திருமுறை 4 · 4.001 · 10

திருவதிகைவீரட்டானம்

அருளியவர்
திருநாவுக்கரசர்
பண்
கொல்லி
தலம்
அதிகை வீரட்டானம்
நாடு
நடுநாடு

நான்காம் திருமுறை ›

1

கூற்றாயின வாறுவி லக்ககிலீர் கொடுமைபல செய்தன நானறியேன்ஏற்றாயடிக் கேஇர வும்பகலும் பிரியாது வணங்குவன் எப்பொழுதும்தோற்றாதென் வயிற்றின் அகம்படியே குடரோடு துடக்கி முடக்கியிடஆற்றேன் அடியேன்அதி கைக்கெடில வீரட்டா னத்துறை அம்மானே.
சொற்பிரிப்பு
கூற்று ஆயின ஆறு விலக்ககிலீர் கொடுமை பல செய்தன நான் அறியேன்;ஏற்றாய்! அடிக்கே இரவும் பகலும் பிரியாது வணங்குவன், எப்பொழுதும்;தோற்றாது என் வயிற்றின் அகம்படியே குடரோடு துடக்கி முடக்கியிட,ஆற்றேன், அடியேன்;-அதிகைக் கெடில வீரட்டானத்து உறை அம்மானே!
உரை

மூலத்தில் தமிழ் உரை இல்லை.

2

நெஞ்சம்முமக் கேயிட மாகவைத்தேன் நினையாதொரு போதும் இருந்தறியேன்வஞ்சம்மிது வொப்பது கண்டறியேன் வயிற்றோடு துடக்கி முடக்கியிடநஞ்சாகி வந்தென்னை நலிவதனை நணுகாமல் துரந்து கரந்துமிடீர்அஞ்சேலுமென் னீர்அதி கைக்கெடில வீரட்டா னத்துறை அம்மானே.
சொற்பிரிப்பு
நெஞ்சம் உமக்கே இடம் ஆக வைத்தேன்; நினையாது ஒரு போதும் இருந்து அறியேன்;வஞ்சம் இது ஒப்பது கண்டு அறியேன்; வயிற்றோடு துடக்கி முடக்கியிட,நஞ்சு ஆகி வந்து என்னை நலிவதனை நணுகாமல் துரந்து கரந்தும் இடீர்;“அஞ்சேலும்!” என்னீர் அதிகைக் கெடில வீரட்டானத்து உறை அம்மானே!
உரை

மூலத்தில் தமிழ் உரை இல்லை.

3

பணிந்தாரன பாவங்கள் பாற்றவல்லீர் படுவெண்டலை யிற்பலி கொண்டுழல்வீர்துணிந்தேயுமக் காட்செய்து வாழலுற்றாற் சுடுகின்றது சூலை தவிர்த்தருளீர்பிணிந்தார்பொடி கொண்டுமெய் பூசவல்லீர் பெற்றமேற்றுகந் தீர்சுற்றும் வெண்டலைகொண்டணிந்தீரடி கேள்அதி கைக்கெடில வீரட்டா னத்துறை அம்மானே.
சொற்பிரிப்பு
பணிந்தாரன பாவங்கள் பாற்றவல்லீர்! படுவெண் தலையில் பலி கொண்டு உழல்வீர்!துணிந்தே உமக்கு ஆட்செய்து வாழல் உற்றால் சுடுகின்றது சூலை தவிர்த்து அருளீர்பிணிந்தார் பொடி கொண்டு மெய் பூசவல்லீர் பெற்றம் ஏற்று உகந்தீர் சுற்றும் வெண்தலை கொண்டுஅணிந்தீர் அடிகேள் அதிகைக் கெடில வீரட்டானத்து உறை அம்மானே!
உரை

மூலத்தில் தமிழ் உரை இல்லை.

4

முன்னம்மடி யேன்அறி யாமையினான் முனிந்தென்னை நலிந்து முடக்கியிடப்பின்னையடி யேனுமக் காளும்பட்டேன் சுடுகின்றது சூலை தவிர்த்தருளீர்தன்னையடைந் தார்வினை தீர்ப்பதன்றோ தலையாயவர் தங்கட னாவதுதான்அன்னநடை யார்அதி கைக்கெடில வீரட்டா னத்துறை அம்மானே.
சொற்பிரிப்பு
முன்னம், அடியேன் அறியாமையினால் முனிந்து என்னை நலிந்து முடக்கியிடப்பின்னை, அடியேன் உமக்கு ஆளும்பட்டேன்; சுடுகின்றது சூலை தவிர்த்தருளீர்தன்னை அடைந்தார் வினை தீர்ப்பது அன்றோ, தலைஆயவர் தம் கடன் ஆவது தான்?-அன்ன நடையார் அதிகைக் கெடில வீரட்டானத்து உறை அம்மானே!
உரை

மூலத்தில் தமிழ் உரை இல்லை.

5

காத்தாள்பவர் காவல் இகழ்ந்தமையாற் கரைநின்றவர் கண்டுகொ ளென்றுசொல்லிநீத்தாய கயம்புக நூக்கியிட நிலைக்கொள்ளும் வழித்துறை யொன்றறியேன்வார்த்தையிது வொப்பது கேட்டறியேன் வயிற்றோடு துடக்கி முடக்கியிடஆர்த்தார்புன லார்அதி கைக்கெடில வீரட்டா னத்துறை அம்மானே.
சொற்பிரிப்பு
காத்தாள்பவர் காவல் இகழ்ந்தமையால், கரை நின்றவர், “கண்டுகொள்!” என்று சொல்லி,நீத்துஆய கயம் புக நூக்கியிட, நிலைக் கொள்ளும் வழித்துறை ஒன்று அறியேன்;வார்த்தை இது ஒப்பது கேட்டு அறியேன்; வயிற்றோடு துடக்கி முடக்கியிடஆர்த்தார் புனல் ஆர் அதிகைக் கெடில வீரட்டானத்து உறை அம்மானே!
உரை

மூலத்தில் தமிழ் உரை இல்லை.

6

சலம்பூவொடு தூபம் மறந்தறியேன் தமிழோடிசை பாடல் மறந்தறியேன்நலந்தீங்கிலும் உன்னை மறந்தறியேன் உன்னாமம் என்னாவில் மறந்தறியேன்உலர்ந்தார்தலை யிற்பலி கொண்டுழல்வாய் உடலுள் ளுறுசூலை தவிர்த்தருளாய்அலந்தேன்அடி யேன்அதி கைக்கெடில வீரட்டா னத்துறை அம்மானே.
சொற்பிரிப்பு
சலம், பூவொடு, தூபம், மறந்து அறியேன்; தமிழோடு இசை பாடல் மறந்து அறியேன்;நலம் தீங்கிலும் உன்னை மறந்து அறியேன்; உன் நாமம் என் நாவில் மறந்து அறியேன்;உலர்ந்தார் தலையில் பலி கொண்டு உழல்வாய்; உடலுள் உறு சூலை தவிர்த்து அருளாய்;அலந்தேன் அடியேன் அதிகைக் கெடில வீரட்டானத்து உறை அம்மானே.
உரை

மூலத்தில் தமிழ் உரை இல்லை.

7

உயர்ந்தேன்மனை வாழ்க்கையும் ஒண்பொருளும் ஒருவர்தலை காவலி லாமையினால்வயந்தேயுமக் காட்செய்து வாழலுற்றால் வலிக்கின்றது சூலை தவிர்த்தருளீர்பயந்தேயென் வயிற்றின கம்படியே பறித்துப்புரட் டியறுத் தீர்த்திடநான்அயர்ந்தேன்அடி யேன்அதி கைக்கெடில வீரட்டா னத்துறை அம்மானே.
சொற்பிரிப்பு
உயர்ந்தேன் மனை வாழ்க்கையும் ஒண்பொருளும் ஒருவர் தலை காவல் இலாமையினால்வயந்தே உமக்கு ஆட்செய்து வாழல் உற்றால் வலிக்கின்றது சூலை தவிர்த்தருளீர்பயந்தே என் வயிற்றின் அகம்படியே பறித்துப் புரட்டி அறுத்து ஈர்த்திட, நான்அயர்ந்தேன் அடியேன் அதிகைக் கெடில வீரட்டானத்து உறை அம்மானே.
உரை

மூலத்தில் தமிழ் உரை இல்லை.

8

வலித்தேன்மனை வாழ்க்கை மகிழ்ந்தடியேன் வஞ்சம்மன மொன்று மிலாமையினாற்சலித்தாலொரு வர்துணை யாருமில்லைச் சங்கவெண்குழைக் காதுடை எம்பெருமான்கலித்தேயென் வயிற்றி னகம்படியே கலக்கி மலக்கிட்டுக் கவர்ந்துதின்னஅலுத்தேனடி யேன்அதி கைக்கெடில வீரட்டா னத்துறை அம்மானே.
சொற்பிரிப்பு
வலித்தேன் மனை வாழ்க்கை மகிழ்ந்து அடியேன் வஞ்சம் மனம் ஒன்றும் இலாமையினால்சலித்தால் ஒருவர் துணை யாரும் இல்லைச் சங்க வெண்குழைக் காதுடை எம்பெருமான்கலித்தே என் வயிற்றின் அகம்படியே கலக்கி மலக்கிட்டுக் கவர்ந்து தின்னஅலுத்தேன்,அடியேன் அதிகைக் கெடில வீரட்டானத்து உறை அம்மானே.
உரை

மூலத்தில் தமிழ் உரை இல்லை.

9

பொன்போல மிளிர்வதொர் மேனியினீர் புரிபுன்சடை யீர்மெலி யும்பிறையீர்துன்பேகவ லைபிணி யென்றிவற்றை நணுகாமற் றுரந்து கரந்துமிடீர்என்போலிக ளும்மை இனித்தெளியார் அடியார்படு வதிது வேயாகில்அன்பேஅமை யும்மதி கைக்கெடில வீரட்டா னத்துறை அம்மானே.
சொற்பிரிப்பு
பொன் போல மிளிர்வது ஓர் மேனியினீர் புரிபுன் சடையீர் மெலியும் பிறையீர்துன்பே கவலை, பிணி என்று இவற்றை நணுகாமல் துரந்து கரந்துமிடீர்என் போலிகள் உம்மை இனித் தெளியார் அடியார் படுவது இதுவே ஆகில்அன்பே அமையும் அதிகைக் கெடில வீரட்டானத்து உறை அம்மானே.
உரை

மூலத்தில் தமிழ் உரை இல்லை.

10

போர்த்தாயங்கோ ரானையின் ஈருரிதோல் புறங்காடரங் காநட மாடவல்லாய்ஆர்த்தானரக் கன்றனை மால்வரைக்கீழ் அடர்த்திட்டருள் செய்த வதுகருதாய்வேர்த்தும்புரண் டும்விழுந் தும்மெழுந்தால் என்வேதனை யான விலக்கியிடாய்ஆர்த்தார்புனல் சூழ்அதி கைக்கெடில வீரட்டா னத்துறை அம்மானே.
சொற்பிரிப்பு
போர்த்தாய், அங்கு ஓர் ஆனையின் ஈர் உரிதோல் புறங்காடு அரங்கா நடம் ஆட வல்லாய்ஆர்த்தான் அரக்கன் தனை மால்வரைக் கீழ் அடர்த்திட்டு அருள் செய்த அது கருதாய்வேர்த்தும் புரண்டும் விழுந்தும் எழுந்தால் என் வேதனையான விலக்கியிடாய்ஆர்த்தார் புனல் சூழ் அதிகைக் கெடில வீரட்டானத்து உறை அம்மானே.
உரை

மூலத்தில் தமிழ் உரை இல்லை.