கோயில்

அருளியவர்: திருநாவுக்கரசர்
பண்: திருக்குறுந்தொகை
தலம்: கோயில் (சிதம்பரம், தில்லை)
நாடு: சோழநாடு காவிரி வடகரை

1

அன்னம் பாலிக்குந் தில்லைச்சிற் றம்பலம்பொன்னம் பாலிக்கு மேலுமிப் பூமிசைஎன்னம் பாலிக்கு மாறுகண் டின்புறஇன்னம் பாலிக்கு மோவிப் பிறவியே.

சொற்பிரிப்பு

அன்னம் பாலிக்கும் தில்லைச் சிற்றம்பலம்பொன்னம் பாலிக்கும்; மேலும், இப் பூமிசைஎன் அன்பு ஆலிக்கும் ஆறு கண்டு, இன்புறஇன்னம் பாலிக்குமோ இப் பிறவியே.

உரை

மூலத்தில் தமிழ் உரை இல்லை.

2

அரும்பற் றப்பட ஆய்மலர் கொண்டுநீர்சுரும்பற் றப்படத் தூவித் தொழுமினோகரும்பற் றச்சிலைக் காமனைக் காய்ந்தவன்பெரும்பற் றப்புலி யூரெம் பிரானையே.

சொற்பிரிப்பு

அரும்பு அற்றப்பட ஆய்மலர் கொண்டு, நீர்சுரும்பு அற்றப்படத் தூவித் தொழுமினோ-கரும்பு அற்றச் சிலைக் காமனைக் காய்ந்தவன்,பெரும்பற்றப் புலியூர் எம் பிரானையே!

உரை

மூலத்தில் தமிழ் உரை இல்லை.

3

அரிச்சுற் றவினை யால்அடர்ப் புண்டுநீர்எரிச்சுற் றக்கிடந் தாரென் றயலவர்சிரிச்சுற் றுப்பல பேசப்ப டாமுனம்திருச்சிற் றம்பலஞ் சென்றடைந் துய்ம்மினே.

சொற்பிரிப்பு

அரிச்சு உற்ற வினையால் அடர்ப்புண்டு, நீர்,“எரிச் சுற்றக் கிடந்தார்” என்று அயலவர்சிரிச்சுற்றுப் பல பேசப்படா முனம்,திருச்சிற்றம்பலம் சென்று அடைந்து உய்ம்மினே!

உரை

மூலத்தில் தமிழ் உரை இல்லை.

4

அல்லல் என்செயும் அருவினை என்செயும்தொல்லை வல்வினைத் தொந்தந்தான் என்செயும்தில்லை மாநகர்ச் சிற்றம் பலவனார்க்கெல்லை யில்லதோர் அடிமைபூண் டேனுக்கே.

சொற்பிரிப்பு

அல்லல் என் செயும்? அருவினை என் செயும்?தொல்லை வல்வினைத் தொந்தம்தான் என் செயும்?-தில்லை மாநகர்ச் சிற்றம்பலவனார்க்குஎல்லை இல்லது ஓர் அடிமை பூண்டேனுக்கே.

உரை

மூலத்தில் தமிழ் உரை இல்லை.

5

ஊனி லாவி உயிர்க்கும் பொழுதெலாம்நானி லாவி யிருப்பனென் னாதனைத்தேனி லாவிய சிற்றம் பலவனார்வானி லாவி யிருக்கவும் வைப்பரே.

சொற்பிரிப்பு

ஊனில் ஆவி உயிர்க்கும் பொழுது எலாம்நான் நிலாவி இருப்பன், என் நாதனைத்;தேன் நிலாவிய சிற்றம்பலவனார்வான் நிலாவி இருக்கவும் வைப்பரே.

உரை

மூலத்தில் தமிழ் உரை இல்லை.

6

சிட்டர் வானவர் சென்று வரங்கொளுஞ்சிட்டர் வாழ்தில்லைச் சிற்றம் பலத்துறைசிட்டன் சேவடி கைதொழச் செல்லுமச்சிட்டர் பாலணு கான்செறு காலனே.

சொற்பிரிப்பு

சிட்டர், வானவர், சென்று வரம்கொளும்சிட்டர் வாழ்தில்லைச் சிற்றம்பலத்து உறைசிட்டன் சேவடி கைதொழச் செல்லும் அச்சிட்டர் பால் அணுகான், செறு காலனே.

உரை

மூலத்தில் தமிழ் உரை இல்லை.

7

ஒருத்த னார்உல கங்கட் கொருசுடர்திருத்த னார்தில்லைச் சிற்றம் பலவனார்விருத்த னார்இளை யார்விட முண்டவெம்அருத்த னார்அடி யாரை அறிவரே.

சொற்பிரிப்பு

ஒருத்தனார், உலகங்கட்கு ஒருசுடர்,திருத்தனார், தில்லைச் சிற்றம்பலவனார்,விருத்தனார், இளையார், விடம் உண்ட எம்அருத்தனார், அடியாரை அறிவரே.

உரை

மூலத்தில் தமிழ் உரை இல்லை.

8

விண்ணி றைந்ததோர் வெவ்வழ லின்னுருஎண்ணி றைந்த இருவர்க் கறிவொணாக்கண்ணி றைந்த கடிபொழில் அம்பலத்துண்ணி றைந்துநின் றாடும் ஒருவனே.

சொற்பிரிப்பு

விண் நிறைந்தது ஓர் வெவ் அழலின் உருஎண் நிறைந்த இருவர்க்கு அறிவுஒணாக்கண் நிறைந்த கடிபொழில் அம்பலத்துஉள்-நிறைந்து நின்று ஆடும், ஒருவனே.

உரை

மூலத்தில் தமிழ் உரை இல்லை.

9

வில்லைவட் டப்பட வாங்கி அவுணர்தம்வல்லைவட் டம்மதின் மூன்றுடன் மாய்த்தவன்தில்லைவட் டந்திசை கைதொழு வார்வினைஒல்லைவட் டங்கடந் தோடுதல் உண்மையே.

சொற்பிரிப்பு

வில்லை வட்டப்பட வாங்கி அவுணர் தம்வல்லை வட்டம் மதில் மூன்று உடன் மாய்த்தவன்தில்லை வட்டம் திசை கைதொழுவார் வினைஒல்லை, வட்டம் கடந்து, ஓடுதல் உண்மையே.

உரை

மூலத்தில் தமிழ் உரை இல்லை.

10

நாடி நாரணன் நான்முக னென்றிவர்தேடி யுந்திரிந் துங்காண வல்லரோமாட மாளிகை சூழ்தில்லை யம்பலத்தாடி பாதமென் னெஞ்சுள் இருக்கவே.

சொற்பிரிப்பு

நாடி, நாரணன் நான்முகன் என்று இவர்தேடியும், திரிந்தும், காண வல்லரோ-மாட மாளிகை சூழ் தில்லை அம்பலத்து-ஆடி பாதம் என் நெஞ்சுள் இருக்கவே?

உரை

மூலத்தில் தமிழ் உரை இல்லை.

11

மதுர வாய்மொழி மங்கையோர் பங்கினன்சதுரன் சிற்றம் பலவன் திருமலைஅதிர ஆர்த்தெடுத் தான்முடி பத்திறமிதிகொள் சேவடி சென்றடைந் துய்ம்மினே.

சொற்பிரிப்பு

மதுர வாய்மொழி மங்கை ஓர் பங்கினன்,சதுரன், சிற்றம்பலவன், திருமலைஅதிர ஆர்த்து எடுத்தான் முடி பத்து இறமிதிகொள் சேவடி சென்று அடைந்து உய்ம்மினே!

உரை

மூலத்தில் தமிழ் உரை இல்லை.