்‌ நிறைந்ததுமாகிய ஊரும்‌ இவ்வூரே ஆகும்‌.

அடியவர்‌ செய்யும்‌ குற்றங்களை நீக்கியவரும்‌, நற்குணங்களை உடையோரிடம்‌ வாழ்பவரும்‌, தம்மைக்‌ கும்பிடுவார்க்கு அன்பு செய்பவரும்‌, ஓர்‌ எருதைத்‌ தமக்கு ஊர்தியாகக்‌ கொண்டவரும்‌, பிறர்க்கல்லாத நெற்றிக்‌ கண்ணை உடையவரும்‌ ஆகிய சிவபிரான்‌ உறையும்‌ பதி ஆவூர்‌ ஆகும்‌. செறிந்த மாட வீடுகளைச்‌ சார்ந்துள்ள வாசலில்‌ விழாக்‌ காலங்களில்‌ பெண்கள்‌ புகழ்ந்து கவி பாடக்‌ கேட்டு அவ்வீடுகளில்‌ வாழும்‌ செல்வர்கள்‌ பொற்காசுகள்‌ வழங்க, அதனைப்‌ பற்றிய கையினராய்‌ மகளிர்‌ மகிழ்ந்துறையும்‌ ஊரும்‌ இதுவே ஆகும்‌.

திருவெண்ணீற்றை அணிந்தவரும்‌, திருமாலால்‌ வணங்கப்‌ பெறுபவரும்‌, நிமிர்த்துக்‌ கட்டிய சடைமுடி உடையவரும்‌, தம்மை நினைவார்‌ உள்ளத்தில்‌ குடி கொண்டிருப்பவரும்‌, கோவண ஆடை தரித்தவரும்‌ ஆகிய சிவபிரான்‌, மண்ணுலக மக்கள்‌ தம்மைப்‌ புகழ்ந்து போற்ற எழுந்தருளிய ஊர்‌ ஆவூர்‌ ஆகும்‌. குள்ளமான மந்தி பழுத்துள்ள வாழைத்‌ தாற்றில்‌ உண்ணத்‌ தகுதியான பழங்களை வயிறார உண்டு, எஞ்சியுள்ள பழங்களை உண்ணவரும்‌ குரங்குகளை அஞ்சுமாறு பாய்ந்து விரட்டும்‌ தோட்டங்களை உடையதும்‌ இவ்வூரே ஆகும்‌.

வெண்மையான தலைகளை மாலையாகக்‌ கோத்துப்‌ பிற மாலைகளுடன்‌ அணிந்துள்ள திருமேனியை உடையவரும்‌, வண்டுகள்‌ மொய்க்கும்‌ மலர்களைச்‌ சூடிய வலிய இராவணனின்‌ முடியை நெரித்து மகிழ்ந்த வலியரும்‌ ஆகிய சிவபெருமான்‌ எழுந்தருளியுள்ள இடம்‌ ஆவூர்‌ ஆகும்‌. எங்கும்‌ வளம்‌ ஓங்கியதும்‌, தரிசித்தவர்கள்‌ சித்தத்தால்‌ உயர்ந்தவர்களாய்த்‌ தமக்குக்‌ கதியருள்‌ என்று கைகளைக்‌ கூப்பிப்‌ பழமைதொட்டுச்‌ சிவபெருமானுக்கு உரியனவாகிய மலர்களைச்‌ சாத்தி வழிபடும்‌ இயல்பினதும்‌ ஆகியதும்‌ இவ்வூரே.ஆகும்‌.

திருமாலும்‌, பிரமனும்‌ வணங்கித்‌ தேட, அவர்கட்குச்‌ சோதிப்‌ "பிழம்பாய்‌ நீண்டு தோன்றியவரும்‌, தமது எளிமை பிறரால்‌ அறிதற்கு அரியராய்‌ விளங்குபவரும்‌ செம்மையாரும்‌ ஆகிய சிவபிரான்‌ எழுந்தருளிய ஊர்‌ ஆவூர்‌ ஆகும்‌. அழகிய விழாக்‌ காலங்களில்‌ கொடி போன்ற இடையினை உடைய பெண்கள்‌ அரங்கின்௧கண்‌ ஏறி ஆடவர்களோடு கூடிப்‌ பால்‌ போன்று இனிக்கும்‌ மொழிகளால்‌ இறைவனை ஏத்தும்‌ ஊரும்‌ இவ்வூரே ஆகும்‌.

பின்னித்‌ தொங்கவிடப்பட்ட சடையை உடைய சமண இல்லறத்தார்களும்‌ சாக்கியர்களும்‌ தங்களைப்‌ பற்றியும்‌ தாங்கள்‌ சார்ந்த மதங்களின்‌ சிறப்புக்களைப்‌ பற்றியும்‌ கூற, அவற்றை ஏற்க மறுத்தவராய்‌ விளங்கும்‌ சிவபெருமானாகிய ஆதி சைவன்‌ விரும்பி உறையும்‌ இடம்‌ ஆவூர்‌ ஆகும்‌. முல்லைக்‌ கொடி படர்ந்த சோலைகளில்‌ மாதரும்‌ மைந்தரும்‌ நெருங்கிச்‌ சுனையில்‌ மூழ்கிச்‌ சிவபிரானை மனம்‌ ஒன்றிப்‌ பாடுவதும்‌ இவ்வூரே ஆகும்‌.

எட்டுத்‌ இசையில்‌ உள்ளவர்களும்‌ வணங்கிப்‌ போற்றும்‌ எம்‌ தலைவரும்‌, அழகிய ஆவூரில்‌ பழ அடியார்களால்‌ போற்றப்‌ பெறுபவரும்‌ ஆகிய பசுபதீயீச்சரத்து இறைவர்மேல்‌ தாழை மரங்கள்‌ நிறைந்த கடற்கரைச்‌ சோலைகளால்‌ சூழப்பட்ட €காழிப்‌ பதியில்‌ கவுணியர்‌ குடியில்‌ தோன்றிய ஞானசம்பந்தன்‌ பாடிய பாடல்களை இசையோடு பாடி ஆடி வணங்குபவர்கள்‌, வானகத்தைத்‌ தமது உடைமையாகப்‌ பெறுவர்‌.