தண்டியடிகள் புராணம்

அருளியவர்: சேக்கிழார்

1

தண்டி அடிகள் திரு ஆரூர் பிறக்கும் பெருமைத் தவம் உடையார்அண்ட வாணர் மறை பாட ஆடும் செம் பொற்கழல் மனத்துக்கொண்ட கருத்தின் அகம் நோக்கும் குறிப்பே அன்றிப் புற நோக்கும்கண்ட உணர்வு துறந்தார் போல் பிறந்த பொழுதே கண் காணார்.

சொற்பிரிப்பு

தண்டி அடிகள் திருஆரூர்ப் பிறக்கும் பெருமைத் தவம் உடையார்அண்டவாணர் மறைபாட ஆடும் செம்பொன் கழல் மனத்துக்கொண்ட கருத்தின் அகம் நோக்கும் குறிப்பே அன்றிப் புறம் நோக்கும்கண்ட உணர்வு துறந்தார் போல் பிறந்த பொழுதே கண் காணார்.

உரை

மூலத்தில் தமிழ் உரை இல்லை.

2

காணும் கண்ணால் காண்பது மெய்த் தொண்டே ஆன கருத்து உடையார்பேணும் செல்வத் திருவாரூர்ப் பெருமான் அடிகள் திருவடிக்கேபூணும் அன்பினால் பரவிப் போற்றும் நிலைமை புரிந்து அமரர்சேணும் அறிய அரியதிருத் தொண்டில் செறியச் சிறந்து உள்ளார்.

சொற்பிரிப்பு

காணும் கண்ணால் காண்பது மெய்த் தொண்டே ஆன கருத்துடையார்பேணும் செல்வத் திருஆரூர்ப் பெருமான் அடிகள் திருவடிக்கேபூணும் அன்பினால் பரவிப் போற்றும் நிலைமை புரிந்து அமரர்சேணும் அறிய அரிய திருத்தொண்டில் செறியச் சிறந்துள்ளார்.

உரை

மூலத்தில் தமிழ் உரை இல்லை.

3

பூவார் சடிலத் திருமுடியார் மகிழ்ந்த செல்வப்** பூங்கோயில்தேவாசிரியன் முன் இறைஞ்சி வலம் செய்வாரய்ச் செம்மை புரிநாவால் இன்பமுறும் காதல் நமச்சிவாய நற்பதமேஓவா அன்பில் எடுத்து ஓதி ஒரு நாள் போல வரும் நாளில்.(** தெய்வப் பூங் கோயில் என்றும் பாடம் )

சொற்பிரிப்பு

பூவார் சடிலத் திருமுடியார் மகிழ்ந்த செல்வப் பூங்கோயில்தேவாசிரியன் முன் இறைஞ்சி வலம் செய்வாராய்ச், செம்மைபுரிநாவால் இன்பம் உறும் காதல் நமச்சிவாய நற்பதமேஓவா அன்பில் எடுத்து ஓதி ஒருநாள் போல வருநாளில்.

உரை

மூலத்தில் தமிழ் உரை இல்லை.

4

செங்கண் விடையார் திருக்கோயில் குடபால் தீர்த்தக் குளத்தின் பாங்குஎங்கும் அமணர் பாழிகளாய் இடத்தால் குறைபாடு எய்துதலால்அங்கு அந்நிலைமை தனைத் தண்டி அடிகள் அறிந்தே ஆதரவால்இங்கு நான் இக் குளம் பெருகக் கல்ல வேண்டும் என்று எழுந்தார்.

சொற்பிரிப்பு

செங்கண் விடையார் திருக்கோயில் குடபால் தீர்த்தக் குளத்தின் பாங்குஎங்கும் அமணர் பாழிகளாய் இடத்தால் குறைபாடு எய்துதலால்அங்கு அந்நிலைமை தனைத் தண்டி அடிகள் அறிந்தே ஆதரவால்இங்கு நான் இக்குளம் பெருகக் கல்ல வேண்டும் என்று எழுந்தார்.

உரை

மூலத்தில் தமிழ் உரை இல்லை.

5

குழி வாய் அதனில் குறி நட்டுக் கட்டும் கயிறு குளக் கரையில்இழிவாய்ப் புறத்து நடுத் தறியோடு இசையக் கட்டி இடை தடவிவழியால் வந்து மண் கல்லி எடுத்து மறித்தும் தடவிப் போய்ஒழியா முயற்சியால் உய்த்தார் ஓதும் எழுத்தஞ்சுடன் உய்ப்பார்.

சொற்பிரிப்பு

குழிவாய் அதனில் குறிநட்டுக் கட்டும் கயிறு குளக்குலையின்இழிவாய்ப் புறத்து நடுத்தறியோடு இசையக் கட்டி, இடை தடவி,வழியால் வந்து மண் கல்லி எடுத்து, மறித்தும் தடவிப்போய்ஒழியா முயற்சியால் உய்த்தார் ஓதும் எழுத்தஞ்சு உடனுய்ப்பார்.

உரை

மூலத்தில் தமிழ் உரை இல்லை.

6

நண்ணிநாளும் நல்தொண்டர் நயந்த விருப்பால் மிகப் பெருகிஅண்ணல் தீர்த்தக் குளம் கல்லக்கண்ட அமணர் பொறார் ஆகிஎண்ணித் தண்டி அடிகள் பால் எய்தி முன் நின்று இயம்புவார்மண்ணைக் கல்லில் பிராணி படும் வருத்த வேண்டாம் என்று உரைத்தார்.

சொற்பிரிப்பு

நண்ணி நாளும் நல்தொண்டர் நயந்த விருப்பால் மிகப்பெருகிஅண்ணல் தீர்த்தம் குளம் கல்லக் கண்ட அமணர் பொறார் ஆகிஎண்ணித், தண்டி அடிகள்பால் எய்தி முன் நின்று இயம்புவார்மண்ணைக் கல்லில் பிராணி படும் வருத்த வேண்டாம் என்று உரைத்தார்.

உரை

மூலத்தில் தமிழ் உரை இல்லை.

7

மாசு சேர்ந்த முடை உடலார் மாற்றம் கேட்டு மறு மாற்றம்தேசு பெருகும் திருத் தொண்டர் செப்புகின்றார் திருவிலிகாள்பூசு நீறு சாந்தம் எனப் புனைந்த பிரானுக்கு ஆன பணிஆசிலா நல்லறம் ஆவது அறிய வருமோ உமக்கு என்றார்.

சொற்பிரிப்பு

மாசு சேர்ந்த முடை உடலார் மாற்றம் கேட்டு மறுமாற்றம்தேசு பெருகும் திருத்தொண்டர் செப்புகின்றார் திருவிலிகாள்!பூசு நீறு சாந்தம் எனப் புனைந்த பிரானுக்கு ஆன பணிஆசு இலா நல் அறம் ஆவது அறிய வருமோ உமக்கு? என்றார்.

உரை

மூலத்தில் தமிழ் உரை இல்லை.

8

அந்தம் இல்லா அறிவு உடையார் உரைப்பக் கேட்ட அறிவு இல்லார்சிந்தித்து இந்த அறம் கேளாய் செவியும் இழந்தாயோ என்னமந்த உணர்வும் விழிக்குருடும் கேளாச் செவியும் மற்று உமக்கேஇந்த உலகத்து உள்ளன என்று அன்பர் பின்னும் இயம்புவார்.

சொற்பிரிப்பு

அந்தம் இல்லா அறிவு உடையார் உரைப்பக் கேட்ட அறிவு இல்லார்சிந்தித்து இந்த அறம் கேளாய் செவியும் இழந்தாயோ என்னமந்த உணர்வும், விழிக் குருடும், கேளாச் செவியும் மற்று உமக்கேஇந்த உலகத்து உள்ளன என்று அன்பர் பின்னும் இயம்புவார்.

உரை

மூலத்தில் தமிழ் உரை இல்லை.

9

வில்லால் எயில் மூன்று எரித்தபிரான் விரையார் கமலச் சேவடிகள்அல்லால் வேறுகாணேன் யான் அதுநீர் அறிதற்கார் என்பார்நில்லா நிலையீர் உணர்வு இன்றி நும் கண் குருடாய் என் கண் உலகுஎல்லாம் காண்பான் யான்கண்டால் என் செய்வீர் என்று எடுத்து உரைத்தார்.

சொற்பிரிப்பு

வில்லால் எயில் மூன்று எரித்த பிரான் விரை ஆர் கமலச் சேவடிகள்அல்லால் வேறு காணேன் யான் அது நீர் அறிதற்கு ஆர்? என்பார்நில்லா நிலையீர்! உணர்வு இன்றி நுங் கண் குருடாய் என் கண் உலகுஎல்லாம் காண்பான் யான் கண்டால் என் செய்வீர் என்று எடுத்துரைத்தார்.

உரை

மூலத்தில் தமிழ் உரை இல்லை.

10

அருகர் அது கேட்டு உன் தெய்வத்து அருளால் கண் நீ பெற்றாயேல்பெருகும் இவ்வூரினில் நாங்கள் பின்னை இருக்கிலோம் என்றுகருகு முருட்டுக் கைகளால் கொட்டை வாங்கிக் கருத்தின் வழித்தருகைக்கயிறும் தறியும் உடன் பறித்தார் தங்கள் தலை பறித்தார்.

சொற்பிரிப்பு

அருகர் அதுகேட்டு உன் தெய்வத்து அருளால் கண் நீ பெற்றாயேல்பெருகும் இவ்ஊரினில் நாங்கள் பின்னை இருக்கிலோம்” என்றுகருகு முருட்டுக் கைகளால் கொட்டை வாங்கிக் கருத்தின் வழித்தரு கைக் கயிறும் தறியும் உடன் பறித்தார் தங்கள் தலை பறித்தார்.

உரை

மூலத்தில் தமிழ் உரை இல்லை.

11

வெய்ய தொழிலார் செய்கையின் மேல் வெகுண்ட தண்டி அடிகள்தாம்மைகொள் கண்டர் பூங்கோயில் மணிவாயிலின் முன் வந்து இறைஞ்சிஐயனே இன்று அமணர்கள்தாம் என்னை அவமானம் செய்யநைவது ஆனேன் இது தீர நல்கும் அடியேற்கு எனவீழ்ந்தார்.

சொற்பிரிப்பு

வெய்ய தொழிலார் செய்கையின் மேல் வெகுண்ட தண்டி அடிகள் தாம்மைகொள் கண்டர் பூங்கோயில் மணிவாயிலின் முன் வந்து இறைஞ்சிஐயனே! இன்று அமணர்கள் தாம் என்னை அவமானம் செய்யநைவதானேன் இது தீர நல்கும் அடியேற்கு என வீழ்ந்தார்.

உரை

மூலத்தில் தமிழ் உரை இல்லை.

12

பழுது தீர்ப்பார் திருத் தொண்டர் பரவி விண்ணப்பம் செய்துதொழுது போந்து மடம் புகுந்து தூய பணி செய்யப் பெறாதுஅழுது கங்குல் அவர் துயிலக் கனவில் அகில லோகங்கள்முழுதும் அளித்த முதல்வனார் முன் நின்று அருளிச் செய்கின்றார்.

சொற்பிரிப்பு

பழுது தீர்ப்பார் திருத்தொண்டர் பரவி விண்ணப்பம் செய்துதொழுது போந்து, மடம் புகுந்து தூய பணி செய்யப் பெறாதுஅழுது கங்குல் அவர் துயிலக் கனவில், அகில லோகங்கள்முழுதும் அளித்த முதல்வனார் முன் நின்று அருளிச் செய்கின்றார்.

உரை

மூலத்தில் தமிழ் உரை இல்லை.

13

நெஞ்சில் மருவும் கவலையினை ஒழி நீ நின்கண் விழித்து அந்தவஞ்ச அமணர் தம் கண்கள் மறையுமாறு காண்கின்றாய்அஞ்ச வேண்டா என்று அருளி அவர் பால் நீங்கி அவ்விரவேதுஞ்சும் இருளில் அரசன் பால் தோன்றிக் கனவில் அருள் புரிவார்.

சொற்பிரிப்பு

நெஞ்சில் மருவும் கவலையினை ஒழி நீ நின்கண் விழித்து அந்தவஞ்ச அமணர் தங் கண்கள் மறையுமாறு காண்கின்றாய்அஞ்ச வேண்டாம் என்று அருளி, அவர்பால் நீங்கி, அவ்இரவே,துஞ்சும் இருளில் அரசன்பால் தோன்றிக் கனவில் அருள்புரிவார்.

உரை

மூலத்தில் தமிழ் உரை இல்லை.

14

தண்டி நமக்குக் குளம் கல்லக் கண்ட அமணர் தரியாராய்மிண்டு செய்து பணிவிலக்க வெகுண்டான் அவன்பால் நீ மேவிக்கொண்ட குறிப்பால் அவன் கருத்தை முடிப்பாய் என்று கொள அருளித்தொண்டர் இடுக்கண் நீங்க எழுந்தருளினார் அத்தொழில் உவப்பார்.

சொற்பிரிப்பு

தண்டி நமக்குக் குளம் கல்லக் கண்ட அமணர் தரியாராய்மிண்டு செய்து பணி விலக்க வெகுண்டான் அவன்பால் நீ மேவிக்கொண்ட குறிப்பால் அவன் கருத்தை முடிப்பாய் என்று கொள அருளித்தொண்டர் இடுக்கண் நீங்க எழுந்தருளினார் அத்தொழில் உவப்பார்.

உரை

மூலத்தில் தமிழ் உரை இல்லை.

15

வேந்தன் அது கண்டு அப்பொழுதே விழித்து மெய்யின் மயிர் முகிழ்ப்பப்பூந்தண் கொன்றை வேய்ந்தவரைப் போற்றிப் புலரத் தொண்டர்பால்சார்ந்து புகுந்த படி விளம்பத்தம் பிரானார் அருள் நினைந்தேஏய்ந்த மன்னன் கேட்ப இது புகுந்த வண்ணம் இயம்புவார்.

சொற்பிரிப்பு

வேந்தன் அது கண்டப்பொழுதே விழித்து மெய்யின் மயிர் முகிழ்ப்பப்பூந்தண் கொன்றை வேய்ந்தவரைப் போற்றிப் புலரத் தொண்டர்பால்சார்ந்து, புகுந்தபடி விளம்பத்தம் பிரானார் அருள் நினைந்தேஏய்ந்த மன்னன் கேட்ப இது புகுந்த வண்ணம் இயம்புவார்.

உரை

மூலத்தில் தமிழ் உரை இல்லை.

16

மன்ன கேள் யான் மழவிடையார் மகிழும் தீர்த்தக் குளம் கல்லத்துன்னும் அமணர் அங்கு அணைந்து ஈது அறம் அன்று என்று பல சொல்லிப்பின்னும் கயிறு தடவுதற்கு யான் பிணித்த தறிகள் அவை வாங்கிஎன்னை வலிசெய்து யான் கல்லும் கொட்டைப் பறித்தார் என்று இயம்பி.

சொற்பிரிப்பு

மன்ன கேள் யான் மழ விடையார் மகிழும் தீர்த்தக் குளம் கல்லத்துன்னும் அமணர் அங்கு அணைந்து ஈது அறம் அன்று என்று பல சொல்லிப்பின்னும் கயிறு தடவுதற்கு யான் பிணைத்த தறிகள் அவை வாங்கிஎன்னை வலிசெய்து யான் கல்லும் கொட்டைப் பறித்தார் என்று இயம்பி.

உரை

மூலத்தில் தமிழ் உரை இல்லை.

17

அந்தன் ஆன உனக்கு அறிவும் இல்லை என்றார் யான் அதனுக்குஎந்தை பெருமான் அருளால் யான் விழிக்கில் என் செய்வீர் என்னஇந்த ஊரில் இருக்கிலோம் என்றே ஒட்டினார் இதுமேல்வந்தவாறு கண்டு இந்த வழக்கை முடிப்பது என மொழிந்தார்.

சொற்பிரிப்பு

அந்தன் ஆன உனக்கு அறிவும் இல்லை என்றார்; யான் அதனுக்குஎந்தை பெருமான் அருளால் யான் விழிக்கில் என் செய்வீர் என்னஇந்த ஊரில் இருக்கிலோம் என்றே ஒட்டினார் இது மேல்வந்தவாறு கண்டு இந்த வழக்கை முடிப்பது என மொழிந்தார்.

உரை

மூலத்தில் தமிழ் உரை இல்லை.

18

அருகர் தம்மை அரசனும் அங்கு அழைத்துக் கேட்க அதற்கு இசைந்தார்மருவும் தொண்டர் முன்போக மன்னன் பின்போய் மலர்வாவிஅருகு நின்று விறல் தண்டி அடிகள் தம்மை முகம் நோக்கிப்பெருகுந் தவத்தீர் கண் அருளால் பெறுமா காட்டும் எனப் பெரியோர்.

சொற்பிரிப்பு

அருகர் தம்மை அரசனும் அங்கு அழைத்துக் கேட்க அதற்கு இசைந்தார்;மருவும் தொண்டர் முன் போக மன்னன் பின் போய், மலர் வாவிஅருகு நின்று, விறல் தண்டி அடிகள் தம்மை முக நோக்கிப்பெருகும் தவத்தீர் கண் அருளால் பெறுமா காட்டும் எனப் பெரியோர்.

உரை

மூலத்தில் தமிழ் உரை இல்லை.

19

ஏய்ந்த அடிமை சிவனுக்கு யான் என்னில் இன்று என் கண் பெற்றுவேந்தன் எதிரே திருவாரூர் விரவும் சமணர் கண் இழப்பார்ஆய்ந்த பொருளும் சிவபதமே ஆவது என்றே அஞ்செழுத்தைவாய்ந்த தொண்டர் எடுத்து ஓதி மணிநீர் வாவி மூழ்கினார்.

சொற்பிரிப்பு

ஏய்ந்த அடிமை சிவனுக்கு யான் என்னில் இன்று என் கண் பெற்றுவேந்தன் எதிரே திருஆரூர் விரவும் சமணர் கண் இழப்பார்;ஆய்ந்த பொருளும் சிவபதமே ஆவது என்றே அஞ்செழுத்தைவாய்ந்த தொண்டர் எடுத்து ஓதி மணி நீர் வாவி மூழ்கினார்.

உரை

மூலத்தில் தமிழ் உரை இல்லை.

20

தொழுது புனல் மேல் எழும் தொண்டர் தூய மலர்க்கண் பெற்று எழுந்தார்பொழுது தெரியாவகை இமையோர் பொழிந்தார் செழுந் தண்பூமாரிஇழுதை அமணர் விழித்தே கண் இழந்து தடுமாறக் கண்டுபழுது செய்த அமண் கெட்டது என்று மன்னன் பகர்கின்றான்.

சொற்பிரிப்பு

தொழுது புனல்மேல் எழும் தொண்டர் தூய மலர்க்கண் பெற்று எழுந்தார்;பொழுது தெரியா வகை அமரர் பொழிந்தார் செழுந்தண் பூமாரி,இழுதை அமணர் விழித்தே, கண் இழந்து தடுமாறக் கண்டுபழுது செய்த அமண் கெட்டது என்று மன்னன் பகர்கின்றான்.

உரை

மூலத்தில் தமிழ் உரை இல்லை.

21

தண்டி யடிகள் தம்முடனே ஒட்டிக் கெட்ட சமண் குண்டர்அண்டர் போற்றும் திருவாரூர் நின்றும் அகன்று போய்க் கழியக்கண்ட அமணர் தமை எங்கும் காணா வண்ணம் துரக்க எனமண்டி வயவர் சாடுதலும் கண்கள் காணார் மனம் கலங்கி.

சொற்பிரிப்பு

தண்டி அடிகள் தம் உடனே ஒட்டிக் கெட்ட சமண் குண்டர்அண்டர் போற்றும் திருஆரூர் நின்றும் அகன்று போய்க் கழியக்கண்ட அமணர் தமை எங்கும் காணா வண்ணம் துரக்க எனமண்டி வயவர் சாடுதலும் கண்கள் காணார், மனம் கலங்கி.

உரை

மூலத்தில் தமிழ் உரை இல்லை.

22

குழியில் விழுவார் நிலை தளர்வார் கோலும் இல்லை- என உரைப்பார்வழி ஈது என்று தூறு அடைவார் மாண்டோம் என்பார் மதிகெட்டீர்அழியும் பொருளை வட்டித்து இங்கு கழிந்தோம் என்பார் அரசனுக்குப்பழி ஈது ஆமோ என்று உரைப்பார் பாய்கள் இழப்பார் பறிதலையார்.

சொற்பிரிப்பு

குழியில் விழுவார் நிலை தளர்வார் கோலும் இல்லை என உரைப்பார்;வழி ஈது என்று தூறு அடைவார் மாண்டோம் என்பார் மதி கெட்டீர்!அழியும் பொருளை வட்டித்து இங்கு அழிந்தோம் என்பார்; அரசனுக்குப்பழி ஈது ஆமோ என்றுரைப்பார் பாய்கள் இழப்பார் பறிதலையர்.

உரை

மூலத்தில் தமிழ் உரை இல்லை.

23

பீலி தடவிக் காணாது பெயர்வார் நின்று பேதுறுவார்காலினோடு கை முறியக் கல் மேல் இடறி வீழ்வார்கள்சால நெருங்கி எதிர் எதிரே தம்மில் தாமே முட்டிடுவார்மாலும் மனமும் அழிந்து ஓடி வழிகள் அறியார் மயங்குவார்.

சொற்பிரிப்பு

பீலி தடவிக் காணாது பெயர்வார்; நின்று பேதுறுவார்;காலினோடு கை முறியக் கல் மேல் இடறி வீழ்வார்கள்;சால நெருங்கி எதிர் எதிரே தம்மில் தாமே முட்டிடுவார்;மாலும் மனமும் அழிந்து ஓடி வழிகள் அறியார் மயங்குவார்.

உரை

மூலத்தில் தமிழ் உரை இல்லை.

24

அன்ன வண்ணம் ஆரூரில் அமணர் கலக்கம் கண்டவர் தாம்சொன்ன வண்ணமே அவரை ஓடத் தொடர்ந்து துரந்து அதன்பின்பன்னும் பாழிப் பள்ளிகளும் பறித்துக் குளம் சூழ் கரைபடுத்துமன்னவனும் மனம் மகிழ்ந்து வந்து தொண்டர் அடிபணிந்தான்.

சொற்பிரிப்பு

அன்ன வண்ணம் ஆரூரில் அமணர் கலக்கம் கண்டவர் தாம்சொன்ன வண்ணமே அவரை ஓடத் தொடர்ந்து துரந்ததன் பின்பன்னும் பாழிப் பள்ளிகளும் பறித்துக் குளம் சூழ் கரை படுத்துமன்னன் அவனும் மன மகிழ்ந்து வந்து தொண்டர் அடி பணிந்தான்.

உரை

மூலத்தில் தமிழ் உரை இல்லை.

25

மன்னன் வணங்கிப் போயின பின் மாலும் அயனும் அறியாதபொன்னங் கழல்கள் போற்றி இசைத்துப் புரிந்த பணியும் குறை முடித்தேஉன்னு மனத்தால் அஞ்சு எழுத்தும் ஓதி வழுவாது ஒழுகியேமின்னும் சடையார் அடி நீழல் மிக்க சிறப்பின் மேவினார்.

சொற்பிரிப்பு

மன்னன் வணங்கிப் போயின பின் மாலும் அயனும் அறியாதபொன்னம் கழல்கள் போற்றிசைத்துப் புரிந்த பணியும் குறை முடித்தேஉன்னும் மனத்தால் அஞ்செழுத்தும் ஓதி வழுவாது ஒழுகியேமின்னும் சடையார் அடி நீழல் மிக்க சிறப்பின் மேவினார்.

உரை

மூலத்தில் தமிழ் உரை இல்லை.

26

கண்ணின் மணிகள் அவை இன்றிக் கயிறு தடவிக்** குளம்தொட்டஎண்ணில் பெருமைத் திருத் தொண்டர் பாதம் இறைஞ்சி இடர் நீங்கிவிண்ணில் வாழ்வார் தாம் வேண்டப் புரங்கள் வெகுண்டார் வேற்காட்டூர்உண்ணிலாவும் புகழ்த் தொண்டர் மூர்க்கர் செய்கை உரைக்கின்றாம்.( ** கயிறு பிடித்து என்றும் பாடம் )

சொற்பிரிப்பு

கண்ணின் மணிகள் அவை இன்றிக் கயிறு தடவிக் குளம் தொட்டஎண்ணில் பெருமைத் திருத்தொண்டர் பாதம் இறைஞ்சி இடர் நீங்கிவிண்ணில் வாழ்வார் தாம் வேண்டப் புரங்கள் வெகுண்டார் வேற்காட்டூர்உள் நிலாவும் புகழ்த்தொண்டர் மூர்க்கர் செய்கை உரைக்கின்றாம்.

உரை

மூலத்தில் தமிழ் உரை இல்லை.