திருநொடித்தான்மலை

அருளியவர்: சுந்தரர்
பண்: பஞ்சமம்
தலம்: கயிலாயம் (நொடித்தான்மலை)
நாடு: வடநாடு

1

தானெனை முன்படைத் தானத றிந்துதன் பொன்னடிக்கேநானென பாடலந் தோநாயி னேனைப் பொருட்படுத்துவானெனை வந்தெதிர் கொள்ளமத்த யானை அருள்புரிந்துஊனுயிர் வேறுசெய் தான்நொடித் தான்மலை உத்தமனே.

சொற்பிரிப்பு

தானெனை முன்படைத்தான் அது அறிந்து தன் பொன்அடிக்கேநானென பாடலந்தோ நாயினேனைப் பொருட்படுத்துவான் எனை வந்தெதிர் கொள்ள மத்தயானை அருள்புரிந்துஊன்உயிர் வேறு செய்தான் நொடித்தான் மலை உத்தமனே.

உரை

மூலத்தில் தமிழ் உரை இல்லை.

2

ஆனை உரித்த பகைஅடி யேனொடு மீளக்கொலோஊனை உயிர்வெருட் டிஒள்ளி யானை நினைந்திருந்தேன்வானை மதித்தம ரர்வலஞ் செய்தெனை ஏறவைக்கஆனை அருள்புரிந் தான்நொடித் தான்மலை உத்தமனே.

சொற்பிரிப்பு

ஆனை உரித்த பகை அடியேனொடு மீளக்கொலோஊனை உயிர் வெருட்டி ஒள்ளியானை நினைந்திருந்தேன்வானை மதித்த அமரர் வலஞ் செய்து எனை ஏற வைக்கஆனை அருள்புரிந்தான் நொடித்தான் மலை உத்தமனே.

உரை

மூலத்தில் தமிழ் உரை இல்லை.

3

மந்திரம் ஒன்றறி யேன்மனை வாழ்க்கை மகிழ்ந்தடியேன்சுந்தர வேடங்க ளாற்றுரி சேசெயுந் தொண்டனெனைஅந்தர மால்விசும் பில்அழ கானை அருள்புரிந்ததுந்தர மோநெஞ்ச மேநொடித் தான்மலை உத்தமனே.

சொற்பிரிப்பு

மந்திரம் ஒன்று அறியேன் மனை வாழ்க்கை மகிழ்ந்தடியேன்சுந்தர வேடங்களால் துரிசே செயும் தொண்டன் எனைஅந்தர மால் விசும்பில் அழகானை அருள்புரிந்ததுஉந்தரமோ நெஞ்சமே நொடித்தான்மலை உத்தமனே.

உரை

மூலத்தில் தமிழ் உரை இல்லை.

4

வாழ்வை உகந்தநெஞ் சேமட வார்தங்கள் வல்வினைப்பட்டாழ முகந்தவென் னைஅது மாற்றி அமரரெல்லாஞ்சூழ அருள்புரிந் துதொண்ட னேன்பரம் அல்லதொருவேழம் அருள்புரிந் தான்நொடித் தான்மலை உத்தமனே.

சொற்பிரிப்பு

வாழ்வை உகந்த நெஞ்சே மடவார் தங்கள் வல்வினைப்பட்டுஆழ முகந்த என்னை அது மாற்றி அமரரெல்லாம்சூழ அருள்புரிந்து தொண்டனேன் பரம் அல்லதொருவேழம் அருள்புரிந்தான் நொடித்தான்மலை உத்தமனே.

உரை

மூலத்தில் தமிழ் உரை இல்லை.

5

மண்ணுல கிற்பிறந் துநும்மை வாழ்த்தும் வழியடியார்பொன்னுல கம்பெறு தல்தொண்ட னேனின்று கண்டொழிந்தேன்விண்ணுல கத்தவர் கள்விரும்ப வெள்ளை யானையின்மேல்என்னுடல் காட்டுவித் தான்நொடித் தான்மலை உத்தமனே.

சொற்பிரிப்பு

மண்ணுலகில் பிறந்து நும்மை வாழ்த்தும் வழியடியார்பொன்னுலகம் பெறுதல் தொண்டனேன் இன்று கண்டொழிந்தேன்விண் உலகத்தவர்கள் விரும்ப வெள்ளை யானையின் மேல்என்னுடல் காட்டுவித்தான் நொடித்தான்மலை உத்தமனே.

உரை

மூலத்தில் தமிழ் உரை இல்லை.

6

அஞ்சினை ஒன்றிநின் றுஅலர் கொண்டடி சேர்வறியாவஞ்சனை யென்மன மேவைகி வானநன் னாடர்முன்னேதுஞ்சுதல் மாற்றுவித் துத்தொண்ட னேன்பர மல்லதொருவெஞ்சின ஆனைதந் தான்நொடித் தான்மலை உத்தமனே.

சொற்பிரிப்பு

அஞ்சினை ஒன்றி நின்று அலர் கொண்டடி சேர்வறியாவஞ்சனை என் மனமே வைகி வான நன்னாடர் முன்னேதுஞ்சுதல் மாற்றுவித்துத் தொண்டனேன் பரமல்லதொருவெஞ்சின ஆனை தந்தான் நொடித்தான்மலை உத்தமனே.

உரை

மூலத்தில் தமிழ் உரை இல்லை.

7

நிலைகெட விண்ணதி ரநில மெங்கும் அதிர்ந்தசையமலையிடை யானையே றிவழி யேவரு வேன்எதிரேஅலைகட லால்அரை யன்அலர் கொண்டுமுன் வந்திறைஞ்சஉலையணை யாதவண் ணம்நொடித் தான்மலை உத்தமனே.

சொற்பிரிப்பு

நிலைகெட விண் அதிர நிலமெங்கும் அதிர்ந்து அசையமலையிடை யானை ஏறி வழியே வருவேன் எதிரேஅலை கடலால் அரையன் அலர் கொண்டு முன் வந்து இறைஞ்சஉலை அணையாத வண்ணம் நொடித்தான்மலை உத்தமனே.

உரை

மூலத்தில் தமிழ் உரை இல்லை.

8

அரவொலி ஆகமங் கள்அறி வாரறி தோத்திரங்கள்விரவிய வேதஒ லிவிண்ணெ லாம்வந் தெதிர்ந்திசைப்பவரமலி வாணன்வந் துவழி தந்தெனக் கேறுவதோர்சிரமலி யானைதந் தான்நொடித் தான்மலை உத்தமனே.

சொற்பிரிப்பு

அரவொலி ஆகமங்கள் அறிவார் அறி தோத்திரங்கள்விரவிய வேத ஒலி விண்ணெலாம் வந்து எதிர்ந்து இசைப்பவரமலி வாணன் வந்து வழிதந்து எனக்கு ஏறுவதோர்சிரமலி யானை தந்தான் நொடித்தான்மலை உத்தமேனே.

உரை

மூலத்தில் தமிழ் உரை இல்லை.

9

இந்திரன் மால்பிர மன்னெழி லார்மிகு தேவரெல்லாம்வந்தெதிர் கொள்ளஎன் னைமத்த யானை அருள்புரிந்துமந்திர மாமுனி வர்இவ னாரென எம்பெருமான்நந்தமர் ஊரனென் றான்நொடித் தான்மலை உத்தமனே.

சொற்பிரிப்பு

இந்திரன் மால் பிரமன் எழிலார் மிகு தேவரெல்லாம்வந்தெதிர் கொள்ள என்னை மத்த யானை அருள்புரிந்துமந்திர மாமுனிவர் "இவன் ஆர்?" என எம்பெருமன்"நந்தமர் ஊரன்!" என்றான் நொடித்தான்மலை உத்தமனே.

உரை

மூலத்தில் தமிழ் உரை இல்லை.

10

ஊழிதோ றூழிமுற் றுமுயர் பொன்னொடித் தான்மலையைச்சூழிசை யின்கரும் பின்சுவை நாவல ஊரன்சொன்னஏழிசை இன்றமி ழால்இசைந் தேத்திய பத்தினையும்ஆழி கடலரை யாஅஞ்சை யப்பர்க் கறிவிப்பதே.

சொற்பிரிப்பு

ஊழி தொறு ஊழி முற்றும்‌ உயர்‌ பொன்‌ நொடித்தான்மலையை,சூழ்‌ இசை இன்கரும்பின் சுவை நாவல ஊரன்‌ சொன்ன,ஏழ்‌இசை இன் தமிழால்‌ இசைந்து ஏத்திய பத்தினையும்‌,ஆழி-கடல்‌ அரையா! அஞ்சையப்பர்க்கு அறிவிப்பதே!

உரை

மூலத்தில் தமிழ் உரை இல்லை.