திருவின்னம்பர்

அருளியவர்: திருநாவுக்கரசர்
பண்: திருவிருத்தம்
தலம்: இன்னம்பர்
நாடு: சோழநாடு காவிரி வடகரை

1

மன்னு மலைமகள் கையால் வருடின மாமறைகள்சொன்ன துறைதொறுந் தூப்பொரு ளாயின தூக்கமலத்தன்ன வடிவின அன்புடைத் தொண்டர்க் கமுதருத்திஇன்னல் களைவன இன்னம்ப ரான்றன் இணையடியே.

சொற்பிரிப்பு

மன்னும் மலைமகள் கையால் வருடின மாமறைகள்சொன்ன துறைதொறும் தூப்பொருள் ஆயின தூக் கமலத்துஅன்ன வடிவின அன்பு உடைத் தொண்டர்க்கு அமுது அரும்பிஇன்னல் களைவன இன்னம்பரான் தன் இணைஅடியே.

உரை

மூலத்தில் தமிழ் உரை இல்லை.

2

பைதற் பிணக்குழைக் காளிவெங் கோபம்பங் கப்படுப்பான்செய்தற் கரிய திருநடஞ் செய்தன சீர்மறையோன்உய்தற் பொருட்டுவெங் கூற்றை யுதைத்தன உம்பர்க்கெல்லாம்எய்தற் கரியன இன்னம்ப ரான்றன் இணையடியே.

சொற்பிரிப்பு

பைதல் பிணக்குழைக் காளி வெங் கோபம் பங்கப்படுப்பான்செய்தற்கு அரிய திருநடம் செய்தன சீர்மறையோன்உய்தல் பொருட்டு வெங்கூற்றை உதைத்தன உம்பர்க்கு எல்லாம்எய்தற்கு அரியன இன்னம்பரான் தன் இணைஅடியே.

உரை

மூலத்தில் தமிழ் உரை இல்லை.

3

சுணங்குநின் றார்கொங்கை யாள்உமை சூடின தூமலரால்வணங்கிநின் றும்பர்கள் வாழ்த்தின மன்னு மறைகள்தம்மிற்பிணங்கிநின் றின்னன வென்றறி யாதன பேய்க்கணத்தோடிணங்கிநின் றாடின இன்னம்ப ரான்றன் இணையடியே.

சொற்பிரிப்பு

சுணங்கு நின்று ஆர் கொங்கை யாள் உமை சூடின தூமலரால்வணங்கி நின்று உம்பர்கள் வாழ்த்தின மன்னும் மறைகள் தம்மில்பிணங்கி நின்று இன்னன என்று அறியாதன பேய்க்கணத்தோடுஇணங்கி நின்று ஆடின இன்னம்பரான் தன் இணைஅடியே.

உரை

மூலத்தில் தமிழ் உரை இல்லை.

4

ஆறொன் றியசம யங்களின் அவ்வவர்க் கப்பொருள்கள்வேறொன் றிலாதன விண்ணோர் மதிப்பன மிக்குவமன்மாறொன் றிலாதன மண்ணொடு விண்ணகம் மாய்ந்திடினும்ஈறொன் றிலாதன இன்னம்ப ரான்றன் இணையடியே.

சொற்பிரிப்பு

ஆறு ஒன்றிய சமயங்களின் அவ்அவர்க்கு அப்பொருள்கள்வேறுஒன்று இலாதன விண்ணோர் மதிப்பன மிக்குஉவமன்மாறு ஒன்று இலாதன மண்ணொடு விண்ணகம் மாய்ந்திடினும்ஈறு ஒன்று இலாதன இன்னம்ப ரான்தன் இணைஅடியே.

உரை

மூலத்தில் தமிழ் உரை இல்லை.

5

அரக்கர்தம் முப்புரம் அம்பொன்றி னாலட லங்கியின்வாய்க்கரக்கமுன் வைதிகத் தேர்மிசை நின்றன கட்டுருவம்பரக்கவெங் கானிடை வேடுரு வாயின பல்பதிதோறிரக்க நடந்தன இன்னம்ப ரான்றன் இணையடியே.

சொற்பிரிப்பு

அரக்கர் தம் முப்புரம் அம்பு ஒன்றினால் அடல் அங்கியின்வாய்க்கரக்க முன் வைதிகத் தேர்மிசை நின்றன கட்டுஉருவம்பரக்க வெங்கான் இடை வேடுஉரு ஆயின பல்பதி தோறுஇரக்க நடந்தன இன்னம்பரான் தன் இணைஅடியே.

உரை

மூலத்தில் தமிழ் உரை இல்லை.

6

கீண்டுங் கிளர்ந்தும்பொற் கேழல்முன் தேடின கேடுபடாஆண்டும் பலபல வூழியு மாயின ஆரணத்தின்வேண்டும் பொருள்கள் விளங்கநின் றாடின மேவுசிலம்பீண்டும் கழலின இன்னம்ப ரான்றன் இணையடியே.

சொற்பிரிப்பு

கீண்டும் கிளர்ந்தும் பொன் கேழல் முன் தேடின கேடுபடாஆண்டும் பலபல ஊழியும் ஆயின ஆரணத்தின்வேண்டும் பொருள்கள் விளங்க நின்று ஆடின மேவு சிலம்புஈண்டும் கழலின இன்னம்பரான் தன் இணைஅடியே.

உரை

மூலத்தில் தமிழ் உரை இல்லை.

7

போற்றுந் தகையன பொல்லா முயலகன் கோபப்புன்மைஆற்றுந் தகையன ஆறு சமயத் தவரவரைத்தேற்றுந் தகையன தேறிய தொண்டரைச் செந்நெறிக்கேஏற்றுந் தகையன இன்னம்ப ரான்றன் இணையடியே.

சொற்பிரிப்பு

போற்றும் தகையன பொல்லா முயலகன் கோபப் புன்மைஆற்றும் தகையன ஆறு சமயத்தவர் அவரைத்தேற்றும் தகையன தேறிய தொண்டரைச் செந்நெறிக்கேஏற்றும் தகையன இன்னம்பரான் தன் இணைஅடியே.

உரை

மூலத்தில் தமிழ் உரை இல்லை.

8

பயம்புன்மை சேர்தரு பாவந் தவிர்ப்பன பார்ப்பதிதன்குயம்பொன்மை மாமல ராகக் குலாவின கூடவொண்ணாச்சயம்புவென் றேதகு தாணுவென் றேசதுர் வேதங்கள்நின்றியம்புங் கழலின இன்னம்ப ரான்றன் இணையடியே.

சொற்பிரிப்பு

பயம் புன்மை சேர் தரு பாவம் தவிர்ப்பன பார்ப்பதி தன்குயம் பொன்மை மாமலர் ஆகக் குலாவின கூட ஒண்ணாச்சயம்பு என்றே தகு தாணு என்றே சதுர் வேதங்கள் நின்றுஇயம்பும் கழலின இன்னம்பரான் தன் இணைஅடியே.

உரை

மூலத்தில் தமிழ் உரை இல்லை.

9

அயன்நெடு மால்இந் திரன்சந்தி ராதித்தர் அமரரெல்லாஞ்சயசய என்றுமுப் போதும் பணிவன தண்கடல்சூழ்வியனில முற்றுக்கும் விண்ணுக்கும் நாகர் வியன்நகர்க்கும்இயபர மாவன இன்னம்ப ரான்றன் இணையடியே.

சொற்பிரிப்பு

அயன் நெடு மால் இந் திரன் சந்தி ராதித்தர் அமரர் எல்லாம்சயசய என்றுமுப் போதும் பணிவன தண்கடல் சூழ்வியல் நிலம் முற்றுக்கும் விண்ணுக்கும் நாகர் வியல் நகர்க்கும்இயபரம்ஆவன இன்னம்பரான் தன் இணைஅடியே.

உரை

மூலத்தில் தமிழ் உரை இல்லை.

10

தருக்கிய தக்கன்றன் வேள்வி தகர்த்தன தாமரைப்போதுருக்கிய செம்பொன் உவமன் இலாதன வொண்கயிலைநெருக்கிய வாளரக் கன்றலை பத்தும் நெரித்தவன்றன்இருக்கியல் பாயின இன்னம்ப ரான்றன் இணையடியே.

சொற்பிரிப்பு

தருக்கிய தக்கன் தன் வேள்வி தகர்த்தன தாமரைப் போதுஉருக்கிய செம்பொன் உவமன் இலாதன ஒண்கயிலைநெருக்கிய வாள் அரக்கன் தலை பத்தும் நெரித்துஅவன்தன்இருக்கு இயல்பு ஆயின இன்னம்பரான் தன் இணைஅடியே.

உரை

மூலத்தில் தமிழ் உரை இல்லை.